ارجو اعطاء الراي

السلام عليكم انا استلمت التذاكر من الوكالة عاساس ينسافر عالتركية لتورنتو مع انه وجهتي هاليفاكس المشكلة في طلب التذاكر كتبت ترونتو مكنتش نعرف انه حتى عالرحلة المحلية اللي من تورنتو لهاليفاكس تنحجز ضمن الرحلة
هل عادي نكلم الوكالة وانقوللهم اني غلطت والا خلاص معاش في امل
يعني هل عادي الوكالة بعد ماحجزتلي تغير في التذكرة متلا او متلا خطر عليك تغير الخطوط او حتى ما صارش من السفر في الموعد المحدد
شكرا

و الله اخى معنديش فكرة عالموضوع لكن حبيت نباركلك وانشاء الله ربى يوفقك و حابة اسالك كم استغرق من الوقت حتى كملت اجراءات التفويض و هل التذاكر تصدر مع التفويض او بعده؟ إن شـاء الله ماكرتش عليك و مشكور

اختي انا اختك في الله بسمة ليبيا بالنسبة للتفوي استغرق تقريبا من لما قدمت الملف لعند ماحصلت التذاكر شهر ونص والتذاكر يطلعو بعد ماتصدر برقية الصرف وتاخديها من الخزينة وتعطيها للبعتات تلقي اسمك معق في قائمة التذاكر والوكالة اللي بتصدرلك التذكرة ممكن بعدها بيومين او تلاتة تمشي للوكالة ويصدرولك التذكرة وبعدها باسبوع تمشي للبعتات يعطوك امرالصرف التعريف وورقة ربع المرتب
ملاحظة برقية الصرف اللي بتاخديها من الخزانة تلقيها واتية بعد ما يطلع اسمك في التفويض ممكن باسبوعين او تلاتة
موفقة

شكرا بارك الله فيك اختى بسمة موفقة باذن الله

السلام عليكم
اختي بسمة الف مبروك وإن شـاء الله ربي يسخرلك وتغيري الحجز
وعند سؤال نبي نعبيء نموذج طلب التداكر وياريت تفيدني
قبول اللي واخد بيه التأشيرة في تورنتو القبول اللي بنقرا فيه إن شـاء الله في هاليفاكس في دلهاوسي ونبي نمشي قبل موعد الدراسة بوقت كافي لاني نبي نمشي لصديقي في اوتاوا حتي انكمل اجراءات cbie
فكيف حتكون الرحلة وعادي لو مامشيتش لتورنتو بكل
وبارك الله فيك

اخي انت ليش تبي تمشي لاتاوا عشان المكتب الكندي؟ تقدر تكمل اجراءاتك معاهم بالايميل والتلفون اما حكاية تغيير المدينة فعلى حسب اختي امة الرحمن ضروري في المطار توريهم القبول اللي حصلت بيه التاشيرة اللي هو من تورنتو لكن انت وين تبي تنزل متلا في اتاوا او هاليفاكس اكتب في الطلب متلا طرابلس - لندن -(نوفاسكوتشيا-هاليفاكس) وهم بعدين في التذاكر
يحجزولك على حسب الرحلة هادي في رحلات طيران انجليزية توصل هاليفاكس طول وفي متلا توصل تورنتو وبعدين تاخد طائرة اخرى توصلك هاليفاكس وحتى الرحلة المحلية هادي تكون محجوزة في الوكالة
انت زي اسال امة الرحمن لان فيها اجراءات في مكتب الهجرة لماتغير من ولاية لاخرى


بالنسبة ليا انا كلمتهم اليوم قالولي انتي تتحملي الزيادة لانك ماقلتيش من الاول الله غالب نطل من شخص يحجزلنا من هاليفاكس حتكون ارخص منها

بارك الله فيك اختي
وإن شـاء الله ربي يوفقك