تمديد الدرجة

بداية رسالة الطالب (تعريف الطالب) لا يحتاجها من تحصل على تمديد الدرجة

اما بالنسبة لرسالة بداية الصرف فستجدها جاهزة بعد صدور القرار مباشرة،، اذهب الى ادارة البعثات غداً (لازم تمشي بكرة لان الاسبوع الجاي مسكرين و الخميس عمل داخلي)

اما اللي تحكي عليها انت فهي رسالة الخزانة و لا يحتاج تمديد الدرجة للحصول عليها

مرة اخيرة تحتاج للحصول على نسخة (فقط نسخة مصورة عادية) من رسالة بداية الصرف او ما تعرف برسالة الابراق

ساقوم بتحميل صورة منها غدا ان شاء الله، بس لو نسيت بالله ذكّرني

مشكور أخي
[b style="margin: 0px; padding: 0px; color: rgb(0, 0, 0); font-family: Tahoma, Arial, Helvetica, sans-serif; line-height: 12.09375px; text-align: right; background-color: rgb(241, 241, 241); font-size: 1.2em;"]Inception[/b]
هل هي ما تسمي برسالة أستئناف الصرف؟
لأن لما سألت في البعثات قالولي انت الأن مازالك رسالة أذن الصرف بس الي رح تاخذها معك للسفارة

بالضبط هذي هي
بس المفروض عطوك منها نسخة!! ليش ما طلبتش منها نسخة فوراً بعد صدور قرار تمديد درجتك؟!! لانها تجهز مباشرة بعد صدور القرار

أنا قالولي تستلم هذه الرسالة بعد حصولك علي التأشيرة

فيها خيرة
توكل على الله و خوذها بكرة

بس قالولي تحتاج تقريبا أسبوعين لصدورها

مشكورين

أخي الفاضل
Inception
بالله عليك لو ممكن ما تنساش أتنزلنا نسخه عن رسالة أستئناف الصرف الي مفروض نرفعوا منها نسخه معنا للسفارة
عشان نتأكدوا منها 
ومشكور عالمجهود

شكرا على التذكير
https://2img.net/r/ihimg/photo/my-images/833/xzk7.jpg/

ألف شكر
بس ممكن أخي 
Inception
سؤال
تاريخ الصرف الي رح يكتب بالرسالة هو التاريخ الي رح يتم احتساب صرف المنحه الشهريه منه؟
حتي لو الطالب وصل بعد هذا التاريخ بفترة شهر او شهرين؟
وسامحنا ثقلنا عليك بالأسئلة 

كوكي كتب:

ألف شكر
بس ممكن أخي 
Inception
سؤال
تاريخ الصرف الي رح يكتب بالرسالة هو التاريخ الي رح يتم احتساب صرف المنحه الشهريه منه؟
حتي لو الطالب وصل بعد هذا التاريخ بفترة شهر او شهرين؟
وسامحنا ثقلنا عليك بالأسئلة 

هذا مايقال في ليبيا ولكن لما تمشي للسفارة يحسبولك من أول ماتفتح ملفك

أنا مستغرب من حاجة ليش برقية الصرف يكتبوا فيها بهذا الشكل يعني مربعات وكل مربع فيه كلمة أو اثنين

بداية الصرف الفعلية تبدا من وصولك لبلد الدراسة و بالتحديد "فتح ملف" مع الملحقية

السلام عليكم
أخواني في أحدي المواقع طرحت طالبة السؤال التالي:
لو سمحتو بعد صدور قرار التمديد من ماجستير إلى دكتوراه هل تكمل باقي الاجراءات من القسم الثقافي في البلد الموفد اليه الطالب وإلا من ادارة البعثاث في ليبيا؟
فكانت أحدي الاجابت كالتالي:
بعد صدور القرار تستني التفويض و ورقه الخزانه ورساله الصرف من البعثات يعني كانه ايفاد جديد ،، هذا ماقاله لي مشرف العلوم الطبيه في الملحقيه الثقافيه لندن لما سألته بشكل شخصي على نفس السؤال.

بالله ممكن توضيح لو حد عنده معلومات اكيدة؟

لأن عن تجربة شخصية .... البعثات قالولي لا يلزمك غير رسالة أستئناف الصرف فقط ... يعني هي المطلوبة فقط في حالة تمديد الدرجة .... مع العلم أنا اغلقت ملفي قبل المجئ الي ليبيا.
وشكرا

كوكي كتب:

السلام عليكم
أخواني في أحدي المواقع طرحت طالبة السؤال التالي:
لو سمحتو بعد صدور قرار التمديد من ماجستير إلى دكتوراه هل تكمل باقي الاجراءات من القسم الثقافي في البلد الموفد اليه الطالب وإلا من ادارة البعثاث في ليبيا؟
فكانت أحدي الاجابت كالتالي:
بعد صدور القرار تستني التفويض و ورقه الخزانه ورساله الصرف من البعثات يعني كانه ايفاد جديد ،، هذا ماقاله لي مشرف العلوم الطبيه في الملحقيه الثقافيه لندن لما سألته بشكل شخصي على نفس السؤال.

بالله ممكن توضيح لو حد عنده معلومات اكيدة؟

لأن عن تجربة شخصية .... البعثات قالولي لا يلزمك غير رسالة أستئناف الصرف فقط ... يعني هي المطلوبة فقط في حالة تمديد الدرجة .... مع العلم أنا اغلقت ملفي قبل المجئ الي ليبيا.
وشكرا

 لو أغلقت ملفك من الملحقية فقط تحتاج رسالة الصرف أما لو أغلقت في البعثات فتبدأ من جديد.

السلام عليكم اخوتى اخواتى الكرام,
بعد التحية انا متأسف لو انه الموضوع متعاود لانى دورت والمواضيع معضمها قديمة سؤالى هو هل يحق للطالب ليس بمعيد او عضو هيئة تدريس ان يقدم على تمديد من ماجستير الى دكتوراة ؟ مع العلم الشروط متوفرة من ناحية التميز وايضا المدة ويعتبر الطالب مبعوث من جهات عامة مفروض يكون هكى المسمى.  المهم هل لما يبدا تمديد يديريه من هنى فى بريطانيا او ضرورى يروح للبلاد؟؟ هدى مش فاهمه القصد هل يقدم ورقه ويستنى هنى من غير منحة او انه الملحقيه ممكن تدفعله الفلوس متع الكورس الدكتوراة ويستنى قرار من ليبيا ؟؟

المساعدة اخوتى الكرام

وعليكم السلام
بالنسبة التمديد من ماجستير الى دكتوراة شرط اساسى ان يكون معيدا او عضو هئية التدريس تابع للجامعات او معاهد العليا يعنى تابع للوزارة التعليم العالى ام جهات لاخرى ممنوع
لابد ترجع الى جهتك سابقة فهى تحول اسمك الى قائمة موفدين الجدد للدكتوراة
بالتوفيق

salem.amssad كتب:

وعليكم السلام
بالنسبة التمديد من ماجستير الى دكتوراة شرط اساسى ان يكون معيدا او عضو هئية التدريس تابع للجامعات او معاهد العليا يعنى تابع للوزارة التعليم العالى ام جهات لاخرى ممنوع
لابد ترجع الى جهتك سابقة فهى تحول اسمك الى قائمة موفدين الجدد للدكتوراة
بالتوفيق

شكرا اخى الكريم على ردك بس عندى تعقيب يعنى فيه ناس سئلتهم وقالولى مددولهم طبعا انى مبعت من الاتفاقيات وبعده القرار انضم تحت وزارة التعليم وفيه ناس سئلتهم زينى وايضا سئلت حد فى الملحقية وقال ايه عادى قدم عليه والقرار عند وزارة التعليم وطبعا هدو الناس خدو تمديد مع انهم مش معيدين ولا اعضاء هيئة تدريس بس موفين الشروط من ناحية الامتياز وايضا المدة

تم إعادة طرح تساؤل الأخ Muh وذلك لأهميته لكلينا:
السلام عليكم اخوتي و اخواتي ...في البداية ان شاء الله اموركم تمام ؟؟الحقيقة عندي استفسار عن شروط التمديد من ماجستير لدكتوراة


على حسب علمي الدولة تعطي في 36 شهر سنة للغة و سنتين للماستر

بالنسبة ليا كملت كورس اللغة و جبت درجة الايلتس المطلوبة في 8 شهور و لله الحمد و توا بديت الماستر و كان ربي يوفقني و كملت الماستر في سنة حيفضلوا 14 الشهر من المنحة "36 شهر"


سؤالي هو ...هل ممكن اني نستفيد من المدة المتبقية "14 الشهر" في تمديد من ماستر لدكتوراه؟؟

و كم الوقت المتوقع لصدور قرار التمديد؟؟ وهل لازم نروح لليبيا في فترة التمديد او نقعد هنا عادي؟؟؟


مع العلم اني معيد في الجامعة

وأخي صاحب السؤال قال انه لا يتبع اي جهة حكومية..

السلام عليكم اخوتي الأعزاء،

أودّ الاستفسار من اي طالب سبق له ان مدد الدراسة من ماجستير الى دكتوراه :
هل من الممكن التمديد لدرجة الدكتوراة بمعدل عام pass ? مع العلم أني لدي مدة متبقية تقارب 12 شهرا و أنا عضو هيئة التدريس في جامعة طرابلس.

تحياتي

السلام عليكم و رحمة الله و بركاته

بالنسبة لطلبة التمديد , شن ايدير الطالب بعد صدور القرار , و امتى يصدروا في برقية إعادة الصرف , و هل الاجراءات تندار في البعثات ام في الملحقية في لندن ؟  خصوصا الطلبة اللي روحوا باش يجددوا التاشيرة بسبب تأخر القرار
مشكورين جميعا