تجمع طلاب الليبين في جامعة أوتاوا كندا

السشن الافضل اللغة في معهد او جامعه؟
السلام عليكم
انا تحصلت على قبول من اوتاوا شهر واحد القادم قبول لغة بس اني امقدمه عالتأشيرة وطلعتلي توا واني نبي نقرا في اوتاوا كيف تنصحني اندير اندور اي معهد لغة انجيب منه قبول يبدا شهر 10 وبعدين ننتقل لأوتاوا لأن متوقع انسافر 10 او 11 وتحصلت من المكتب الكندي على قبول بس السيمستر الجديد يعني بداية السنه
وشكرا ليك

انشالله موفق يارب

ema_85 كتب:

السشن الافضل اللغة في معهد او جامعه؟
السلام عليكم
انا تحصلت على قبول من اوتاوا شهر واحد القادم قبول لغة بس اني امقدمه عالتأشيرة وطلعتلي توا واني نبي نقرا في اوتاوا كيف تنصحني اندير اندور اي معهد لغة انجيب منه قبول يبدا شهر 10 وبعدين ننتقل لأوتاوا لأن متوقع انسافر 10 او 11 وتحصلت من المكتب الكندي على قبول بس السيمستر الجديد يعني بداية السنه
وشكرا ليك

السلام عليكم

بالنسبة للمعهد في واجد اكويس في جانب الفرنسي من اوتاوا اسمه معهد الستري هو كمعهد ممتاز و بيه دورات تاهيلية و فيه دورات الايلتس و توفل
لكن في ملاحظة عند وصولك الي اوتاوا و عند ذهابك الي مكتب الكندي و فتح حساب لديهم قول لهم اريد منحة الاستقرارية فقط و مرتبي نبيه من شهر 1
لان المدة تبدا في شهر واجد لان اللغة تاخذ وقت و ادفع مصاريف المعهد من جيبك الخاص افضل

École de langues de l’Estrie

Address:
Champlain Campus
115 Rue Champlain, Gatineau, Quebec, J8X 3R1
Email: info@estrieinternational.com
Tel: (819) 770-1391 Fax: (819) 770-3623

http://www.estrieinternational.com/

كيف يعني منحة الاستقرارية ياريت توضحلي اكثر
يعني نصرف على حسابي لمدة شهرين ولما ننتقل شهر واحد للجامعة حنكمل الكورس من وين ماوقفت في المعهد او اللي منقراه في المعهد الجامعة ماتعترفش بيه ونبدي من الاول
يعني كورس اللغ ناخذه في جامعه احسن او حتى لو كملت في معهد عادي
ياريت اترد عليا لأني دايخة ومش فاهمة شي

ema_85 كتب:

كيف يعني منحة الاستقرارية ياريت توضحلي اكثر
يعني نصرف على حسابي لمدة شهرين ولما ننتقل شهر واحد للجامعة حنكمل الكورس من وين ماوقفت في المعهد او اللي منقراه في المعهد الجامعة ماتعترفش بيه ونبدي من الاول
يعني كورس اللغ ناخذه في جامعه احسن او حتى لو كملت في معهد عادي
ياريت اترد عليا لأني دايخة ومش فاهمة شي

الشرح
انا صاحب خبرة لان انتي قالتي انك تدرسي في جامعة احسن و انا امعاك و جامعة اوتاوا 6 مستويات بس و كل مستوي 3 شهور
لكن ا>ا وصلتي اوتاوا و درتي امتحان تحديد مستوي و وضعوك في مستوي الاول كيف تبي تكملي باقي مستويات او يمكن تدخلي ع التوفل او الايلتس
انا قصدي ا>ا جيتي قبل الموعد بفترة طويلة قبل الدراسة في اوتاوا سجلي بالمعهد و طوري نفسك في الكتابة يعني كيف اتديري مقدمة و جسم البرقراف و الخاتمة الكنكلوجن.
و لما توصلي الي المكتب الكندي و قولي لهم اريد القيمة الاستقرارية حوالي 6700 دولار كندي بعني سلفة بدون فوائد و قولي لهم نبي المدة تبدا من شهر 1
و مرتباتي ايضا

او انك ديري دورة في ليبيا ارخص لك

اوكي فهمت عليك مشكور واااجد

شكرا وبارك الله فيكم عالمعلومات القيمة...سؤالي اذا حصلت قبول لغة في جامعة اوتاوا هل من السهل اني انحصل قبول اكاديمي في نفس الجامعة ارجو افادتي

سلام عليكم
انا ابحث عن قبول لغه في كندا كيف اندير ممكن مساعدتي علي خطوات و مشكورين

شكرا ليك على الموضوع الأكثر من رائع ،
أنا نرغب في الدراسة في كندا وفي جامعة أوتاوا ، وسؤالى عن مستوى دراسة اللغة في الجامعة ومستوى دراسة الهندسة تخصص ( مدنية )في نفس الجامعة

اريد تخصص اداره صحيه  في نفس الوقت معهد لغه

نبي نعرف هل جامعه فيها التخصص الاداره الصحيه

يا شباب بارك الله فيكم على التجمع جي في وقته اني شهر 4 جي لاتاوا بالله نبي نصائح ومن يمد يسعدني في الحصول على شقه

موضوع أكثر من رائع