بنغير قراري لدكتوراة ليا شهر وخايفة يطول

حطيت اوراقي بنغير القرار من ماستر لدكتورا ليا شهر وحسيت الاوراق حاطينهم في الدرج لأمتي عييت ليا 5 سنوات نراجي في فرصتي والله نحس لين قلبي نغم نبي نسافر في اقرب وقت احباط كامل عدرا علي كلماتي لكن حقا اني كنت الاولي علي الدفعة وحسيت الوضع يبي واسطة واني ليا ربي بس ونعم بالله اللي يبي يساعدني ويفهمني علي رحمة الوالدين

إن شـاء الله ياأختي توصلي مبتغاكي بس يجب انك اتابعي موضوعك باستمرار لان الاجراءات في ليبيا مازال ماتغير فيها شي
وانت قلتي ليا الله بس... الله خير من كل شي

بارك الله فيك

يا اختي ربي يعاونك

امشي ماستر وخلاص ,,,, انت زي ما قلت لك فترة تستني فيها

خير ما ضيعي ما بين الاوراق

أختي
سارة فارس
بعثلك رسالة عالخاص
شوفيها
اقترحت عليك رأي في موضوعك
ان شاء الله أيفيدك رأي

يا اخي كوكي انا عندي نفس المشكلة و يا يت تفيدنا الله يبارك فيك

السلام عليكم
أخي الكريم أنا أقترحت عليها انها تستمر في قرارها زي ما صدر يعني درجة ماجستير ... عصفور في اليد ولاعشرة عالشجرة ... يعني تختار البلد الي ترغب وتتوكل علي الله وتدرس بها ماستر ... وبعدين بأذن الله لما تخلص تقدم علي تمديد درجه ... وبذلك تتحصل علي قرار تمديد للدكتوراه ... وبذلك تكون عندك اثنين ماستر وان شاء الله دكتوراه.
وبالتوفيق للجميع

أعتقد أن وجهة نظر الأخ كوكي صحيحة ،،، ولما تقري الماجستير الثانية اختاري موضوع البحث بحيث تستمري فيه للدكتوراة لما تحصلي قرار تمديد بعون الله ، وهكي ما يضايقكش الوقت وتخدمي الدكتراة وأنتي مستريحة من ناحية المدة ،،، وربما هذا تتفاهمي فيه مع المشرف منذ البداية ...

بالتوفيق لكِ وللجميع إن شاء الله !!!

السلام عليكم
اختي انا مريت بنفس حالتك وبقي قرار التغير 3 اشهر
وسبب التعطيل كان الوزير الذي لم يابي ان يوقع القرار وكان عضره ان هناك اشخاص في القرار لايستحقون
وبعد عناء وتوصية من كل الجهات وكانت فترتها عند استلام المؤتمر الوطني مهامهم وهذا ما ساعد علي التعطيل اكثر
ولكن بفضل الله اوالحمد الله تم التوقيع وفان انصحك بعدم الاستسلام لانه من الافضل ان تسافؤي بقرار الدكتوراة مادام عندك الماجستير وان شاء الله ربي يوفقك وتيسر الامور
وسلام

السلام عليكم ورحمة الله وبركاته
اهلا بكم اخوتى بالمنتدى
انا اضم صوتى للاخت الصرمانية
مدام عندك الماجستير حاولى ان تغييري قرارك وتمشى تحضري الدكتوراة
بس نصيحتى ليك حاولى ترددى على الوزارة وتابعي موضوعك بشكل مكثف
وعليك بالصبر والدعاء
والله المستعان