السلام عليكم ورحمة الله وبركاته
الرجاء الرجاء لكل الطلبة المتجهين الي كندا وخصوصا مقاطعة بريتش كولومبيا فكر وادرس كل الخيارات قبل ما تمشي لمدرسة خاصة للغة الانجليزية
اذا كانت لغتك ممتازة نقولك امش وين تبي لانه في النهاية مش محتاج لجودة المدرسة ولكن اذا كان مستواك مبتدي انصحكم بالمدراس اللي تتبع الجامعات او المعاهد الناجحة هذا عن خبرة
مجموعة كبيرة قدمت عن طريق المدارس الخاصة وكان همهم الوحيد هو الايقاع بالطالب عندهم ويقسموكم مجموعات ومستويات وكل مستوي ياخذ شهر
طبعا هنا اللعب يبدا ياخذولك نهاية اسبوع بيومين وايديروا فيها بداية المستوي وتحديد المستويات للطلية الجدد وحفل تعارف اذا كنت محضوض ومشيت لمدرسة تصرف شوي وكان انسا
طبعا المستوي ياخذ شهر مشوي منهم يومين قبل نهاية اسبوع ومعاهم يومين نهاية الاسبوع من غير قراية يعني دفنقي ودق حنك وانت اهلك ايراجوا فيك
وبعدين خوذلك اخ ثلاثة ايام امتحانات وحفل تخريج وتوديع اللي مسافرين
وعلاوة علي كل جمعة قراية خيارية في المكتبة اورحلة او زيارة معلم شوف جوك 4 جمعات و8 ايام نهاية اسبوع و5 ايام بداية ونهاية مستوي شن قعد زيد نقص منهم ساعات مضيعة الوقت اللي تضيع في استراحة فطور غذاء وما الي ذلك
نصيحتي للي يبي يقرا يمشي للمعاهد المعتمدة واللي يبي معلومات اكثر اني مستعد للمساعدة
ايضا كنت في فانكوفر وهي مدينة رائعة بس غالية وحاجة تقدر تسكن في ضواحي فانكوفر وتمشي لاي مدرسة ترغب بالمواصلات لانه السيارة حتكلف هلبه
وان شاء الله بالتوفيق
