التاشيرة التركية و التفويض المالى .سؤال :؟؟

يوجد تاشيره للطالب

لو قبرص التركيه  ماتحتاجش لتاشيرة ولو تركيا تحتاج السفارة في بنعشور في واحد اسمه جمعة تركي مسؤل على التاشيرات 
اي استفسار اني جاهز

السلام عليكم
اخي العزيز لقد قدمت علي التفويض المالي علي قبرص التركية بالقبول فقط لاغير لانها لاتحتاج تاشيرة قبول فقط لا غير

السلام عليكم بالله محتاجين قبول في قبرص لتحضير الماجستير لغة انجليزية ارجوا المساعدة

saed كتب:

السلام عليكم بالله محتاجين قبول في قبرص لتحضير الماجستير لغة انجليزية ارجوا المساعدة

ابعتلي اوراقك ا خوي وربي يقدرني على مساعدتك

السلام عليكم
لقد تحصلت علي التاشيره لمدة سنه بقبول اكاديمي من  السفاره في بنغازي والموضفه اسماها ساره قالت ضروري تاشيره للطالب

nagia ali كتب:

السلام عليكم
لقد تحصلت علي التاشيره لمدة سنه بقبول اكاديمي من  السفاره في بنغازي والموضفه اسماها ساره قالت ضروري تاشيره للطالب

 اختب التاشيرة تاخديها من قبرص مش من ليبيا 
ومن وسط الجامعة نفسها

اختي ممكن تقولينا علي ادق تفاصيل حصولك علي التاشيره لان بنغازي اقرب لي

Ranoo كتب:

اختي ممكن تقولينا علي ادق تفاصيل حصولك علي التاشيره لان بنغازي اقرب لي

بالنسبة لتاشيرة الطالب التركية

اختي الفاضلة تاخدي القبول الاكاديمي متاعك
وتجيبي كل الاوراق الاكاديمية الخاصة بيك وتكون مصدقة من الخارجية والضمان والجودة 

وتمشي للسفارة التركية في طرابلس بن عاشور تلقي واحد اسمه جمعة تركي تمديله اوراقك وهوا يكمالك الاجراءات
او القنصلية في بنغازي وهما يكملولك الاجراءات فقط لا اكتر ولا اقل بدون اي تعقيدات 

وبالنسبة للدراسة في قبرص الشمالية ( التركية )
لا تحتاجي لاي تاشيرة لان الجامعة هي من يصدر ادن الدخول عبر المنظومة باستخدام رقم تسجيل الطالب كما ان الجامعة تستقبلك في المطار ويوفرولك يومين سكن مجاني 

ان شاء الله وضحتلكم الامور

شكرا يا خوي وبارك الله فيك بس قبرص التركيه فيها طب اسنان وبالانجليزي ياريت تفيدني انا عندي قرار دكتوراة

Ranoo كتب:

شكرا يا خوي وبارك الله فيك بس قبرص التركيه فيها طب اسنان وبالانجليزي ياريت تفيدني انا عندي قرار دكتوراة

الف مبروك قرار الافاد اختي وربي يتمملك على خير وتكملي باقي المشوار 
نعم اختي موجود الدكتوراء في طب الاسنان في قبرص 
وفي جامعة معتمدة من ليبيا وفيها اكتر من ٣٠ طالب بين موفد وعلى حسابهم من ليبيا 
ولو تحبي نسجلك فيها

لك جزيل الشكر ياخوي ممكن تعطيني اسم الجامعه عشان نشوف تخصصات الاسنان اللي فيها وهل الدراسه اللي فيها باللغه الانجليزيه  ولك مني جزيل الشكر والامتنان

Ranoo كتب:

لك جزيل الشكر ياخوي ممكن تعطيني اسم الجامعه عشان نشوف تخصصات الاسنان اللي فيها وهل الدراسه اللي فيها باللغه الانجليزيه  ولك مني جزيل الشكر والامتنان

تفضلي اختي 
اللي قدامها نقطة كحلة معناها متوفرة واللي مش قدامها نقطة كحلة معناها الفصل هدا مش مفتوح 

هدا رابط صفحة الاقسام للماستر والدكتوراء 

http://aday.neu.edu.tr/index.php/en/graduate/100-english/menu-candidate-students/graduate/235-programs-of-post-graduatema-and-post-graduate

ونسختلك القسم متاعك هدا الجدول 
ربي يوفقكم ان شاء الله 

Graduate School of Health Sciences	Master’s Programs	Phd Programs
Faculty of Dentistry *
Oral & Maxillofacial Surgery	-	■
Dento Maxillofacial Radiology	-	■
Endodontics	-	■
Orthodontics	-	■
Pedodontics	-	■
Periodontology	-	■
Prosthodontics	-	■
Restorative Dentistry	-	■