الحصول ع التأكيد من المكتب الكندي

انا قدمت يوم 10-04 وتحصلت على التاشيرة اليوم الموافق 21-07 وللعلم وصلني ايمال ابلغوني فيه بان اذهب الى السفارة للحصول على التاشيرة يمو 19-07 ولكن للاسف كان يوم جمعة والسبت عطلة زي ما عارفين واي استفسار تفضلو

farrik77 كتب:

 مبرووك خووي ,, ربي يوفقك ,, 
نبي نسألك قدمت الأوراق كامله يووم المقاابله ؟؟ 
و كيف درت في ورقة المكتب الكندي ,, ؟؟ 

 الله يبارك فيك عقبالك ان شاء الله
الاوراق كانوا ناقصة رسالة المكتب الكندية ،طبعاً بسبب الاشكال اللي كان بين الوزارة و المكتب الكندي المهم مشيت للمندوب وتم تجهيز الاجراء المطلوب
وبعدين رفعت ورقة المكتب الكندي او ما يسمى(statement of financial support for visa)  الى السفارة الكندية وبعد مدة وصلنا الكشف الطبي على الايميال وتم اجراء المطلوب والحمد لله يوم الجمعة وصلني ايمال من السفارة في تونس مفاده الذهاب الى السفارة للحصول على التاشيرة
والصيغة كالتالي (
Dear Mrs so on so and family,
 
Your files are finalized.  Could you please go to the  Embassy of Canada  in Tripoli with your passports to pick up your visas.
Mrs so on so, you will receive automatically your entrance letter in your personal emailbox after you get your visa at the Embassy.
Please allow 24h to receive the entrance letter. You must present it at the Port of entry in Canada.
 
Make sure to print your document before your trip.
 
Regards,
Visa section
)
وبالنسبة لي كيف درت في ورقة المكتب الكندي عبارة عن نفس الورقة امتاع الدعم المالي غير فيه CBIE بس . واي استفسار تفضلوا تحت امرك

السلام عليكم ... بالله نبي نعرف امتا الواحد ايقدم على statement of financial support for visa بعد حصوله على رسالة الدعم المالي او الدعم المالي لغرض التأشيرة من البعتات ... بمعنى اخر شن هي الاوراق المطلوبه للتقديم على statement of financial support for visa .. وشكرا

om.jeje كتب:

السلام عليكم ... بالله نبي نعرف امتا الواحد ايقدم على statement of financial support for visa بعد حصوله على رسالة الدعم المالي او الدعم المالي لغرض التأشيرة من البعتات ... بمعنى اخر شن هي الاوراق المطلوبه للتقديم على statement of financial support for visa .. وشكرا

 وعليكم السلام ... بعد ما تعبي ورقة الدعم المالي لغرض القبول و كان حصلتي قبول على طول تعبي ورقة الدعم المالي لغرض التاشيرة ... وفي نفس الوقت تمشي تقدمي على ورقة الدعم المالي لغرض التاشيرة من مكتب CBIE  لانها مطلوب في المقابلة في السفارة لانهم بيسألوك اعليها كان تكمنتي من انجازها قبل الذهاب الى السفارة كان بها واذ لم يكن كذلك عليك بالحاقها في اقرب وقت ممكن باش ماتعطلكش التاشيرة، والاوراق المطلوبة لورقة العم المالي لغرض التاشيرة هي:-
1- نموذج الدعم المالي لغرض التاشيرة 2-صورة من جوزات السفر لك انت اختي والمرافقين معك طبعاً عربي وانجليزي 3- وصورة من القبول وبعدها بري بيهم للمندوب وبالتوفيق

يا ام جيجي اني امس بعتولي المكتب الكتدي الدعم لغرض التاشيره زي ما قالك الاخ الكريم بالزبط لكن لما يعطوك البعتات صوره من الابراق خشي علي ايميل جمانه في المكتب الكتدي ابعتيلها صوره وشديها وراها كل يومين ايميل للتذكير واحسن وقت تبعتي فيه ايميل بعد الساعه 5 مساء لانه يكون وقتها دوام عندهم ولما ترد عليك هيا تقولك شن المطلوب.

بارك الله فيكم .. وشكرا جزيلا