مشكلة تأخر المنحة الدراسية

السلام عليكم ، 
اخوانى الطلبة بنحكى على الموضوع اللى شاغل كل الطلبة فى كندا وامريكا. 
بالله شن هو اللى وصلنا للشئ هدا مش معقولة والله نعرف ناس ما عندها حق الايجار متع الشهر الجديد واحنا ساكتين
تعرفو الغلط منا أحنا معقولة من شهر اربعة لحد الان والمشاكل مع المنحة وايقاف المرافقين وامتحانات الايلتس وبدل الكتب يعنى كل شئ واقف وفوق هدا كله إحنا ساكتين .
علاش ما نتكلموش مع بعض علاش السلبية هدى اللى عايشين فيها نديرو موقف هو احنا 120 طالب مش قادرين نجتمعو عارفين كندا كبيرة وكل حد فى مكان يا سيدى نديرو قروب على الفيس بوك ونساعدو بعض ونتواصلو مع بعض وناخدو مواقف وحدة ليش هالسلبية وهما واكلين حقنا .
وإللى عنده فكرة يقولهانا خلى نديرو شئ .
والسلام عليكم. ،

احنا قاعدين في ليبيا كان تبو 14.5 جاهزة اي خدمه نقدرو عليها ورقة ترتيب انسقو لأنه الموضوع بسل وبرد هلبا والمشكله الجماعة السلبية تي حتي تعليق ربي يعاونكم مافي تقول يأخذو في 6 الاف دولار وعايشين في في فيلات اللي ساكنين فيهم الخليج تي شن السلبية والجبن    

السلام عليكم اشكوركم اخوتي واخيرا القيت ناس تحير والله باعث قبل ومافي حد دار اعتبار للموضوع كإن موضوع اخصني انا بس والله السلبيات الي عند بعض الطلبة بشكل لا توصف انا علي نفسي معاكم في اي حاجه تبو اديرو حاجه اني ما عنديش مشكله لان الحق تعبنا واتبهدلنا اني من طلبة مونتريال هذا رقمي يريت لو فيه حاجه عادي ما فيش مشكله نديرها لان الدوله الخربانه معاد تستحي علي وجها 5146910104

وعليكم السلام ,
نشكركم على التفاعل مع الموضوع بس المشكلة احنا تحركاتنا فردية ومافيش حد معبر ياشباب والله لو ما تكلمنا مع بعض
ودرنا موقف واحد مش حيوصل صوتنا لان صوتنا ما فيشى ثقل وانتم عارفين البلاد كيف يتعاملو.
بصراحة توقعت فى مشاركة اكثر من هكى فى الموضوع .
الطلبة اللى فى كندا كلهم عندهم انترنت نقدرو نتواصلو مع بعض .
وبخصوص صفحة الطلبة الليبيين بكندا للاسف ما فيهاش مشاركات كثيرة وفعالة قصدى المفروض الطلبة اللى هنى كلهم مسجلين فيها والطلبة اللى عندهم خبرة يساعدو الجدد وهكدا ونحلو مشاكلنا قصدى الكل حيستفيد .
واهم من هدا كله يكون عندنا موقف موحد وصدقونى غصبا عنهم حيسمعونا .
والسلام عليكم ,

حسبنا الله ونعم الوكيل ... قلوبنا معكم والسنتنا لا تكف عن الدعاء .... يارب فرج يا رب فرج...

[rtl]السلام عليكم جميعا و مشكورين ع الاستجابة...

[/rtl]
[rtl]بخصوص صفحة الطلبة الليبيين في كندا الصفحة عمرها أقل من 24 ساعة و اكيد بتكون فاضية و لازم كل موفدي قسم كندا ينظمو للصفحة باش نبدأو في التخطيط لإنشاء اتحاد للطلبة الليبيين في كندا و الاتحاد يكون هو الجهة الرسمية المخولة انها تتكلم عن مشاكلنا و طلباتنا و الحل هذا ينهي قصة السلبية عند بعض الموفدين اللي كأن المنحة مش مقطوعة عندهم في الوقت اللي فيه هلبه طلبة حتى في القوائم اساميهم مش جاية .

[/rtl]
[rtl]الرجاء من الجميع الاشتراك في الصفحة و التعميم باش نأسسو الاتحاد في اقرب فرصة اسوة بخوتنا في امريكا ربي يفتح عليهم ...[/rtl]
[rtl]الله ولي التوفيق [/rtl]

بارك الله فيك أخي .. الموضوع تجاوزالحدود فعلا ولابد من تحرك فعلي وسريع من قبل الجميع سواء فى كندا او فى امريكا ..كلنا فى نفس المركب .. والله المستعان .

عدل سابقا من قبل alabed في الإثنين 29 يوليو 2013, 10:15 pm عدل 1 مرات

الرجاء وضع رابط صفحة الطلبة الليبيين فى كندا لان الصفحة اللى شفتها قديمة وفى صفحات اخرى مشابهة
فياريت ينحط الرابط وإن شاء الله يكون فيه تفاعل كويس

I am with you guys what can we do.

this is the link

https://www.facebook.com/groups/149478971918144/

السلام عليكم ,, درت طلب انضمام للمجموعة ,, وياريت يا أخت حنان تنسقى شن اللى مفروض يندار , او أى احد من الشباب وحنا فى الخدمة . شن نقدرو نديرو حاضر ,, لان بصراحة مش أسلوب تعامل مع طلبة دكتوراة وماجستير وليبين يقعدو هنا بالطريقة هادى . معقولة هكى . ويا شباب اللى يقدر يتحرك وقاعد فى ليبيا تحركو لان بتجو هنا وبتنصدمو بالواقع لا منحة تنزل ولو نزلت تنقطع ,, المرافق قاطعين عليه حتى القراية ما يبوهمش يقرو . مغفيش أى امتيازات حتى شركة التأمين ما تغطيش كل شى .( ما توقعتش لى هالدرجة حجم المشاكل اللى هنا ) 
والله يعلم كل واحد شن ظروفه هنا ,, بس ما تعرفش شن بدير ما عندكش الا الانتظار والدعاء وخلاص . او تشوف خدمة وتفوت القراية ,, والا تروح بعد كل هالتعب والتأشيرة والمصاريف 
ولاحول ولاقوة الا بالله .

بارك الله فيكم جميعا
الحمد لله أهو فى ناس تبى إدير شئ وصدقونى لو تفاهمنا غصبا عنهم حيسمعونا
المهم بخصوص القروب انا سجلت فيه بس طلبت على اساس تغيير القروب لصفحة حيكون اسهل التسجيل وإيجاد الصفحة
وان شاء الله خير ونقدرو نقدمو شئ حتى مش لينا إحنا يكون جاهز للطلبة الجدد

ان شاء الله ربي ايكون في عونكم حقيقة ليبيا كلها خايضة وان شاء الله دائما بعد المخاض ادجي حاجات باهية عليكم بالصبر والدعاء خصوصا وانتم في الايام المباركة وزي ما قلتوا بالتعاون ان شاء الله تتصلح الامور اني نبي نعرف اعلاش امريكا وكندا بس فيهم ها المكتب اللي اني انشوف اكثر التعقيدات منه ليش جميع دول العالم تتعامل مع السفارات الاهاتين الدولتين نبدوا انحللوا في المشاكل لين نوصلوا لي راس الخيط وشكرا

Allah bless you I am with you guys

السلام عليكم,,
نبى نعرف شى واحد بس؟؟
الاشكالية واين بالزبط؟؟؟
بين وزارة التعليم والمكتب الكندى؟؟لانى انشالله بنقدم على التفويض..وعندى اصدقاء فى وزارة التعليم..ونقدر انقدم طلب شكوى للوزير فى مشاكل المنحة والرسوم
المكتب الكندى حسب مافهمت ايقول ان التقصير من الوزارة فى بعت الفلوس؟؟؟؟؟
وانشالله نتعاونو مع بعض لحل هدا الاشكالية ..لان بجد الطالب المفروض ايركز على دراسته مش ايفكر فى المنحة شن بيصير فيها

معليش يا اخي النفوسي اتقصير من الوزارة المكتب الكندي ليس لديه اي علاقة في التاخير والمكتب الحقيقه ما شاء الله في تقديم الخدمات هو صحيح لديه بعض الاخطاء لكن هذي الاخطاء مستحيل بتكون نفس اخطاء لو المكتب يوجد بيه طاقم ليبي لا اريد ان اتكلم لان احنا ليبيين نعرفو بعض الدوله الخربانه ا( الحكومه ) هذي حكومه ما تستحي علي وجهها حشاكم حاشا النظيف فيها لو تستحي علي نفسها ما تترك اولادها ما يعلم بحالهم الا ربي ما احب ان اتكلم لكن الزمان اخليك تتكلم علي ناس تافها ناس ما تستحيش علي نفسها ناس ما عندها درة خوف من الله سبحانه وتعالي ناس ما عندها غيره حتي واحد في المائه علي اولادها ..........

علي نفسي انصح اي طالب ليبي ما يفكر اجي لي كندا الا بعد الحكومه الخربانه تصلح وضعها نصيحه لوجه الله تعالي اني اخوكم قاعد في كندا المنحه تغيرة من الربع الثاني الي حد الان ما زال الخير القدام مازال الربع الرابع تو تشوفو بعيونكم امته بيستلمه المكتب الكندي عندي صديق وقت قوتله ما تفكر دجي حاليا موجود في كندا حاله ما يعلم بيه الا ربي حاليا عنده ثلاثة شهور والله استلم فقط 1000$ كمنحه اسلك بيه اموره

السلام عليكم
انا من راي ان نبدو بكتابت الاهداف والمقترحات و يكون واحد من الزملاء بصيغتها بدباجة كويسة وفي حاجة ثانية شن رايكم كل واحد يدير روبرتاج عن نفسه صوت وصورةو شن المشاكل اللي يعاني منها طبعا في حدود المعقول وايضا هذي تجمع عند المشرف حتى نكون مستعدين للظهور اعلامياً في لحظة و ياريت لونقدروا نحصلو مايفيد بشكل رسمي من المكتب الكندي على تاخر المنحة وتوقف دراسة المرافق بالاضافة لموضوع التامين الصحي .
والمطلوب من ادارة البعثات ووزارة التعليم العالي شن كل واحد يكتب النقاط انا اول نقطة عندي .....
1- التعهد بعدم تاخر المنحة لاي سبب من الاسباب وتحسين التامين الصحي بحيث يضم جميع التخصصات اسوة بالطلبة دول الجوار واالعالم .

شكرا شباب على حسن تفاعلكم ،
والمشكلة هى تقريبا اصلها فى فلوس من ايام النضام السابق ومش شوية ملايين لكن المكتب الكندى يعتبر فيها ضمانة ليه 
لكن جماعتنا فى البعثات قالو للمكتب انت عندك فلوس بزيادة يعنى تقدر تصرف منهم وتقريبا على حد علمى هده هى الاشكالية .
هو الموضوع مش هنا الموضوع انى طالب ومغترب ومركز على دراستى فجأة كل شى يوقف بكل بساطة والكل ساكت كأن ما فيش قيمة للطالب  والطلبة ربى يسامحهم كل حد فى حاله .
والشئ التانى حتى لو نزلت المنحة المرافقين والمستحقات الاخرى كلها معلقة ومش حيتم تعويض المرافقين والمدة ماشية يعنى
هما دمروا مستقبل دراسة المرافق وهدا كلام من المكتب الكندى .
الله المستعان فيهم وخلاص.

السلام عليكم,,
والله الواحد خاف انه ايجى لى كندا..والباين الوضع متازم.عموما
خلينا انكونو عملياً
انى عندى اقتراح...ياريت الطلبة المتضريرين فى كندا وامريكا...يكتبو مدكره يشرحو فيها وضعهم..ويوقعو فيها كلهم..وانى نتكفل شخصيا ب.....بادن الله توصل للوزير ونتناقش مع الوزارة فى الموضوع..
بس نبى نعرف انه فى طلبة ليبين فى كندا...مايشكوش ..شنى امورهم طيبة وتنزلهم المنحة..نقصد الطلبة لى ليهم فترة فى كندا....

[rtl]يا اخواني اني ارسلت رسالة للسيد وزير التعليم العالي و السيد زيدان و الحمد لله اليوم وصلو و الشخص اللي وصلهم هو وزير التعليم (د. علي مفتاح اعبيد) اللي كان دكتوري ايام البكالوريس و ربي يبارك فيه على مصداقيته ..

ربي يوفقنا لما فيه خير كل الطلبة

[/rtl]