هل صحيح هذا الكلام؟

لو سمحتو خوتي واخواتي اللي في كندا ومعنا في المنتدى هل صحيح تم ايقاف المرافقين عن الدراسة وتم ايقاف اجراء الضم
وبعدين شن اخر اخبار المشكلة اللي بين المكتب الكندي ووزارة التعليم العالي والطلبة اللي مشي في الاونة الاخيرة زي ت 5 شن صار فيهم


عدل سابقا من قبل basmalibya في الأحد 26 مايو 2013, 10:12 pm عدل 1 مرات

والله مشكلة كبيرة لو الموضوع صحيح ياريت حد يقولنا شن صاير بالزبط. اقل حاجة كورس اللغة المشكلة ان حتى الاخوة اللى كانو يتكلمو على مشكلة المكتب الكندي اختفوا من المنتدى مانعرفش شن اللى صاير بالزبط غدو ان شاءالله نكلم جمانة ونرد عليك يابسمة عموما تو نبعثلك رقم هاتفي في الخاص.

الى حد علمي بالنسبة لموضوع دراسة المرافق لا زالت موقوفة

شكرا عالردود اخ عويتي وام احمد وعلى قولتك اختفو اختفاء كامل مش عارفة ليش هل المشكلة انتهت بس انا في شخص معرفة زوجي مرافق لزوجته قال وقفوني على قراية الكورس الانجليزي باهي ايش معنى مرافقين الدول الاخرى يقرو وماحرموهمش من الدراسة وباهي انا كلمت جمانة قالتلي اسمك مازال ماوصلش باهي امتى يوصل
قصدي وين الناس اللي في كندا هل لانه نزلولهم منحة لشهر 6 اطمنو باهي لو صار فيهم بعدين زي قبل اكيدحنلقوهم في المنتدى ويقولولنا اعتصمو تصرفو باهي الاخ عبودعبادي شن صار فيه
بجد معاش عرفنا

كلهم معاش بانو من الازمة المالية اللى صارت زي الاخ ابوبكر ساسى وصالح سربيط والاخت حنان كندا وغيرهم والله معاش تفهمى حاجة غير يقولونا شن فيه بالزبط واحنى انحاولو نشوفو حل من هنى للمرافقين والله راهو مشكلة كبيرة مفروض كلنا نتكاثف ونشوف حل انى تو انكمل اجراءات التفويض ونمشى لمشرف الساحة بالك عنده علم بحاجة

ايه والله حتى انى نضم صوتى لصوتكم ... ما فيش اخبار جديدة ... وربما المنحة المديونة هفتت الوضع ... ربي يسهل على الجميع ... وموضوع المرافقين هذا مشكلة كبيرة ... ان شاء الله خير

أقل شئ طيب كورس اللغة او ممكن يكون كإجراء مؤقت بعد المشكلة المالية بين المكتب الكندى والوزارة ....
وسنظل نتفاءل عساه خير

Om Ahmed كتب:

والله مشكلة كبيرة لو الموضوع صحيح ياريت حد يقولنا شن صاير بالزبط. اقل حاجة كورس اللغة المشكلة ان حتى الاخوة اللى كانو يتكلمو على مشكلة المكتب الكندي اختفوا من المنتدى مانعرفش شن اللى صاير بالزبط غدو ان شاءالله نكلم جمانة ونرد عليك يابسمة عموما تو نبعثلك رقم هاتفي في الخاص.

يارووووووووووووووووووح مابعدك روووووووووووح؟؟؟

هي فعلا ياروح مابعدك روح والمشكلة معليشي بنقولها محسوبين مشرفين عالفاضي قصدي غير الموضوع هذا فيه مواضيع هلبة تهم الموفد لكندا وهم مروا بيها مفروض تكون مثبتة زي الاوراق المطلوبة في مطار كندا الاوراق المطلوبة للمكتب الكندي مالت حاجة اخرى شن اجراءات الضم بالنسبة للمرافق كيفية تغيير التاشيرة بالنسبةللمرافق من زائر لطالب

ياساتر ،، وانا اليوم فرحانه لأني حكم استقريت على الساحه الكندية و خوي مرافق ليا ،، باهي شن الحل؟؟؟

ياجماعة موضوع ايقاف المرافق مشكلة وقتية نظرا للأزمة المالية اللي حصلت وسيتم بعون الله ضم المرافق للدراسة من جديد وهذا الاجراء هو بين المكتب ووزارة التعليم وليش اجراء كندي.... واذا قلتو ان الناس اللي كانت تشارك مش موجودة السبب هو الانشغال لان الدراسة تحتاج الى كل وقت ثانيا لم يطرح موضوع يحتاج الى كثير المشاركين في الردود

awity كتب:

ياجماعة موضوع ايقاف المرافق مشكلة وقتية نظرا للأزمة المالية اللي حصلت وسيتم بعون الله ضم المرافق للدراسة من جديد وهذا الاجراء هو بين المكتب ووزارة التعليم وليش اجراء كندي.... واذا قلتو ان الناس اللي كانت تشارك مش موجودة السبب هو الانشغال لان الدراسة تحتاج الى كل وقت ثانيا لم يطرح موضوع يحتاج الى كثير المشاركين في الردود

الله يطمنك أخي الكريم ،، و بارك الله فيك ..
لدي استفسار بسيط ،، هل يحق للمرافق أن يتم ضمه للدراسة الأكاديمية؟ أو لا يحق له سوي دراسة اللغة؟؟ ،، مع العلم أني سأدرس ماجستير ومرافقي أيضا سيدرس نفس الدرجة.

Lotus flower كتب:

awity كتب:

ياجماعة موضوع ايقاف المرافق مشكلة وقتية نظرا للأزمة المالية اللي حصلت وسيتم بعون الله ضم المرافق للدراسة من جديد وهذا الاجراء هو بين المكتب ووزارة التعليم وليش اجراء كندي.... واذا قلتو ان الناس اللي كانت تشارك مش موجودة السبب هو الانشغال لان الدراسة تحتاج الى كل وقت ثانيا لم يطرح موضوع يحتاج الى كثير المشاركين في الردود

الله يطمنك أخي الكريم ،، و بارك الله فيك ..
لدي استفسار بسيط ،، هل يحق للمرافق أن يتم ضمه للدراسة الأكاديمية؟ أو لا يحق له سوي دراسة اللغة؟؟ ،، مع العلم أني سأدرس ماجستير ومرافقي أيضا سيدرس نفس الدرجة.

يا اختي عادي مسموحله يقرا دراسة اكاديمية بس في مدة اللي يقراها الطالب الموفد يعني مش اكتر مدة من الموفد وان شاءالله حكاية المكتب الكندي تنحل قصدي شن ذنبهم المرافقين يوقفوهم على القراية هم مفروض يحلو المشكلة من جذورها مش قاعدين هكي لا اللي غادي متريح ولا اللي هنا

quote="basmalibya"]"]
يا اختي عادي مسموحله يقرا دراسة اكاديمية بس في مدة اللي يقراها الطالب الموفد يعني مش اكتر مدة من الموفد وان شاءالله حكاية المكتب الكندي تنحل قصدي شن ذنبهم المرافقين يوقفوهم على القراية هم مفروض يحلو المشكلة من جذورها مش قاعدين هكي لا اللي غادي متريح ولا اللي هنا[/quote]

شكـــرا لك أختي الكريمة علي التوضيـح ،، جزاك الله كل خيــــر ،، وإن شاءالله مشكلة المكتب الكندي تنحل قريبا

basmalibya كتب:

هي فعلا ياروح مابعدك روح والمشكلة معليشي بنقولها محسوبين مشرفين عالفاضي قصدي غير الموضوع هذا فيه مواضيع هلبة تهم الموفد لكندا وهم مروا بيها مفروض تكون مثبتة زي الاوراق المطلوبة في مطار كندا الاوراق المطلوبة للمكتب الكندي مالت حاجة اخرى شن اجراءات الضم بالنسبة للمرافق كيفية تغيير التاشيرة بالنسبةللمرافق من زائر لطالب

أختي في البداية بارك الله فيك .... الكل يعرف أن الفترة هادي فترة ضغط امتحانات ... ان شا الله تجي لكندا وتشوفي الوقت كيف يمر بسرعة ... وتشوفي عندك إمكانية تلحقي أو لا

بالنسبة للإشراف فالمنتدى مش ملك المشرفين بس .. الكل مفروض يساهم فيه باقتراحاته ....
بالنسبة للأسئلة لو تشوفيها تلقيها معظمها متكررة وحتى بالنسبة للتاشيرة مع أن فيه موضوع مثبت ومشروح فيه إجراءات التاشيرة بالكامل بس للأسف مازال فيه مواضيع وأسئلة تطرح ع التأشيرة

[code]السلام عليكم ورحمة الله وبركاته

حياكم الله جميعا

ردا على كل ماذكر
بصراحة حاولت ندير اقتباس لاحد التعليقات ونرد عليه لكن !!!!!!!!!!

احترت في الاختيار بينها لانها اغلبها هيا اتهام للغائب الذي لايعلم ظروفه الا الله بما ليس من صفاته

فحتى من كان يسئل اين الاخوة اللي كانوا يتكلموا على مشكلة المكتب الكندي نجده في تعليق اخر يلوح بالكلام انه طالما منحة شهر 6 نزلت معناها
هفتوا وكلام ماليشي علاقة بالواقع

عموما الانسان مايحكمش لين يجرب والكلام في بلادك وبين اهلك وفي بيتك شي وفي بلاد الغربة ومنحة مافيش
والمرافق قالوا انسوا موضوع قرايته حتى لو نزلت المنحة وتفعلت الملفات؛ واحني رغم انا بعضنا بدينا نقروا وفي اي لحظة نتوقعوا يقولولنا بالسلامة لعدم تسديد الرسوم الدراسية؛ وعندك التزامات شهرية ويومية ربي عالم بيها فهذا كله شي اخر!!!! لانه مهما كنت مداير حسابك ورافع معاك فلوسك يضل الخوف والتفكير في الوضع
الغير معروف((واقع مجهول )) هو الهاجس الاكبر وكل هذا بفضل دولتنا الحبيبة ومن يتصدر فيها المناصب
وبرأييه يرسم مصير الطلبة اللي مفروض تكون دولتهم هي العون لهم في كل
الاحوال...

ويضل حالي والحمد لله خير من غيري وخاصة من هو صاحب عائلة وتم ايقاف ابنائه ومرافقيهم عن الدراسة بشكل مفاجيء ...اضافة الى ان بعض الاخوة ممن لا تشمله قصة تفعيل الملفات اقصد الموفدين المفعلة ملفاتهم سابقا اغلبهم مشغولين في الدراسة ربي يكون في العون ... فياريت تلتمسوا لنا الاعذار ولتعلموا ان غيابنا لامور اهم ولا طاقة لنا بها

اما عن الجديد بالنسبة لي ولمن اعرفه من الموفدين الجدد
فقد راسلنا المكتب الكندي انه وصلت قائمة باسمائنا وانه سيفعل ملفاتنا وستنزل لنا المنحة ولكن هذا الكلام ليه اكثر من اسبوع ولم نرى شي جديد على ارض الواقع


وبالنسبة للمرافق شرحتلكم بالتفصيل


اتمنى ان لايكون كلامي مزعج للبعض ولكن اغلب التعليقات مستفزة بصراحة
واتمنى لكم ومن كل قلبي ان يكون الوضع افضل حين وصولكم هنا وماتعيشوش لحظات حرق الاعصاب اللي مرينا بيها

وفي النهاية ادعوا الله ان ييسر امرنا وامركم في كل خير
اختكم امة الرحمن

امة الرحمن كتب:

[code]السلام عليكم ورحمة الله وبركاته

حياكم الله جميعا

ردا على كل ماذكر
بصراحة حاولت ندير اقتباس لاحد التعليقات ونرد عليه لكن !!!!!!!!!!

احترت في الاختيار بينها لانها اغلبها هيا اتهام للغائب الذي لايعلم ظروفه الا الله بما ليس من صفاته

فحتى من كان يسئل اين الاخوة اللي كانوا يتكلموا على مشكلة المكتب الكندي نجده في تعليق اخر يلوح بالكلام انه طالما منحة شهر 6 نزلت معناها
هفتوا وكلام ماليشي علاقة بالواقع

عموما الانسان مايحكمش لين يجرب والكلام في بلادك وبين اهلك وفي بيتك شي وفي بلاد الغربة ومنحة مافيش
والمرافق قالوا انسوا موضوع قرايته حتى لو نزلت المنحة وتفعلت الملفات؛ واحني رغم انا بعضنا بدينا نقروا وفي اي لحظة نتوقعوا يقولولنا بالسلامة لعدم تسديد الرسوم الدراسية؛ وعندك التزامات شهرية ويومية ربي عالم بيها فهذا كله شي اخر!!!! لانه مهما كنت مداير حسابك ورافع معاك فلوسك يضل الخوف والتفكير في الوضع
الغير معروف((واقع مجهول )) هو الهاجس الاكبر وكل هذا بفضل دولتنا الحبيبة ومن يتصدر فيها المناصب
وبرأييه يرسم مصير الطلبة اللي مفروض تكون دولتهم هي العون لهم في كل
الاحوال...

ويضل حالي والحمد لله خير من غيري وخاصة من هو صاحب عائلة وتم ايقاف ابنائه ومرافقيهم عن الدراسة بشكل مفاجيء ...اضافة الى ان بعض الاخوة ممن لا تشمله قصة تفعيل الملفات اقصد الموفدين المفعلة ملفاتهم سابقا اغلبهم مشغولين في الدراسة ربي يكون في العون ... فياريت تلتمسوا لنا الاعذار ولتعلموا ان غيابنا لامور اهم ولا طاقة لنا بها

اما عن الجديد بالنسبة لي ولمن اعرفه من الموفدين الجدد
فقد راسلنا المكتب الكندي انه وصلت قائمة باسمائنا وانه سيفعل ملفاتنا وستنزل لنا المنحة ولكن هذا الكلام ليه اكثر من اسبوع ولم نرى شي جديد على ارض الواقع


وبالنسبة للمرافق شرحتلكم بالتفصيل


اتمنى ان لايكون كلامي مزعج للبعض ولكن اغلب التعليقات مستفزة بصراحة
واتمنى لكم ومن كل قلبي ان يكون الوضع افضل حين وصولكم هنا وماتعيشوش لحظات حرق الاعصاب اللي مرينا بيها

وفي النهاية ادعوا الله ان ييسر امرنا وامركم في كل خير
اختكم امة الرحمن

وإياك حياك الله وبياك

ربي يسهل عليك ويبارك لك وفي وقتك وعملك ودراستك

وشكرا علي المعلومات التي اثريتينا بها

وفقك الله وجميع الموفدين ويسر اموركم لما فيه صلاح لكم

استودعتكم الله وفي حفظه

اختي وحبيبتي وصديقتي ام انس

جزاك الله خيرا على كلامك الرائع

فهو كالبلسم
وعلى دعواتك الطيبة
فانني والله اشعر بصدقها واسئل الله ان يتقبل منك وان ييسر لنا لك كل مافيه رضاه

اختى امة الرحمن كيف حالك وشن اخبارك وعموماً نحن لم نشملك ولم نلومك لسببين الاول انكى لم تنقطعى عنا برغم كل ظروفك وثانياً لان وضعك زينا بالزبط والفرق اننا هنا وانت هناك وانا اعلم ان الغربة مش موضوع ساهل انى جربتها زمان ونعرف التكاليف اللى يحتاجها الموفد في الفترة الاولى وكذلك الوضع النفسي والسترس اللى يحس فيه وزى ماقولتى وضعك اهون من اللى عندهم عيلة وصغار ولكن؟؟؟ نحن ايضاً نحتاج لناس عايشة في العالم الخقيقي وهو انتم وليس العالم الافتراضى اللى مانعرفوش عليه الا التفويض والتذاكر.نحتاج ان نعرف شن وضع مرافقينا وصغارنا لان مش معقولة انى نمشى نقرا وصغارى حتى المدرسة العادية مايخشوهاش فاأعدرينا عزيزتى والله انى معك واحس بشعورك الذى قد نشترك فيه جميعاً حتى لو اختلف المكان واتابعك بصمت في كل مشاركاتك القيمة وليس في منتدى كندا فقط.
واعيد انك لست المقصودة ولكن مثلاً الاخ ابوبكر ساسي يعمل في وزارة التعليم واكيد لديه علاقات ويعرف شن صاير ياريت يعطينا علم بأخر المستجدات لعلها تفيد حتى الاخوة في كندا