هذا ما وردني من السفارة الكندية اليوم

السلام عليكم
اتصلت اليوم بالسفارة الكندية بطرابلس للاستفسار تاشيرتي التي مضى على تقديمها أكثر من 4 شهور
فقالت لي الموظفة بأنني سوف أتلقى ايميل من السفارة الكندية بتونس خلال الأسبوع القادم ان شاء الله
وانهم كانوا متوقفين عن إصدار التأشيرات بسبب المشكلة التي تعرفونها واستانفوا العمل الآن
واعتبرت هذا بمثابة نذير خير للجميع فأحببت ان أزف لكم هذا الخبر

وفق الله الجميع

السلام عليكم
انا اتصلت بالسفارة الاسبوع الماضي واعلموني انهم خلال يوميبن فقط بيعطوا التأشيرات
والى حد الان لم يحصل شئ واليوم اتصلت اكثر من مرة بدون جدوى .

السلام عليكم
باهي فيما يخص رسالة دعم التاشيرة من المكتب الكندي
هل تؤثر في صدور التاشيرة لانه اعتقد ان هذا الرسالة من المستندات المهمة لصدور التاشيرة
والمكتب الكندي لم يعد يمنح فيها من بعد الازمة المالية
وهل في حد كلم السفارة بخصوصها

اليوم كلمت السفارة الكندية في طرابلس وقالولي نفس الكلام, إن السفارة المفروض يبدوا إعطاء
التأشيرات الأسبوع القادم وإن شاء الله خير . حتى أني ليا تقريبا أربعة شهور مقدمة على التتأشيرة
وحاليا قبولي إنتهت صلاحيته وجددته لشهر 8 القادم وتوا قالتلي موظفة السفارة إن نبعتلها نسخة
من القبول الجديد عل الإيميل في حد عنده فكرة عن هالموضوع لوسمحتوا!!!!

ان شاء الله تفتح السفارة التاشيرة في القريب العاجل

ان شاءالله حتى انى ليا اربع شهور نستنى

وانا ايضاً اتصلت بالسفارة الكندية في طرابلس اليوم ولأول مرة موظفة الاستعلامات تعطى معلومة مبشرة حيث قالت ان الاسبوع القادم يبداء اصدار التأشيرات وانهم عندهم زحمة لان من شهرين لم يصدرو التأشيرات وقتلي ترقبي ايميلك الفترة هاذى ويستر الله.

الله يبشركم بالخير

والله فدينا قريب نغيرو الساحه من شهر 2 الي الأن لايوجد رد لا ابيض ولا اسود