لغة في دولة والدراسة في دولة اخرى

السلام عليكم

هل مسموح قراءة اللغة في دولة تم الاكاديميك في دولة اخرى ،،

وكيف حيكون الاجراء ؟

يعني نكمل لغة نرجع ليبيا ندير اجراءاتي للاكاديميك ونسافر صح ؟

نعم مسموح ....لكن يا اختي هكي بتعبي روحك و زيد على ذلك بضيعي وقت هلبة ....على خاطر لما تكملي اللغة بترجعي لليبيا و تبدي في اجراءات تغير الساحة و ما ادراك ما اجراءات تغير الساحة ,,, وهذا تعب ليك انت و تضيع للوقت

melgheriani كتب:

نعم مسموح ....لكن يا اختي هكي بتعبي روحك و زيد على ذلك بضيعي وقت هلبة ....على خاطر لما تكملي اللغة بترجعي لليبيا و تبدي في اجراءات تغير الساحة و ما ادراك ما اجراءات تغير الساحة ,,, وهذا تعب ليك انت و تضيع للوقت

اها فهمت عني لازم من تغيير ياحة

شكرا لك اخي

بالزبط .... لكن كان انت موفدة جديدة نصيحتي ليك انك تبدي تبحتي على جامعة يكون لها تصنيف ممتاز في تخصصك الاكاديمي و تقدري تبدي تخاطبي الجامعات من توا مش مشكلة..... و بالسبة للغة امرها يعتبر بسيط و في العادة مافيش فرق بين طرق ندريس اللغة بين منطقة و اخري وحتى بين دولة و اخرى...على المهم ركزي على تصنيف الجامعة في تخصصك الاكاديمي قبل الدولة .... و بالنوفيق

نحي الفكرة من راسك...
اذا عششت فكرة المحوال ..فكل شي في البلد مش راج يعجبك..
توكلي علي الله وفكك من برنامج التغيير..