ماهو مصير أبنائنا

الأخوة الكرام
يريت لو فى حد أيوضحنا الصورة بخصوص المدارس الأبتدائية والأعدادية ولو فى مواقع خاصة بهذة المدارس أيزودنا بها لأننا نحن أوليا الطلبة الى عدنا أبناء فى الأبتدائى والأعدادى قلقين بعض الشى عن مصير أبنائنا , وخاصة قى مرحلة الأعدادى يعنى كيف حيقدر ايتعامل مع المدرسة الى حتعطى المنهج بالكامل باللغة الأنجليزية وهو قارى طول عمرة بالعربى
فالأخوان الى عندهم أبناء فى هذة المارس ياريت أيفيدونا من خلال تجربتهم الشخصية
وبارك الله فيكم

السلام عليكم اخي الفاضل ......

بالنسبة للدراسة بالعربي فهي موجودة في استراليا اللي متاكد منها انه في ولاية غرب استراليا ((بيرث)) و في مدينة مالبورون .. و منها

المدارس الخاصة مثل Al- Hidayah Islamic School و Australian Islamic College

وهادي يدرسوا فيها الطلبة الليبين غادي و معتمدة عند المكتب الشعبي

احسن حل انك تتصل بالمكتب الشعبي و هما يعطوك المدراس العربية المعتمدة عندهم في استراليا عن طريق الايميل او حتى الهاتف وهدا موقعهم

www.licu.org.au/index_new1.htm

الحل الآخر في منتدى الطلبة الليبيين في أستراليا

www.ozlibyanstudents.com

في ناس هلبا متزوجين غادي ممكن تتواصل معاهم و هما يقولولك أفضل المدراس

عن نفسي زي زيك ازال ماطلعتش بس جر المنتدى بإذن الله راح يفيدوك

بارك اللة فيك خوى الأنصارى وياريت لو فى حد من الأخوان فى أستراليا عندا أبناء يدرسو غادى أيفيدنا ولة جزيل الشكر والأمتنان

احسن شي الواحد ايخليهم فى ليبيا

naser354 كتب:

احسن شي الواحد ايخليهم فى ليبيا

ليش عجيب
التعليم فى ليبيا ممتاز جدا خاصة اذا كانو الابناء فى المرحلة الاعدادية فهى اهم مرحلة فى التعليم

السلام عليكم

معك حق في كونها مرحلة هامة ولكن ليس في التعليم الاكاديمي فقط وانما في الخبرات الحياتية فالطفل ذكرا ام انثى يحتاج الي ابويه الي جانبه ولايعوضه فقدانهما شيء كذلك فرصة اكتساب اللغة ، فالمدرسين هنا الا من رحم ربي لغتهم مكسرة وهذا قول لامبالغة فيه

"راك تزعل يبدو انك معندكش عيال" لان وجود الطفل بقرب الموفد ابيه او امه يوفر استقرارا نفسيا لامثيل له

انا عندى بنتى فى ثاني اعدادي العام الجاي
وابنى فى رابع

والاحر فى الروضة

لكن كيف انت فكرتى ان انا ماعنديش اعيال

يا اختى الكلام يلي انت اتفكرى فيه جماعة التعليم العالي مايفكروش فيه نهائيا
وبالتالي الاب واو الام هما يلي لازم ايضحو من اجل ابنائهم ويبقو هم واياهم فى ليبيا

الله غالب شن بنديرو

السلام عليكم

ماشاءالله ربي يحفظهم لك من كل سؤ

يعني انا نقول ان بال الموفد يضل دائما مشعول على طفله ، اكله شربه ، دراسته ، صحته، كيف يعدي مرحلة المراهقة .... احس انه ثمن مرتفع ان يدفعه الطفل والاب ايضا وان كان هنالك صعوبة يجب ان يتغلب عليها فلتكن بالخارج، مجرد رأي

مع تمنياتي بالتوفيق

السلام عليكم
ياجماعة شن شكله التعليم الممتاز اللي طالب يمشي الساعة ثمانية ويروح الساعة تسعة