ساعدوني بأي رأي عندكم للي عنده حل لمشكلتي

fazzan first كتب:

السلام عليكم 
أرسلت لكم فيما سبق عن استفساري واعتذر عن الالحاح في التساؤل لكن للظرورة أحكام :
أنا موفدة وكملت كل اجراءات الايفاد لين وصلت للبرقية وبعدها التذاكر
في البرقية مكتوب اني لازم نثبت وجودي في بلد الدراسة قبل انتهاء شهر من تاريخ البرقية واللي يبدا يوم 1/6/2013 وانا حصلتلي ظروف قهرية مانقدر نسافر هالمدة بصراحة ارجوكم لو فيه اي خطوة ممكن نعملها او اجراء قولولي عليه 
لاني بصراحة ماندري شن ندير بصراحة


السلام عليكم
اعتقد ان مدة البرقية تسقط صلاحياتها وعليك التقديم في تفويض مالي جديد بعد مرور شهر على تاريخ البرقية
اسئل الله التوفيق لك

السلام عليكم جميعاً ...

أختنا فزان أولاً ،،، ما فيش مشكلة ، لو سقطت برقية بداية الصرف بعد شهر تقدري تطلبي/تقدمي على برقية جديدة في البعثات ... وهذا الإجراء عادي وما فيهش مشكلة ... 

مع الشكر للأخت الأصيلة على ردها ، إلا أن التقديم يتم لتجديد البرقية فقط ، وليس التقديم لتفويض جديد ..

بالتوفيق للجميع ،،،

شكرا اختي الاصيلة على ردك وبارك الله فيك

شكرا يا خوي المتوكل على الله لكن ارجو منك الايضاح يعني اني نمشي للمالية يعني مانرجع نقدم ملف للبعثات

العفو أختي الكريمة ،،،

حسب ما فهمت من كلامك أن البرقية اللي تقصديها هي برقية بداية الصرف متع البعثات ،،، فإن كانت هي ما تفصدينه ، لما تنتهي صلاحيتها ترجعي للبعثات بالنسخة القديمة وتطلبي منهم إصدار برقية بداية صرف جديدة ، والوقت يعتمد على البعثات أمتى يصدروا لك برقية جديدة ...

وهذا الإجراء عادي ويديروا فيه البعثات ، لأنه لما تصدر هذه البرقية الكثير من الطلبة لا يستطيعون السفر في غضون شهر لتأخر إصدار تذاكر السفر ...

بالتوفيق لكِ وللجميع إن شاء الله ...

اللي نقصدها برقية بداية الصرف اللي بنعطيها للسفارة في البلد اللي بنقرا فيه هيا اللي فيها محددين المدة شهر من تاريخ اصدار التفويض 

بارك الله فيك ريحتني 
ربي يريح قلبك ان شاء الله و يعطيك اللي في بالك