واخيرا هاليفاكس

الحمدلله وصلت يا اخواني  لهاليفاكس بعد مشقة سفر طويلة وصلت الساعة 3 الليل واليوم الصبح بعتلي المكتب الكندي ان اسمي وصل للمكتب وعقبالكم يارب واي استفسار ان شاءالله ربي يقدرني ونجاوبكم

الحمد الله على السلامة  وبالتوفيق 
اختى هل بعثنى انت رسالة الى المكتب الكندى تخبريهم بموعد سفرك

موفقه ان شاءالله والحمد الله علي السلامه 
اختي بنسأل عن رقم التفويض وكم استغرق تفعيل الملف وما اسعر الايجار جزاك الله كل الخير

mayar salem كتب:

الحمد الله على السلامة  وبالتوفيق 
اختى هل بعثنى انت رسالة الى المكتب الكندى تخبريهم بموعد سفرك
اختي ايه بعتلهم وقالولي تو نتواصلو مع السفارة وبعتلولي شن الورق المطلوب لما نوصل كندا

اى سفارة قصدك وكم المدة من ان راسلتهم والى ان بعتولك ومعليشى كثرت عليك

اسفة نقصد مع الوزارة اختي ميار

اخي ايمن تفعيل التفويض ممكن استغرق 18 يوم لان بداية الصرف 1 6 واليوم بعتوللي وقالولي انه اسمي وصل بس انا مازال مابعتتلهم الورق المطلوب

الحمدلله على السلامه اخت بسمة وبالتوفيق في الدراسة ان شاء الله
طبعا لاتنسي ان تحكينا عن تجربتك في السفر وفي المطار واختيارالخطوط وعن الاجواء في هاليفاكس

الحمد لله على سلامة الوصول ..و إنشاء الله تو نلحقوك لهاليفاكس لكن بعد رمضان .. بالله كان تتكرمي وتخبرينا على أجواء الرحلة والخطوط وأسعار الإيجارات ..ولكي جزيل الشكر.

الله يسلمكم اخترت التركية الحق كويسة ومريحة بس العيب الوحيد 11 ساعة من اسطنبول لتورتتو والمدينة مازال ماتعرفتش عليها وتوة الحق الجو ربيعي  نصيحة بالنسبة لقبول اللغة خودوه لمدة سنة انا خديته لمدة شهرين فدارولي المدة على حسب القبول يعني لعند اتطيح التاشيرة لشهر 11

basmalibya كتب:

الحمدلله وصلت يا اخواني  لهاليفاكس بعد مشقة سفر طويلة وصلت الساعة 3 الليل واليوم الصبح بعتلي المكتب الكندي ان اسمي وصل للمكتب وعقبالكم يارب واي استفسار ان شاءالله ربي يقدرني ونجاوبكم

---

الحمد لله علي سلامتك أختي بسمـه ،، وألف مبـروك ،، بالتوفيــق إن شاءالله

الف الحمدلله على السلامة اختى بسمة ... وربي يوفقك ويسهل امورك ياريت تعطينا الأخبار اول باول

الحمد لله على السلامة وإن شـاء الله ربي يوفقك

الحمد لله على السلامة أختى basmalibya والف مبروك ...عفوا لو تكرمتى وبعد الراحة طبعا توضحينا رحلتك مع الخطوط التركية بالتفصيل .

السلام عليكم الحمد الله على السلامة نبى نعرف بالله فى اى معهد سجلتى انى سجلت فى معهد ili  واسمعت انه بالهون وقالوا هاليفاكس مش بكل بالله نبيك تشرحيلى عنها بالتفصيل

الحمد الله علي سلامتك اختي

الله يسلمكم والله بالنسبة للمعاهد منعرفش بس نا سجلت في سانت ماري ويشكرو فيه  بس انا مابديتش والمدينة هادئة وصغيرة  وفيها جامعتين مشهورات السانتماري والدلهاوزي بس اكتر التخصصات في دلهاوزي عيب هاليفاكس الضرييه مرتفعة 15 في المئة منكل حاجة بتشريها
بالنسبة لرحلتي الحق مريحة وكويسة العيب الوحيد طول المدة بين اسطنبول وتورنتو 11 ساعة .