الغاء التعامل مع المكتب الليبي الكندي cbie ؟؟

تم الغاء التعامل مع المكتب الليبي الكندي
هدي معلومة اكيدة من وزارة المالية
والجديد في الامر انه تم تجديد التعامل مع السفارة الليبية في كندا ....................
؟؟؟صح او هناك امور خفية لا نعلمها

السلام عليكم راسلت السفارة الليبية في كندا اليوم وكان هذا ردهم
لسلام عليكم

المكتب الكندي هوا المسئول على الطلبة في كندا وأمريكا إلى يومنا هدا.

شكرا

-----------------------------------------------------------------------------------------------------------------------------
-- Embassy Of Libya
-- 81 Metcalfe St, Suite 1000
-- Ottawa, ON K1P 6K7
-- Tel: +1 (613) 680-2009 - +1 (613) 842-8627
-- Fax: +1 (613) 842-8627
-- Email: info@libyanembassy.ca
-- www.libyanembassy.ca

بس انا اعطوني حتى الورقة امتع المسيل يلي يتم بها مراسلة السفارة
يرجى التاكد..................

قصدك ورقة بداية الصرف؟ حتى انا عطوهلي وفيها مراسلة السفارة الليبية بس هم هكي ردو عليا ؟ انا نبي نعرف بالنسبة للتفويض 4 2 يكتبو للمكتب الكندي او السفارة الليبية ؟

معاش فهمت شئ

الموضوع بجد
البرنامج الجديد هو ان يتم التعامل مع السفارة الليبية
ويتم ارسال ورقة مع بداية الصرف والبرقية
وهيؤعبارة عن نسخة طبق الاصل من مسيل التفويض وبها تفصيل تام لمنحة شهرين 5 و 6 ومختومة عليها من وزارة المالية
لان تم الغااء التعامل مع المكتب الليبي الكندي
وربنا يوفق الجميع
ويبعتد عنهم المماطلة من المكتب الليبي الكندي لان دولتنا الحبيبة حولت اموال ولكن المكتب الب.... يستفيد بطريقة تتعب الطلبة وتزيد معانتهم ويضع العيب في الوزارة وهو يختلس .... المطلوب منا وضع تقتنا في وزارتنا وليس في عميل او بزناس
وشكراً

السلام عليكم اخواتى كرام يا ريت توضحو لنا
1- بالنسبة طلبة الذين سجلوا فى المكنتب الكندى الجدد لى يبو يجو فى شهر 8 وكذللك طلبة موجودين فى كندا ؟ شنو يصير للهم عندما تكون السفارة مسولة
2- انا راسلت السفارة وقالو لى ان مكتب الكندى مسؤل للطلبة ؟
3- لو كانت سفارة مسؤل مفروض ادير اعلان فى موقعها موقع مفيييييييييييييييييييييييييييييييش شى
4- يا ريت توضحونا كان فى تغير فى اجراءات زى فتح ملف فى السفارة فى اتاوا وما هى الاوراف مطلوبة .؟ ونماذج المطلوبة تعبيئتها ؟
5- شنو قصة برقية صرف منحة الى مفروض للمكتب الكندى موش للسفارة ؟
6- هل الغاء حتى فى الساحة الامريكية ؟
7- موضوع هام جدا يستحق مناقشة فيه

السلام عليكم
المعلومات التي لدي مصدرها من وزارة المالية
وموثقة بأوراق تفيد تحويل الاموال للسفارة الليبية في كندا
ولدي نسخة بتحويل مسيل لتفويض رقم 5 للعدد 14 طالب الساحة الكندية واسمي معهم
رقم اذن الصرف للتحويل هو 50695
من يريد ان يتاكد يدهب الى مقر وزارة المالية وبتحديد الي المكتب المقابل للتفويضات ويسأل ويتاكد من الاستاد شرف
لان موضوع المكتب الكندي فات حده ومتير لريبة
ومن لديه معومات مؤكدة فل يدلي بها
او يقوم بعمل فورمات ع بياناته ويحمل من جديد
وفق الله الجميع لما فيه خير البلاد والعباد

السلام عليك أخي عمر ، هل هذا الكلام ينطبق على طلبة أمريكا لأني في تفويض رقم 5 وليا أكثر من 10 أيام نراسل في المكتب الكندي بخصوص طلبة تفويض 5 ولم أتلقى منهم أي رد ، ومش عرف الواحد شنو الحل ولكن أن شاء الله مسافر يوم الأحد أمريكا وحنراسل السفارة والمكتب الكندي بعد الوصول أن شاء الله وربي يسهل غلى الجميع

السلام عليكم
بالنسبة لرسالة الصرف في التفويض رقم 2 موجه بهذا الشكل
المدينة أو بلد المرسل له / بالسفارة الليبية ( المكتب التعليمي الكندي ( CBIE ) كندا
وانا استلمت سلفتي من المكتب الكندي
إذا كان تم حدف الكلام اللي بين الاقواس فيمكن فيه حاجة جديدة ومتجوش لكندا الى حين التأكد التام ومتكرروش فعلتنا خصوصا من معه عائلة .

تمنياتي للجميع بالتوفيق

الاخوة الاعزاء

تحية طيبة

الاخ عمر عمر عمر

ليس صحيح كلامك لان رسائل التفويض الصادرة من وزارة المالية تصدر من زمان موجة للسفارة الليبية فى كندا وهذا لايعنى الغاء التعامل مع المكتب الكندى ارجو الدقة وتوخى الحذر فى نشر اشياء لاتمث الى الواقع بصلة وللعلم هو اجراء روتينى وارجو عدم ارباك الطلاب والناس لان نشر الاخبار الغير صحيح لة مردود عكسى وليعلم الجميع ان الغاء المكتب الكندى ليس بالامر السهل ولة عواقب وامور قانونية



اخى عمر ارجو منك الاتصال بالموقع وسحب هذا الموضوع وشكرا وجزاكم الله كل خير وعافية ( فتبينوا)ل

الاخ عمر عمر عمر

تو اتشوف السرقة على اصولها لما السفارة الليبية تشرف على الطلبة....واتهام المكتب الكندى بالسرقة حجة يتخذها البعض للسرقة لأنفسهم... كيف سيسرق المكتب الكندى و عدد الطلبة معروف و الآموال المحولة معروفة... بعملية حسابية بسيطة يمكن معرفة هل هناك سرقة او لا... انا جربت المكتب الكندى و مايسمى بالمكتب الشعبى فى الاشراف على الطلبة و شتان بينهما... المكتب الشعبى كله واسطة و محسوبية و سرقة

الحقيقة منذ يوم كلمتنى رئيسة حكومة بريتش كولومبيا وبالنيابة عن الحكومة الكندية تستنكر بشدة تصريحات الناطق الرسمى لوكالة المرشبيدى وتطلب بتوضيحات عن التصريحات الصادرة منة بخصوص ايقاف التعامل مع المكتب الكندى وتطلب من السيد عمر عمر مزيد من الايضاح ومعرفة مصادر معلوماتة واذا تدين وتشجب بشدة هذة التصريحات فانها ابلغتنى نقل تحياتها وتحيات الحكومة لموقع الموفد والمسوؤلين عن الموقع وتعبر عن بالغ الشكر والاحترام لهم جميعا موقع ومشاركين وطلاب وتثنى على الجهود المبذولة وقلت بانها تسعى جاهدة لازالة العراقيل من امام الطلاب مثل التوفل وابلس وفتح الجامعات الكندية امام الجميع وكما ثتمن اواصر الصداقة وانها تتابع عن كثب اخر التطورات على الساحة الكندية والدليل على ذلك الرد على السيد عمر وفى رسالة عاجلة طلبت منى ايصالها للاخ عمر ان لا يقوم بتصريحات خطيرة كهذة فى الختام.

مشكلة واحد يكون صديق لرئيس وزراء مثلى انا عندى واسطة قوية كان تبوا حاجة انا على طول فى الخدمة مشغول بالتوفل وبس وتحياتى

CBIE is still responsible for Libyan students till now; 100% sure .

الحمدلله علي السلامة انشالله المانع خير اختي حنان ....معاش شاركتينا بتعليقاتك ونصائحك المميزة والهامة....فياريت انت والاخوة القدامة رواد المنتدي ماتغيبوش علي اخوتكم الطلبة..وبارك الله فيكم

والله معك حق اخي حسن
ليك وحشه اختي حنان انســــــــــــــــــــــــتينا
بس ان شاء الله غيبت خير

laina كتب:

والله معك حق اخي حسن
ليك وحشه اختي حنان انســــــــــــــــــــــــتينا
بس ان شاء الله غيبت خير

تصحيح ...ابو الحسن مش حسن؟؟

اعتذر سامحنا علي الخطأ يا ابو الحســـــــــــــــــن

مسامحك....ههههههههه

حنان

وين ين

ليك وحشه من القلب

وكيف حال العيله كلهم ان شاء الله تمام

شكلها الدراسه خذاتك
او موضوع الشقه شكلك هذا وين استقريتي بالضبظ لكن إحتمال مستبعد لان كندا غير

بالتوفيق يا وخيتي

وباركيلي طلع إسمي في القرار الاخير

وشكلي بنبدأ في التشحوير

قالك في الفتره الاخيره اللي يطلعله قرار إيفاد يقبل في العزي

ههههههههههههههههههههههههههههههههههههههههههههه

ربي يبارك في الجميع و ربي يهني البلاد بجد إيفاد والبلاد مش متريحه والله بالنسبه ليا ما معنداش اي طعمه ولا جتى رائحه