السفاره الامريكيه في الأردن بعد إجراء المقابلة

اليوم الاتنين أجريت مقابله في السفاره الامريكيه بعد إنهاء المقابله قالت لي لا استطيع منحك تاشيره حاليا وأعطتني ورقه صفراء اللون وقالت لي راجع بعد أسبوعين أو شهر من تاريخ المقابله وقالت لي أن هذا يرجع للمشاكل في سفارتكم وعدم تخليصها للديون التي عليها وعدم تحويلها المنح في وقتها للطلبه ولكن سؤالي هل اعتبر.مرفوض حاليا أو أنني تحت الإجراء حتى تحل المشاكل علما بأنني لست الوحيد الذي لم لتحصل علي تاشيره كل للطلبه الليبيين كان لهم نفس الإجراء ومنهم من تم رفضه من الأول

انت حاليا تحت الاجراء الاداري ماداما عطوك ورقة صفراء...
شن سألوك في المقابلة؟

السلام عليكم اخواني
انا كانت عندي مقابلة في السفارة الامريكية في عمان الاردن يوم الخميس 18\7...ومريت بموقف مشابه ...يعني في المقابلة سألتني الموظفة اذا نشتغل في الجامعة قلتلها نعم كمعيدة "Tutor" بعدها سألتني اذا حا نرجع نشتغل في الجامعة كان جوابي نعم كعضو هيئة تدريس "staff member"..بدون ما ايكون معايا اي دليل على ذالك الا ان وظيفتي مذكورة في جواز السفر اني معيدة و ليس طالبة ...وبعدها طلبت مني ورقة الدعم المالي لغرض التأشيرة وهي سليمة مذكور فيها التاريخ و الرقم الاشاري .
وكان ردها انها تبي اتأكد ان الحكومة الليبية أو وزارة البعثات هي المسؤولة عن التمويل البعثة و مستعدة او قادرة على ذلك كيف ما فهمت منها و عطتني جواز السفر و قالت تو نتصلوا بيك بعد التأكيد على المعلومات و ادزيلنا جواز سفرك با الارميكس !! و عطتني نموذج ورقة صفراء مذكور فيها ان التأشيرة رفضت لحين التأكد من بعض المعلومات التي ممكن تأخذ فترة من يومين الى 21 اسبوع !!! 
فهل في حاجة خطأ أو ان هذا الرد من الحالات الطبيعية ؟؟؟
من التوتر معش فهمت وزاد من مخاوفي بالرفض التام للتأشيرة خاصة ان كورس الانجليزي يبدا في نص شهر 8  
ارجو النصيحة لو في حاجة في يدي ممكن انديرها

السلام عليكم: رفض التأشيرة الأمريكية غالبا يتم بعد المقابلة مباشرة... عندما يقولون لك انتظر فإن ذلك يعني أن المسأله مسألة وقت فقط ويتم اصدار التأشيره انشاء الله... ربي يوفقكم جميعا... انا أعرف مرارة هذا الموقف لأنني سافرت 3 مرات خارج ليبيا لأتحصل على التأشيره... الحمد لله فرجت بعد عناء كبير... أصبروا إن شـاء الله الفرج قريب...

وانا امس كيف روحت من مالطا ومعي صديقي  نفس وضعي ..معيد بالجامعة ..عموما صديقي رفضوه ..واني بعد سجال وأقناع قالي مازال في مشكلة عندك هي CBIE قالي مايخلصوص في الطلية ..قتله عندي ورقة سحبتها من موقع المكتب الكندي تفيد بأنهم قد استلموا المبلغ من الحكومة الليبية  وامهم رح اينزلوا مرتباتهم وثمن الدراسة ..فرد عليا قالي رح ناخد منها صورة وهات ايميلك تو نبعتلك ..انت مؤهل لأخد التأشيرة ..رغم الليبين يلي قدموا معاهم مترجم المهم قتله حاضر ..واعطارني رسالة على اساس نبعتها للوزارة حتى ايتم تأكيد تحويل المبلغ .عموما رجعت من السفارة للفنتدق وقمت بأرفارق رسالة السفارة للمكتب الكندي و كتبتلهم رسالة تتكلم عن وضعي حاليا في مالطا ووضع الطلبة الليبين وقصة الرفض ..فيجب عليكم اخاطر السفارة الامريكية بأنكم استلمتم الاموال من الحكومة ..فعلا تاني يوم ارسلت لي السفارة عبر الايميل بجلب جواز السفر لان المكتب الكندي قام بأخطار السفارة بأنهم استلموا المبلغ ..والحمد الله روحت بالتأشيرة ..نصيحتي يا تمشوا لي مالطا او تبعتوا صورة من جواز السفر و رسالة الدعم المالي لغرض التأشيرة وتبعتولهم رسالة اتقولولهم فيها ياريت لو تخطور السفارة الامريكية في الاردن بأنكم استلمتم الرسالة ..ورح نعطيكم رسالتي يلي بعتها للمكتب الكندي ... Dear : Karen McBride
My name is Muhsen Banur Ashour Goma Asoul, I am a Libyan student who has a scholarship from the Ministry of Higher Education in Libyan to pursue a master degree in the USA. I apply for the visa in the USA Embassy in Malta and they requested a letter from the CBIE to confirm that the fund for the Libyan students have been received from Libya. Please send me a letter state that the fund has been received in order to processes my visa.
Please find the attached letter from the embassy of the United State in America, financial support letter from the Ministry of Higher Education in Libyan and a copy from the passport.
Thank you,
Sincerely,
Muhsen Banur Ashour Goma Asoul
Phone number: 00218912170004

Email address: mohsenasoul( عفوا, يمنع نشر البريد الإلكتروني, استعمل الرسائل الخاصة )com


ادعولي...

بارك الله فيك اخ ليبيانو وربي ايوفقك ان شاء الله
وياريت نبي نحكي معاك عالتليوفون وعندي بعض الأسئلة بخصوص يوم المقابلة شن ناخذ معاي
وبارك الله فيك

رقمي موجود في الرسالة يلي كتبتها باللغة الانجليزية ..واتفضل ماعندكش اي مشكلة

مبروك التأشيرة وموفقين إن شاء الله 
بس ياريت لوسمحت تعطينا نبذة عن الأسئلة اللي سألوها لك 
والأوراق اللي رفعتهن معاك 
وتكلفة رحلتك لمالطا
وهل مالطا تحتاج تأشيرة ؟ إذا نعم كم تأخذ مدتها 
وبارك الله فيك

وهل طريقة الدفع المسبق لرسوم التأشيرة في السفارة الأمريكية في مالطا  لكل المتقدمين عليها مسبقاً ونقداً كما هو حاصل في الأردن وتونس ؟؟؟؟
نرجو الإفادة

لا  ..تدفع عن طريق Bank of Valetta   اهم شىء شخص من مالطا تبعتله 128 يورو و صورة من جواز السفر عربي و انجليزي حتى يودعلك قيمة التاشيرة في حساب السفارة بعدعا يبعتلك صورة من واصل الايداع  بعدها تاخد موعد ولاازم ينزل رقم الايداع يلي يتكون من ارع ارقم ثم رقمين  lمثلا  4521:16   لاازم  ينزل في الموعد  باش ما ينتكنسلش موعدك

هل كل فرد من افراد الاسرة يجب ان يدفع قمية التأشيرة ام الاب فقط ... وشكرا