سؤال أرجو الرد

اولا يمشي زوجك للعمل يجيب منهم افاده بانه موظف معاهم ومن ثم يمشي بيها للجوازات ويقوللهم غيرولي مهنتي في الجواز لاني توا موظف.. وبكل بساطه يغيروله مهنته .. هذا من جانب ومن جانب اخر عادة تكون الفرصه اكبر للحصول علي تأشيره لاي كان لنا يكون موظف قار بدخل ثابت.... وربي يعاونكم انشالله .

ومعليش بالله سؤال.... هل السفاره الكنديه فتحت ابوابها للمواعيد الجديده بالنسبه للتأشيرات.. والا الامر مازال مقصور علي اللي عندهم نواعيد مسبقه.. وشكرا

السلام عليكم
اختي الكريمة لايوجد اي مشكلة في خانة الوظيفة في جواز السفر
انا مرافق ايضا ومكتوب في جواز سفري في خانة الوظيفة تاجر وقدمت على اني موظف وتحصلت على التاشيرة ,وكل ما هو مطلوب احضار رسالة من جهة العمل تفيد باستمرارية العمل مع الموافقة عل اجازة خارجية وايضا شهادة مرتب مع الترجمة

السلام عليكم ,يا أختى مافيش مشكلة ان شاء الله ,, اللى يهمهم هوا وضعك الحالى وليس ماهو موجود فى الجواز ,, يعنى مثلا فى الجواز طالب ,, ولكن انا مش طالب دكتور على سبيل المثال ,, مش راح يقولولك كيف الجواز طالب وانت دكتور ,, المهم تجيب ما يتبت وضعك الحالى ,, رسالة من العمل ,, تعريف . وان شاء الله ربى يسهل الامور .

اختي الكريمة اعتقد انه لاتوجد مشكله المهم ان يحضر رساله من جهة العمل وبها انه لامانع من منحه اجازة