استفسار لو سمحتو عن ماليزيا

السلام عليكم:
اريد ان استفسر عن الدراسة فى ماليزيا من حيث المعيشة وأسعار السكن تقريبيا , وماهى أفضل جامعة تكون فى تخصص الادارة او الهندسة الكهربائية
واى الجامعات تكون قريبة من المدن او المحلات لان حسب ما أسمع الجامعات معظمهم تكون بعيدة فى الغابات وبعيدة عن الموصلات.
مع العلم ان لديا دبلوم عالى فهل يتم قبولى مباشرة للماجستير ام لا.
وبار الله فى الجميع

نصيحه من أخ كيف راجع من ماليزيا:
كل الجامعات الماليزيه الان تطلب شهادة IELTS للغه الانجليزيه...بمعدل لا يقل عن 6.0
يوجد لديك عدة جامعات معتمده في المكتب الشعبي الليبي بماليزيا...يمكنك الاختيار من بينهم..
السكن في وسط كوالا لمبور وبشقه جيده..350 دولار شهريا..عدد 2 غرق نوم
المعيشه..كيف ما تبي روحك...من 300 دولار وانته طالع...انا كنت مرتاح جدا ب 300
سلامات

السلام عليكم ورحمة الله
الاخي الكريم

بالنسبة للسكن ,,انت وفلوسك وكل ما كان السكن داخل المدينة كانت الاسعار تختلف بين غالي ومتوسط

غالبا اسعار الشقق بالرنجت الماليزي بين 1500 و2000 وفيه اللي اكثر

يعتمد علي المنطقة ,,وفيه اللي اقل هذا لو الاسعار زي قبل وما تغيرتش

بالنسبة للمصاريف تعتمد عليك ,,انت اطيب في المنزل او رح تعتمد علي اكل بره ,,

الجامعات ,,هذا عنوان موقع الاتحاد متع الطلبة وحاطين فيه الجامعات المعتمدة من قبل السفارة هني

http://www.lsum.net/page3.html

وبما انك دبلوم فاغلب الجامعات مرات ترفض لكن ممكن تحاول في الجامعة الاسلامية

لانه فيها طلبة دبلوم وقابلتهم ,,

بالنسبة للغة ,,لو تبي تقراها في معهد ,,وبعدين ادير امتحان الايلتس يطلبو في 6 اغلب الجامعات

وفيه امكانية تقراه في الجامعة وخاصة الاسلامية ولما توصل لمرحلة معينة يحولوك ع الاكاديمي

لكن شخصيا ما نصحكش باللغة في الجامعة لانها رح تكون اكاديمية بحثة ,,مش زي المعاهد فيها محادثة وغيرها

وفي نهاية الامر تعتمد علي استعدادك لتعلم اللغة ,,ونشاطتك

ولو حصلت في الجامعة الاسلامية ,,تقدر تقدم علي السكن ورح تحصل باذن الله

يبده من 100 رنجت لو حجرة مشتركة الي 500 رنجت للحجرة المنفردة وفيها نت بس مش قوي هلبة لكن معقول

وكمنطقة تعتبر كويسة وبعيدة عن الضجة والدوشة ولو تبي تمشي للعاصمة فيه محطة القطار مش بعيدة عليها ,,

ان شاء الله نكون افدتك باجابتي ,,

موفق باذن الله وربي يتمملك الامور علي خير

اهم شئ تصلي صلاة الاستخارة وربي يقدم اللي فيه الخير

[right]