نصيحة لﻷطباء الجدد

نصيحة مني لكل اﻷطباء الموفدين أو الذين يسعون لﻹيفاد أو حتى الغير راغبين في الدراسة خارج ليبيا السعي في الحصول على إحدى شهادات الجامعة الملكية البريطانية ( Royal College ) ذلك ﻷنها توفر لك ميزة إضافية تساعدك في الحصول على قبول في معظم الدول (طبعا عدا أمريكا وكندا لازم من معادلتهم) وخصوصا أن بعض الدول أصبحت لا تعتد بالبكلوريوس الطبي من الجامعات الليبية للحصول على إذن لمزاولة المهنة كطبيب. كما تتيح لك الفرصة بالعمل والدراسة داخل بريطانيا وإيرلندا وبمرتب ودون الحاجة إلى المعادلة ( plab ).
والسهل في الموضوع أنه بعض الامتحانات متوفرة داخل ليبيا وحتى إللي غير موجودة في ليبيا متوفرة في مصر والأردن.وعلشان تستفيد أكثر وتعرف كيف تقرا عندهم مواقع لﻹشتراك عبر اﻹنترنت.
والميزة إنه عندهم معظم التخصصات ومش معقدين في امتحاناتهم.
وربي يوفقكم إن شاءالله

مشكور اخى الكريم عالمعلومات
ممكن توضيح اكثر لطريقة الامتحانات ومواعيد التسجيل بها او موقعها الالكترونى بارك الله فيك
واسأل عن تخصص الباثولوجى هل متاح لديهم ....

naema كتب:

مشكور اخى الكريم عالمعلومات
ممكن توضيح اكثر لطريقة الامتحانات ومواعيد التسجيل بها او موقعها الالكترونى بارك الله فيك
واسأل عن تخصص الباثولوجى هل متاح لديهم ....

تسلمي أختي الكريمة
فيه موقع امتع مركز تدريب في مصر مفصل المعلومات بخصوص الامتحانات التي تجرى في مصر (معظم الامتحانات) وهذا الرابط امتاعه: http://scoretraining.net/ تقدري تخشي على certificate guide تاخذي فكرة على الموضوع.
بالنسبة للباثولوجي لا أعتقد لأنها شهادات تغطي التخصصات الكلينيكية.

جزاك الله خيرا

سابحث فى الرابط ربما اجد ما اريد

بالنسبة للعيون تقريبا فيه لكن الباثولوجي تو نزيد نشوف موقع royal college بعد يجينا الضي.

Ashraf Abdulhamid كتب:

بالنسبة للعيون تقريبا فيه لكن الباثولوجي تو نزيد نشوف موقع royal college بعد يجينا الضي.

مشكور على تعبك معانا اخى الكريم ........وان شاء الله الضى ما ايعطلش عليكم .

جزاك الله خيرا أخى ابو محمد

مشكور أخي أبو محمد على تواصلك معانا وبارك الله فيك.
أكيد حنحتاجوك المدة الجاية لأنه عندي امتحان الجزء الثاني رح نديرة في لندن إن شاءالله

السلام عليكم ،،
بارك االله فيك أخي عالنصيحة و مازال الله في عون العبد مادام العبد في عون أخيه ، إن شاء الله في ميزان حسناتك
بالله نبي نستفسر منك لو تعرف اي معلومة عالمعادلة الامريكية أو عندك معلومة عالموقع امتاعهم .
بارك الله فيكم

willa كتب:

السلام عليكم ،،
بارك االله فيك أخي عالنصيحة و مازال الله في عون العبد مادام العبد في عون أخيه ، إن شاء الله في ميزان حسناتك
بالله نبي نستفسر منك لو تعرف اي معلومة عالمعادلة الامريكية أو عندك معلومة عالموقع امتاعهم .
بارك الله فيكم

وفيك بارك الله
يا خوي أنت تخصصك هندسة وإلا طب. ﻷنه المعادلة لجماعة الطب بس تقريبا وتلقى عليها معلومات في الموقع المذكور فوق. Score center
وربي يوفقك إن شاءالله

لو سمحت اخي هل يوجد شئ بخصوص clinical pharmacy or pharmacotherapy

أنا تخصصي هندسة ، بس نسأل علي معادلة الطب لخوي

بارك الله فيك اخى على هده النصيحة , وعندى استفسار لو سمحت هل انت متاكد انه الحاصل على الشهائد الملكية (العضوية ك mrcp) يسمح له بالعمل في بريطانيا بدون اجراء البلاب؟؟؟ وشكرا

d.who كتب:

بارك الله فيك اخى على هده النصيحة , وعندى استفسار لو سمحت هل انت متاكد انه الحاصل على الشهائد الملكية (العضوية ك mrcp) يسمح له بالعمل في بريطانيا بدون اجراء البلاب؟؟؟ وشكرا

وفيك بارك الله
نعم يا أخي لأنه بعد ما تتحصل على MRCP تقدر تسجل في General Medical Council (GMC)a وتقدم على وظيفة داخل بريطانيا في التخصص امتعك فقط. يعني الباطنة وما تشملها.
وبالتوفيق إن شاءالله