اي حد يبي يسأل عن اللغة او المعيشة في كوالا يكتب سؤالة

اي حد يبي يسأل عن اللغة او المعيشة في كوالا يكتب سؤالة انا موجود ليا 3 شهور و عندي شوي معلومات حاب نساعد بيها الناس اللي في ليبيا ويبو يجو زي ماصار معاي ههههههه

بارك الله فيك..
ياحبذا لو اعطيت بذة عنها لعله ينتفع بيها غيرك

شكراً لك وجعله الله في ميزان حسناتك


هل فعلاً معهد els أحسن مكان لو الواحد يبي ياخد لغه كويسة


وسؤال ثاني هل الفتره الزمنية من لما نحصل قبول لحين السفر تاخد وقت هلبه أولا؟ قداش تقريباً الوقت؟

abusaif كتب:

بسم الله الرحمن الرحيم


اول شي بالنسبة لمعهد els هو افضل
معهد بسبب ساعات الدراسة المكثفة وكتر تمارين الهوم ورك يعني ضاغطين علي الطلبة
بيش يقرو بس باقي المعاهد تخليك علي راحتك
يعني يعطوك معلومة ويشرحولك بس مايضغطوش علي الطالب .. يعني انت حر بتقرا اقرا مش
قاري مايهمش بس كلمة الحق تنقال يعطو في
معلومة .


بالنسبة للقبول (قبول اللغة ) اول شي تقدمي للمعهد وبعدها يبعتو وراقك
للجوازات ياخدن من شهرين الي تلات اشهر


في حاجة حبييت نحكي عنها .. يمكن تنفعكم ان في بعض الشباب يقدم علي
الفيزا ويسجل في المعهد وهو في ليبيا ومعروف ان الفيزا مرات تاخد 3 شهور بيش تطلع
بس هو اول مايطلع الابروفل لتر ياخد تأشيره سياحية مدتها شهرين ويجي .. يعني
مايستناش لين تطلع تأشيره طالب


يستفيد من الوقت ويقرا لعند ماتطلع تأشيره طالب

شن معناتها الابروفل لتر انا قدمت على المعهد وع اساس بيرسلو ورقة بيش انقدم بيها ع التأشيرة طالب وليد 40 يوم ومازال ما ردو عليا قصدك تو انجي سائح عادي وبعدها يعطوني طالب؟؟؟؟؟؟؟؟؟؟؟؟؟؟؟

وعلي العموم خوي boheda88  حتي
اني تخصصي هندسة مدنية  لو في أي شي ممكن
نفيدك بية معلومة استفسار  تفضل


 

على اساس ان التاشيرة السياحية ماعادش يغيروا فيها فكيف نمشوا بتاشيرة السائح

على حسب علمي أنه تقدر تمشي لماليزيا ومعاك تذكرة ذهاب واياب مدتها أقل من أسبوعين (14يوم) بدون أي تأشيرة ،، جوازك والمطار مباشرة

وكأن الحكاية معقدة يا جماعة

(يعني لو ان رخصة
المعهد طالعة قبل صدور القرار يقلبولك تأشيرتك وتمشي امورك)


من خبرتك معهد els الواحد يقدر يقلبها أو لا
سؤال ثاني:- هل إجراءات دراسة المرافق سهلة في ماليزيا؟


مشكور على الجهد وربي يفتحها قدامك وين ما مشيت

السلام عليكم اخي قولت ليك 3 شهور انا اريد ان ادرس اللغة في ماليزيا من 3 الي 4 مكتف هل هيا جيدا مع العلم مستوي elementary
وايهم افضل معهد اركان ام els الامريكي

معهد els  و
البرتش كانسل مايقبلوش الا بتأشيره طالب .


نصيحتي اللي يبي يقرا
وعندة نية بجديات والاهم يكون عازب لاني بصراحة مواضيع المرافق والاسره ماعنديش
عليها خلفية ممكن اني نقولة الاتي


افضل المعاهد و
اغلاها الels  و البرتش كانسل بس مايقبلوش الا بتأشيره طالب من
الاول يعني الحل هو


انك تقدم من ليبيا تو
في معهد ال ems  ( صوره كاملة من جواز السفر + اخر شهادة متحصل
عليها + 500 دولار يحسبوها لك مع قيمة الكورس ..مقدم يعني تخليص ورق ) وبعد 50
ـــــ55 يوم يطلعلك الابروفل لتر   يعني
الجوازات وافقو علي تأشيرتك


يستلمها حد هنا
ويبعتها لك لي ليبيا ترفع الورقة وتمشي للسفاره في قرقارش يختمولك علي جوازك وتاخد
تذكره وتجي


او تاخد تأشيره
سياحية وتجي ترفع ورقتك بروحك وتمشي بيها للجوازات يختمولك


وتكون مسجل في المعهد
علي 4 شهور دراسة + 6 شهور فيزا


يعني بتكلفك 6800
رنجت يعني 2270 دولار خالص منهن 500 دولار يعني ميزال بتخلص 1770 دولار بعد تجي
للمعهد وتقدر تخلصهن بالتقسيط مش شرط مره وحدة


وبعد تكمل ال4 شهور
الاولة معاهم تكون خديت القواعد وأسست روحك لان المعاهد كلهن بالنسية للمبتدئ نفس الشي
مافيش فرق


بعد ال4 شهور يكون
ميزال عندك شهرين فيزا طالب في جوازك تقدر تمشي لاي معهد تبيةels  او
البرتش كانسل ووتقرا معاهم وهما بيجددولك الفيزا بروحهم


يعني تأسس روحك وتاخد
تاشيره طالب من ال ems  لان ميزال يقدلا يكملك
الورق وبعدها تمشي للمعاهد القوية وتقرا


وعلي العموم مستوا الems  مش بطال



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


و التسجيل في
الجامعات يبي 5.5 او 6 في الايلس يختلف من جامعة لاخري  بس من فترا مشيت لجامعة حسين ان ماليزيا UTHM    وفيها
تخصصات واجدة الحاصل طالبين 5.5 بس شرط تخرج مش شرط قبول يعني تقرا معاهم بس
مايعطوكش شهادتك الي ان تجيب الايلس و تو في طلبة ليبيين يقرو فيها وبتخرجو
وماجابو الايلس .. فبيديرولهم كورس انجليزي في الجامعة هذي اكتر جامعة متساهلة مع
الطلبة والمستوي العلمي فيها كويس ... بس ماتقبلش في المعهد العالي .. يعني
بكالويوس ويكون جيد


واي معلومة حاضر
...... سلام


 

السلام عليكم
انا ان شاء الله ماشي قريبا لكوالالمبور بالله كيف اسهل طريقة نقدر انقدم بها علي جامعة UTHM لأن الجامعة علي حسب علمي في مدينة جوهور وانا نبي نقرأ كورس اللغة في كوالالمبور وتعرف انه القراية بتاخد الوقت كله

خوي almab.esdeira
الحركة من كوالا لجوهر مش صعبة ومافيهاش مشكلة والتسجيل علي مااعتقد ان خلاص بيسكر
لفصل شهر 9 يعني لو بتسجل للسمستر الجاي اللي في شهر 3 مش حيفتحو فية قبل نهاية
العام


وعلي العموم بعد تجي
ساهل كلمني نبعتلك رقمي الخاص  اوالسكايب و
نعاونوك علي قد الجهد ولا يهمك