هل من جديد في ما يتعلق بمنحة الطلبة الدارسين بكندا وامريكيا

السادة الكرام اعضاء المنتدى
السلام عليكم ورحمة الله
اود الاستفسار عن موضوع المنحة لطلبة كندا وامريكا ...هل هناك اي اخبار جديد تبشر بالفرج ام مازالت المشكلة قائمة حيث اني احد الطلبة الذين وصلو متاخرين الى كندا وانا حاليا في مدينة اوتوا، والى هذه الساعة لم نرى اي شيء جديد ولم نستلم اي مبلغ بعد من المكتب الكندي ... الرجاء اعلمونا بما يجري في ليبيا حول هذا الموضع لكي نتخذو قرار اما بالصبر والبقاء او العودة
اخوكم في الله العالق بيين مطرقة وزارة التعليم العالي وسندان غلا المعيشة في كندا

عدل سابقا من قبل tamim houma في السبت 20 أبريل 2013, 8:27 pm عدل 2 مرات

ان شاء الله خير ما علينا الا الدعاء لله بحل هذة المحنه
يا رب

ماهي آخر الاخبار بالساحة الكندية بخصوص المنحة للطلاب الليبيين وما هي اخبار إجراءات التأشيرة بليبيا للطلاب الجدد الدين يردون استكمال الدراسة بكندا ومازالو حاليا في ليبيا

بارك الله فيكم وعلي ماتبدلونه

يا أريج معاش فهمنا حاجة إقولو أنحلت بس ما شفنا شي والسفاره قاعده تعطي في مواعيد لتأشيره وقعده أدير في مقابلات بس المكتب الكندي أموقف شغله و ربي يلطف

شنى يصير الان للطلبة الذين اسمائهم متواجدة في التفويضات الجديده التى سوف يتم استلام الابراق الاسبوع القادم شنى يصير فيهم يسافروا او يبقوا فى ليبيا الى حين اشعار اخر مع العلم ان معظم الطلبة الجدد موقفين من اعمالهم وقبولهم بداية شهر 5 بالله افيدونا اللى عنده معلومه

يا اخواني اللي في ليبيا ما تفكرو اتجو لكندا او امريكا لعند ما تنحل هالقصة .... احنا جينا وحصلنا وخبرونا شن صاير في ليبيا بهالخصوص

نحنا طلبة عندنا قبول اكاديمي و في وضع اكاديمي ممتاز و احتزنا المواد والامتحان الشامل و انقطعت علينا المنحة دون سابق انذار والأن في وضع صعب حيث ان ابناءنا في المدارس و الامتحانات اقتربت و الوضع المادي الله المستعان الحياة صعبه جدجدا لذلك انصح كل الاخوة بعدم القدوم الي امريكا الا بعد ان تحل المشكلة المالية فأنت تحتاج على الاقل 3000 دولا في الشهر هذا اذا كانت اسرتك مكونة من 3 الي 4 اشخاص ناهيك عن ان بعض الولايات تحتاج ان تدفع فيها تأمين سكن قد يصل الي 1000 دولار غير الايجار خصوصا اذا كنت وافد جديد و ليس لديك عنوان سابق في امريكا

waled كتب:

شنى يصير الان للطلبة الذين اسمائهم متواجدة في التفويضات الجديده التى سوف يتم استلام الابراق الاسبوع القادم شنى يصير فيهم يسافروا او يبقوا فى ليبيا الى حين اشعار اخر مع العلم ان معظم الطلبة الجدد موقفين من اعمالهم وقبولهم بداية شهر 5 بالله افيدونا اللى عنده معلومه

انا من تفويض واحد واجرارتي كان تمام واجلت موعد الدراسة , ولا احد من الطلبة الجدد يقدر يسافر لانهم في المكتب الكندي لن يفعلوا ملف الطلبة الجدد اي عندما تسافر لن تبدا في الدراسة ومافيش تامين صحي ولهذا ننصح ان ما احد يسافر ونا لم اسافر بعد لان في طلبة سافروا لكندا وامريكيا وحالهم ما يعلم به الا الله
والله المستعان

www.youtube.com/watch?v=mgUGnWt_AEk

نعم لا شيء حتى الآن، ويبدو أنه حتى خبر تحويل أموال الطلبة المفعلين أكذوبة.
وزارة التعليم العالي هي اسوأ وزارة في ليبيا وخاصة بعد وزيرها الجديد
والحل الوحيد هو المظاهرة التي ستقام ضده الاثنين القادم
يجب أن يكون أهم مطلب في المظاهرة هو إسقاط وزير التعليم العالي فهو رجل فاشل جدا، لم يقم بحل مشاكل الساحات الأخرى بل جاء إلى الساحة الوحيدة المنظمة وأفسدها
الله لا تربحك يا زيدان، يعني ليبيا مافيهاش ناس وطنيين ومتعلمين إلا هالشكالات