عنوان رسالة الابراق

السلام عليكم 
لو سمحتوا نبي نعرف رسالة الابراق شنو اسمها او عنوانها لان انا جتني رسالة بالعربي لا اعتقد انها رسالة الابراق
ولكم جزيل الشكر والتقدير
ورمضانكم مبارك

رسالة الابراق هيا اللي تطلع من البعتات الي المكتب الكندي بالموافقه علي الدعم اما لغرض التاشيره او القبول واللي بناء عليها المكتب الكندي بيراسلك بورقة الدعم اذا كانت اوراقك كاملة والا سيطلبوا منك ان تكمل النواقص اولا.... . ويا ريت توضحي انت شن فحوي الرساله اللي جاتك لعلنا نقدروا نساعدوك.

تماماً كما قالك الأخ علي الدين

على الدين الديب كتب:

رسالة الابراق هيا اللي تطلع من البعتات الي المكتب الكندي بالموافقه علي الدعم اما لغرض التاشيره او القبول واللي بناء عليها المكتب الكندي بيراسلك بورقة الدعم اذا كانت اوراقك كاملة والا سيطلبوا منك ان تكمل النواقص اولا.... . ويا ريت توضحي انت شن فحوي الرساله اللي جاتك لعلنا نقدروا نساعدوك.

 السلام عليكم يا خويا وبارك الله فيك
جتني ورقة باللغة العربية مكتوب فيها نطلب منكم اصدار دعم مالي للموفدة وافراد اسرتها ومكتوب فيها اسمائنا  والورقة الثانية هي الدعم المالي لغرض التاشيرة
فهل الدعم المالي للتاشيرة هي رسالة الابراق والا في رسالة اخرى انا نبي نعرف رسالة الابراق شنو فحواها
وشكرا

رسالة الابراق موجهه من البعثات للمكتب الكندي زي ما قتلك ورغم انها ترسل بالايميل لكن يبان شكلها زي البرقيه القديمه علي شكل مربعات كل كلمه تكتب في مربع مفادها يا مكتب كندي نحن ادارة البعتات نوافق علي ان تدعم هذا الطالب ماليا لغرض التاشيره وعادة الورقه هادي انت تمشي تاخديها من البعتات بمعني المكتب الكندي مش حيبعتولك منها نسخه.. . لانهم المفروص لما اتجيهم البرقيه يصدروا الدعم.