تفويض 2+4

السلام عليكم
,

انا اسمي طلع في تفويض رقم 4 طبعا دولة الدراسة كندا , و المكتب الكندي نصنحني بعدم المجي الفترة هذه الي ان تحل المشكلة , وعندما ذهبت الي ادراة البعتات اعلموني بان الفلوس تحولت وتقدر تمشي . بصراحة انا حاليا تفكيري مشوش معادش عرفت شن ندير (نسافر و الا لا ) .طبعا الشرح يطول . نريد منكم النصح . بارك الله فيكم

أخي الكريم
الحل والربط في يد المكتب الكندي
أنصحك بعدم السفر إلا بعد ما يقولك المكتب الكندي تعال

السلام عليكم اخي، نصيحة مني شخصياً وانت حر تاخذها مني والا ما تاخذهاش..العبدلله اسمي في التفويض رقم 2 وجيت لامريكا من شهر 2 اللي فات لان دراستي بدت وقبل ما نستلم برقية بداية الصرف. أستلمت برقية الصرف بتاريخ 1 الشهر هذا ونفس اليوم بعثت صورة منها للمشرفة امتاعي في المكتب الكندي وقالتلي حنبعتوها للبعثات بيش نتأكدوا واول ما يردوا علينا من البعثات حنصرفولك منحة الاستقرار والكمبيوتر والمنحة الشهرية تبدا تنزل...كلام جميل، بس فأجاتني مشرفتي في المكتب الكندي انه الى اليوم الثلاثاء(23 - 4 -2013 ) الجماعة في البعثات ما ردوش عالمكتب الكندي ولا بعثولهم برقية بداية الصرف الاصلية ولا حتى ردوا عليهم بالخصوص..وهذا معناه ان برقية بداية الصرف ما تسوى شي كان الجماعة في البعثات ما هداهم ربي وردوا للكندي ان صاحب البرقية فعلا طالب موفد وان الرسالة طالعة منهم....سامحني لاني القصة طويلة شوي بس أسأل مجرب ولا تسأل طبيب وصاحبك إلى اليوم على حسابه الخاص لين تنزل رحمة ربك عالجماعة اللي في البعثات وبردوا عالمكتب الكندي.....موفق إن شاء الله ولا تنسانا من صالح دعائك

بارك الله فيكم راي مع الاخوه الطلبة لا تذهب قبل ما تنحل المشكلة ويبعت لك المكتب الكندي بالخصوص لان مشكلتك زي مشكلتى مع ان دراستى تبدا الاتنين القادم وقمت بالاتصال بالمعهد وتم تجديد الموعد نهاية شهر 8 لان لقيت هذا الاجراء الصحيح (مع العلم لا يوجد موعد اخرى بعد شهر 4 الا شهر

أخي العزيز
أنصحك بعدم السفر حالياً حتى تتحصل على موافقة من المكتب الكندي
والسيد الذي قال لك في البعثات أن تسافر قل له اعطيني المنحة لان منحة الطلبة لم تنزل بعد
والمسؤول عليك في كندا للأسف المكتب الكندي وليس الليبيين
وهذا المؤسف في الآمر لا تعرف من المسؤول الدولة الليبية أو المكتب الكندي
وحاول أن تفهم من إدارة البعثات متى ستنحل هذه المشكلة
إلا إذا ترغب في السفر والصرف على حسابك
و تأكد من تذاكر السفر جاهزة وإلا مازال شويا

وشكراً

اخي الكريم انا وضعي زي وضعك وحنسافر ومش همي شي للعلم انا اتصلت اليوم بالمندوب وقالي انه الاموال بالفعل تم تحويلها وصلت للسفاره وبالكثير خلال اسبوع الي اسبوعين تنحل مشكلة الاموال اما التأمين الصحي قالي بعد اشويا بنمشي للوزارة وانشوف شن صار لان شهر 5 حيتحول المبلغ الخاص بالتامين لشهر 5 وفي توجه لاختيار شركة اخري للتامين يعني يبو ايخلصو شهر 5 وبعدها بيتعاقدو مع شركة اخري هدا الي فهمتا من السيد المندوب والله اعلم

السلام عليكم الاخ الباتول انا في كندا واتصلت بالسفارة اللليبية في اتوا وبمجرد ان قلتلهم اناىطالب جديد قاللولي احنا ماناش علاقة شوف المكتب الكندي قتلة انا ماكلمتك نبي فلوس انا فقط البلغك انا مواطن ليبي حيت لكندا بالك في اي شي اديرو فية وهذا للعلم
يعني اللي في الخزانة قاللك برا للسفارة كلامة غير صحيح
والسلاااام عليكم

اني في التفويض 2 وقاعد في امريكا، امس قريبي مشي للبعثات وسأل عن فلوس التفويض 2 كان اتحولت والا لا؟ قالوله ان التفويض 1 و 2 يخدموا فيهم ويبوا شهر! أني دايخ، المكتب الكندي يقول ما وصلني شي والوزارة تقول حولنا الفلوس للسفارة الليبية في كندا والواقع يقول أن احني لليوم طلبة نصرفوا من جيوبنا وحتى ورقة دعم مالي ما عندنا.....فلهذا نصيحة للي قاعد في ليبيا، مادام المكتب الكندي ما قالكش تعال ما تجيش لان ما أظنيش انهم استلموا الفلوس وشكلها راحت في الاطلسي!!! والله المستعان

طلبة التفويض 1 و 2 و 3 و 4 اللي موجودين حاليا أو من فترة في كندا أو امريكا، هل في واحد تم تفعيل ملفه في الفترة الاخيرة والا كلكم تستنوا في رد ادارة البعثات من ليبيا على المكتب الكندي زي حالتي؟ افيدوني جازكم الله خيراً

السلام عليكم ورحمة الله وبركاتة
اخي الكريم انا ضمن التفويض ٢ وجيت الى كندا في ٢٩ مارس وبالامس فقط تم تفيل ملفي
تمنياتي لك بالتوفيق

أخر ما ورد عن المكتب الكندي أرجوا أن يكون فيه ما هو مفيد

Update from the Libyan North American Scholarship Program – April 30th, 2013


WNT_YellowBlue3-250x250

Update on MLA Processing

April 30th, 2013



CBIE would like to inform you that the April Monthly Living Allowance (MLA) has been processed for all eligible students in Canada and the United States. We would like to thank the Ministry of Higher Education and Scientific Research, and the Libyan Embassies in Ottawa and Washington DC for their support and cooperation in ensuring the transfer of the MLA funds to CBIE.

While we received enough funds to process the May MLA for students in Canada, kindly note that we are still working with the Ministry to expedite the processing of the May MLA for students in the US as well as other scholarship entitlements such book allowance, mid-travel period ticket, etc. We will keep you apprised of any developments as they happen. Thank you again for your patience and understanding
[right]

اني في التفويض رقم 2 واليوم بس نزلتلي المنحة بعد ما أتفعل ملفي يوم 1-5-2013 ...بارك الله فيكم جميعا