المكتب الكندى و الطلبة الجدد ؟؟؟؟؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته
اخوتي واخواتي في المنتدى حياكم الله
ارجوا من الله ان تكونوا جميعا بخير
ان اسم فى تفويض رقم (7) و خديت ورقة الخزانة الاسبوع الماضي وابعت ايميل للمكتب الكندى من حوالى عشر ايام
ولا يوجد رد الى حد الان وموعد الدراسة قريب يوم 10 -7 –2013
ماهي اخر اخبار الطلبة الجدد الذين صدرت لهم التفويضات, هل تم حل مشكلة تفعيل ملفاتهم
في المكتب الكندي بتحويل القوائم له ؟

حتي راسلتهم أكتر من مره وليا أسبوعين نستنا مافيش رد حتي علي الهاتف معاش بردوا علنا

حتى انا نفسك يا يااختيsky1777 في تفويض 7 وقرايتي 2 7 وحجزت على يوم 16 6 وبعتت لجمانة بعد اسبوع ردت وقالت اسمك ماوصلناش وخليك على تواصل معاي وبعتتلها ورقة الصرف اللي من البعتات مش اللي من الخزانة اختي انتي مفروض بعد ماتسلمي الصرف للبعتات بعد اسبوع يقوللك ولي عشان تاخدي التعريف والصرف ورقة ربع المرتب
وان شاءالله خير الحق صعب لاالواحد عارف يمشي او يقعد ولو قعد معناها لبعد رمضان وهكي تاشيرة المرافق قريب تطيح

السلام عليكم

حسب راي انكم تمشوا للبعتات و تتاكدوا من انه قدم تم تحويل المنحة المالية المخصصة, ولو وجدتوا انا المنحة تحولت لازم يكون معاك المال الكافي لمدة اسبوعين الي شهر , بالنسبة للدراسة الافضل انكم تعملوا تأجيل للدراسة لانه بعض الجامعات و المعاهد يطلبوا رسالة من المكتب الكندي ,وحاولوا ان يكون حضروك الي كندا قبل الدراسة 10 ايام من الدراسة لان في ترتيبات السكن و الايجار , و المكتب الكندي لا يعطي رسالة الا بعد مايقوم بتفعيل ملفك وهذا يحتاج من اسبوع الي اسبوعين . والله اعلم .


راي المتواضع
بالتوفيق للجميع

الحمد الله قبل 5 دقايق بس وصلتني رسالة من المكتب الكندي ومعها 5 مرفقات .ومن ضمن المرفقات رسالة الدعم المالي لتأشيره.

كويس اختي خديجة مبارك

الف مبروك اختى خديجة "اللى يصبر ينول" إن شـاء الله تنزاح كل المشاكل و تتوفقى فى دراستك يا رب

الف مبروك اختى خديجة "اللى يصبر ينول" إن شـاء الله تنزاح كل المشاكل و تتوفقى فى دراستك يا رب

شكرا أختي سيدرا وأختي بسمة ليبيا بجد أتعلمنا الصبر. .فكرتني بطابور البنزينه.

السلام عليكم// اليوم مشيت بتاريخ 28/05/2013 للبعتاث ولقيت اعلان موضحين فيه انه لايتم تسييل التفويضات لسنة 2013 للطلبة الجدد الا في حالة وصول الطالب لبلد الدراسة واحضار مايفيد تواجده في بلد الدراسة من السفارة.

اخى ابو الحسن هذا الاعلان ليه فترة فى ادارة البعثات و المقصود لابد للطالب ان يثبت وصوله الى بلد الدراسة حتى يسيل التفويض .

ابوالحسن كتب:

السلام عليكم// اليوم مشيت بتاريخ 28/05/2013 للبعتاث ولقيت اعلان موضحين فيه انه لايتم تسييل التفويضات لسنة 2013 للطلبة الجدد الا في حالة وصول الطالب لبلد الدراسة واحضار مايفيد تواجده في بلد الدراسة من السفارة.

عليك حالة هالبعثاث. كيف بيحضر مايفيد تواجده في بلد الدراسة وهو اصلاً في بلد الدراسة من الذي سوف يحضر الطالب من بلد الدراسة للدهاب للبعثاث تم الرجوع مرة اخرى لبلد الدراسة؟؟؟؟
ام بسيسي

اختى ام احمد المقصود المراسلة بوصول الطالب الى بلد الدراسة و فى كندا بالذات يتم هدا الامر عن طريق المكتب الكندى هو يخبر البعثات بوصول الطالب

يااختي سيدرا كاتبين في الاعلان يتم ابلاغ البعتاث عن طريق السفارة..هدا نص الاعلان