اولاً, لا انصح ابدا بالسكن وحيدا.
ثانيا السكن مع طلبه افضل من العائلة لعدة اسباب ومنها: السكن مع عائلة حيقيد خروجك ودخولك حيث انك كطالب احيانا تحتاج الى الرجوع الى المنزل في وقت متاخر وايضا احيانا تحتاج الى الاكل في غير مواعيد الاكل مثلا في وقت متاخر من الليل. ايضا العائلات مش زي ما تعتقد يساعدوك في اللغة مثلا لكن الحياة هنا سريعة واغلب الناس وخصوصا اللي يشتغلوا مشغولين جدا يطلعوا الصبح بكري ويرقدوا بكري.
المقصود بالسكن مع عائلة انه تقدر تبحث عن غرفة بروحك في منزل به عائلة او تقدر تطلب من مدرسة اللغة اللي تقراء فيها يدورولك حجرة مع عائلة وفي هذه الحالة الاخيرة يسمى الهومستاي. الهومستاي عادة ايضا يكون اغلا من انك ادور حجرة مع عائلة بروحك.
الخلاصة, اسكن مع طلبه زيك ويهم عزابه. اي قم بايجار حجرة في منزل فيه طلبه ماجرين زيك ويهم. في هذه الخالة تقدر تطلع وتخش زي ما تبي واطيب في اي وقت. ايضا الطلبة حيساعدوا في اللغة افضل من العائلة وايضا حيساعدوك في التعرف على المدينة . عندك حاجة وحده وهي النظافة حيث اغلب الطلبة ما ينضفوش كويس وخصوصا المطبخ لكن تبي تتحمل الشي هذا او مرات اطيح في طلبه ينطفو. ايضا لما تسكن مع الطلبة تبي تشوف الحجرة اللي يكون فيها كل شي من ضمن الايجار مثل تكلفت الكهرباء ولماء والتدفئة وخصوصا الانترنت حيث حتحتاج يوميا الى استعمال النت في الدراسة, التواصل والاتصال. النت ستصبح كل حياتك هههههه بالتوفيق عزيزي.
الرد على السكن مع الهومستي!