أنباء عن خروج الاموال من وزارة المالية الي مصرف ليبيا المركزي لباقي التفويضات

السلام عليكم ورحمة الله و بركاته

أنباء عن تحرك الاموال من وزارة المالية لباقي التفويضات .. إلي مصرف ليبيا المركزي .. في انتظار التحويل المصرفي منه إلي سفارة ليبيا بكندا ... ومنها للمكتب الكندي ( مطولها ومارك حبالها )... عموما ولله الحمد خطوة للامام....هدا وقد قام السيد سفير كندا بالاجتماع بالسادة وزير التعليم العالي و مدير ادارة البعتات الاسبوع المنصرم بالخصوص وكان ملخص الاجتماع وعود بالتحرك قدماً ....( واللي عنده معلومة يزيد يفيدنا ).... نسأل الله التوفيق للجميع ... في انتظار التعليمات بخصوص التاشيرات ..

- هدا وسوف نحاول معاً تنزيل موضوعين في الايام القادمة احدهما بخصوص الطلبة الموفدين والمتقدمين لطلب التاشيرة مند شهر اكتوبر ومحاولة تسوية امورهم حتي صدور تعليمات باصدار تاشيراتهم.

أما الموضوع الاخر بخصوص مواعيد التقديم علي التاشيرة بالنسبة للطلبة الجاهزة اوراقهم وكيفية المحاولة ايجاد فرصة لقبول طلباتهم في وقت أبكر ......

نسأل الله التوفيق والسداد

وصلي الله علي سيدنا محمد

Seraj

بارك الله فيك إستاذ سراج

ان شاء هل المره تكون الانباء صحيحه مش مجرد اشاعات وربي ايجيب لفيه الخير ويسترنا اجمعين

شكرا هلبة يأخ سراج. انشاءالله تكون الامور انحلت بشكل نهائي
لكن بالله اهم حاجة موضوع التأشيرات المتعطلة خصوصاً للناس اللى دارو الكشف الطبي بصراحة مش معقولة اكثر من شهرين بعد الكشف الطبي وشهرين قبله حتى هما زادوها علينا. اجلنا الكورسات اكثر من مرة ويستر الله. نتمنى بعد تعليمات المكتب الكندى انشاءالله يصدرونا تأشيراتنا.

شكرا اخ سراج وجزاك الله خيرا
بخصوص حجز موعد في السفارة والله هذه مشكلة تانية ،المواعيد متأخرة هلبة بعد شهرين وقت كبير ضايع يا ريت لو يقدمو المواعيد شوية ولو في طريقة انقدم موعدي يا ريت تتفضلو زتقولولنا
وبارك الله فيكم وجزاكم الله خيرا

المشكلة هي أنه حتى أموال الطلبة المفعلين تم تحويلها إلى المصرف المركزي من أكثر من أسبوع وما زالت هناك ... مكانك سر! الله لا تربحك يا جبريل

السلام عليكم ورحمة الله وبركاتة
على حسب ما وصلني من اخبار ان الطلبة المفعلين ملفاتهم والطلبة الجدد قي التفويض ٢ و ٤ اللي خدمتهم وزارة التعليم معاملتهم في المصرف ليها ما يقرب من ثلاث اسابيع
واللى تم تحويلهم الان هم الطلبة المفعلين ملفاتهم واللي لم يتم تحويل اسمائهم في الرسالى الاولى نظرا لان منظومة الوزارة مكانش فيها كل اسماء الطلبة لين بعثو الى المكتب الكندي وردو عليهم المكتب الكندي بان القائمة ناقصة واعطوهم باقي الطلبة والرسالة الاولى مشيت الى المصرف وتو ممكن لاحقو الباقي وممكن هذا السبب اللي خلا المصرف مايحولش القائمة الاولى لانة يستني في باقي القائمة باش ايحولهم هذا تحليلي الخاص بعد خبر اليوم من الاخ سراج باراك الله فية
والسلااااام عليكم

يا رب هالمره اتكون الاخبار صحيحه علي فكره امس كلمت المندوب وقالي علي اساس اليوم عنده موقعد مع رئيس ثسم التحويلات في مصرف ليبيا المركزي بس شن صار اليوم منعرفش لان مردش علي اتصالي ربي ايجيب الي فيه الخير

ربنا يسير وتكون الاسماء جميعها وصلت للمصرف المركزي بما فيها تفويض رقم واحد

للاسف اخيالكريم اايوم اتصلت بوزارة المالية و قالولي لتوا ما درنا سي فالموضوع هذا