اخبار بخصوص مشكلة السيولة

السلام عليكم
اليوم كانت لجنة التعليم العالي بالمؤتمر الوطني موجودة بجامعة سرت وكان معاهم رئيس ادارة الجامعات الدكتور جمال وبالحرف الواحد قال ان في اجتماع اليوم مع السفارة الكندية بخصوص التاشيرة . اما بالنسبة للاخوة في تقويض 2 وانا واحد منهم فقد وصلوا الفلوس امس فقط للمكتب الكندي وهذا الكلام وراهولي كرسالة استلمها اثناء الاجتماع اليوم يجامعة سرت وانا قريتاها الرسالة.....

الله ايبشرك بالخير ان شاء الله هل في حد تاكد من المكتب الكندي

السلام عليكم
ان شاء الله تكون الاخبار صحيحة
انا كلمت السفارة الكندية اليوم كانت مقفلة

اخي الكريم ماذا بخصوص الطلبة بالتفويض رقم 1 والذي انا من ضمنهم وموعد سفري لامريكا بعد اسبوع واحد فقط

قريب نشحتوا حسوا بالمواطن الليبي

أنا موجود حاليافي امريكا
الى يومنا هذا لم تنزل منحة شهر ابريل 2013
لازم تتأكد من المكتب الكندي قبل السفر

والله يفرج علينا جميعا
و حفظ الله ليبيا ووفق الله الجميع لما فيه خير البلاد والعباد

ما هي آخر أخبار المنحة للطلبة الواصلين حديثاً لأمريكا وكندا؟
وهل تم فتح ملفاتهم في المكتب الكندي ؟

سالم الاكرش كتب:

اخي الكريم ماذا بخصوص الطلبة بالتفويض رقم 1 والذي انا من ضمنهم وموعد سفري لامريكا بعد اسبوع واحد فقط

الحال نفسه شكلهم شوي حماعة تفويض رقم واحد

pearl_830 كتب:

ما هي آخر أخبار المنحة للطلبة الواصلين حديثاً لأمريكا وكندا؟
وهل تم فتح ملفاتهم في المكتب الكندي ؟

ضروري نبوا نعرفوا شن صار مع الطلبة الجدد الغير مفعلين لدى المكتب الكندي

الله يفرج على اخوتنا الطلاب في امريكا وكندا

السلام عليكم
انا اسمي في تفويض 5 نبي نعرف وين نلقي القوئم التي ارسلت للمكتب الكندي علما باني فاتح ملف عند المكتب الكندي من شهرين والدراسة علي الابواب الي عندا معلومة ايفيدنا
واشاء الله خير

باهي انت ليش ماتبعتلهم ايميل قولهم انجي او لا ، نصيحتي ابعت ايميل لجمانة واستفسر منها

باهي انت ليش ماتبعتلهم ايميل قولهم انجي او لا ، نصيحتي ابعت ايميل لجمانة واستفسر منها

السلام عليكم ورحمة الله وبركاته

هدا ليش مشكلة المكتب الكندي ماانحلتش الي توة...تقدروا تلاحظوا اغلب الطلبة في تعليقاتهم (شن صار في التفويض رقم كده ..شن صار في اسمي مش موجود في التفويض كده..الخ) والي انحلت مشكلته والي لقيه اسمه نازل معاش شفنا له لاحس ولا خبر وتقدروا تلاحظوا هدا...لابد تعرفوا حاجة وحدة تقدروا تمشوا للسفارة الكندية في ليبيا وتقولكم انحلت المشكلة والا لا
ماتفرحوش بالحل المؤقت لابد ان نناقش اساس المشكلة وان لانفرح بارسال الربع الاول والثاني من الموازنة؟ السؤال هل هدا الحل دائم للمشكلة او هناك بديل للمكتب الكندي في المستقبل حتي يكون الطالب علي علم لا يتفاجا بايقاف السيولة ومايترتب عليها...

أني في التفويض 2 وما نيش عارف راسي من كراعي... قلنا بالك المكتب الكندي ينزل القائمةاليوم والا يبعثلنا رسالة يقوللنا ياتفعلت ملفاتنا يا ماتفعلتش! وكل بداية اسبوع يقولوا نهايةالاسبوع والله المستعان

اليوم جاني أيميل من المشرفة امتاعي في المكتب الكندي يقولولي أن ملفي مازال ما تفعلش لان البعثات ما ردوش عليهم بالخصوص مع ان اسمي ضمن القائمة اللي في موقع وزارة التعليم العالي ( مسيل جدد2 لسنة 2013)... بعتوا اوراقي من 20 يوم فاتن والى اليوم ما ردوش عليهم. هل في حد من جماعة التفويض 2 اللي في كندا او امريكا اتفعل ملفه الفترة هذه والا لا؟ والا المشكلة غير فيا بس! افيدونا بارك الله فيكم