تم الحصول على التاشيرة اليوم

mohamad.ali كتب:

يا ريت تقول لنا على الأوراق اللي قدمتهم للسفارة في ليبيا...ومشكور

السلام عليكم خوي محمد وصحة فطورك الموضوع مثبت في المنتدي وتجده على الرابط التالي
http://www.almofad.com/t16261-topic

شكراً على ردك...انا قرأت الموضوع لكن قصدي ماقدمت أي أوراق إضافية(كشف حساب ,شهادة ميلاد ,عقد كفالة , تعهد ضمان عودة...الخ) لانه سمعت ان هذه اوراق ما يطلبوهاش لكن مرات ترفض بسبب عدم وجود احدها ...فيا ريت توضح رجاءً....انتظر ردك

mohamad.ali كتب:

شكراً على ردك...انا قرأت الموضوع لكن قصدي ماقدمت أي أوراق إضافية(كشف حساب ,شهادة ميلاد ,عقد كفالة , تعهد ضمان عودة...الخ) لانه سمعت ان هذه اوراق ما يطلبوهاش لكن مرات ترفض بسبب عدم وجود احدها ...فيا ريت توضح رجاءً....انتظر ردك

 السلام عليكم اخي
انا تقدمت المدة الماضية وما طلبوهن مني بمعني هما عندهم قائمة بالمستندات مثل يلي مذكورة في موضوع التاشيرة الموجود بالمنتدي
او ما تجي يوم المقابلة قبل موعدك بدقائق يكلمك موظف امن والاستقبال في السفارة ويراجع معاك القائمة ويرتب معاك اوراقك بالتسلسل 
وبعدها تدخل لموظف المقابلة يبدي يسميلك بالوحدة وانت تسلملها لعند يكمل القائمة وبعدين يديرلك تكلفة التاشيرة وتسدد المبلغ وخلاص
بمعني اذا كنت علي حساب الدولة ماتحتاج شيء غير رسالة دعم التاشيرة متاع البعثاث و متاع المكتب الكندي 
ولكن اذا كنت علي حسابك لازم تجيب كشف حساب واواق اخري تدعمك في الحصول  علي التاشيرة
والله اعلم

السلام عليكم ورحمة الله
صحة فطوركم
 الموضوع بسيط ان شاء اخي محمد ما فيش اي عرقلة وما طلبوش مني اكثر من اللي مكتوب في الطلبات ومتقلقش ان شاء متيسر الامور وكان لا قدر الله ناقصة حاجة ممكن يطلب منك انك ترفقها لان انا كانت ناقصة عندي ورقة cbie ولحقتها بعد فترة ومشيت الامور والحمد لله.
بالتوفيق

الف مبروك على التاشيرة ياريت اتفيدنا كيف قدمت عليها وكم استغرقت منك

ياريت اتفهمنا بالتفصيل الممل وانشالله اتفيدنا

انا اللي لاحظتة ان التاشيرة تاخذ وقت طويل بكل يعني انا موعد التقديم يوم 14-8-2013 وعلي ما يعطوني التاشيرة إن شـاء الله وانكمل باقي الاجراءات مش حنلحق على بداية دراسة اللغة اللي تبدأ في 3-1-2014

بالتوفيق والجد والأجتهاد ...وعقبال تكملي باقي الأجراءات باسرع وقت .

عدل سابقا من قبل yousef barka في السبت 03 أغسطس 2013, 9:20 pm عدل 1 مرات

ميمي كتب:

ياريت اتفهمنا بالتفصيل الممل وانشالله اتفيدنا

 السلام عليكم اختي كان تستفسر على موضوع اجراءات التاشيرة فالموضوع مثبت في النتدى على الرابط
http://www.almofad.com/t16261-topic
وكل عام وانت بخير

mmss كتب:

السلام عليكم ورحمة الله
صحة فطوركم
 الموضوع بسيط ان شاء اخي محمد ما فيش اي عرقلة وما طلبوش مني اكثر من اللي مكتوب في الطلبات ومتقلقش ان شاء متيسر الامور وكان لا قدر الله ناقصة حاجة ممكن يطلب منك انك ترفقها لان انا كانت ناقصة عندي ورقة cbie ولحقتها بعد فترة ومشيت الامور والحمد لله.
بالتوفيق

 شكراً ليك اخي mmss افدتني هلبا وطمنتني بارك الله فيك ,جعله الله في ميزان حسناتك إن شاء الله, أسال الله ان يوفقك ويوصلك الى حيث ما تتمنى وتطمح والى مايرضيه وان يدخلك فسيح جناته.

mohamad.ali كتب:

mmss كتب:

السلام عليكم ورحمة الله
صحة فطوركم
 الموضوع بسيط ان شاء اخي محمد ما فيش اي عرقلة وما طلبوش مني اكثر من اللي مكتوب في الطلبات ومتقلقش ان شاء متيسر الامور وكان لا قدر الله ناقصة حاجة ممكن يطلب منك انك ترفقها لان انا كانت ناقصة عندي ورقة cbie ولحقتها بعد فترة ومشيت الامور والحمد لله.
بالتوفيق

 شكراً ليك اخي mmss افدتني هلبا وطمنتني بارك الله فيك ,جعله الله في ميزان حسناتك إن شاء الله, أسال الله ان يوفقك ويوصلك الى حيث ما تتمنى وتطمح والى مايرضيه وان يدخلك فسيح جناته.

 وفيك بارك الله احنا ببعض ولبعض وربي يدوم المعروف و موفق يارب

الف مبروك خوي