الدراسة في قبرص التركية

طارق التومي كتب:

السلام عليكم نبي نسال انا نبي قبول اكاديمي  تخصص فيزياء وماهي الجماعات المعتمدة شكرا

زاهد الدنيا كتب:

الطلبة وزوار الصفحة ينظروا لوجهات النظر من منظور معين وهوا منطلق من الحرية الشخصية وانا كليا نتفق معهم في هدا الجانب وفي نفس الوقت لازم نتيقنوا بان الاغلبية مالم يكونوا كليا من اصحاب مستويات علمية واكاديمية كافية بان يكتشفوا من الصادق من الكادب صاحب الحق من الضالم ...
والحقيقة الشي اللي يفرض نفسه ان الساحة فيها اكتر من 500 طالب والعقل يفرض علينا نكونوا عقلانيين والسوال اللي يفرض نفسه ... ما الضير لو ان 4 من اصل 500 طالب مش مرتاحين او حتى لو وصل العدد الى 20 وحتى لو زاد هدا شيء طبيعي لان لو ماطلعوش الطلبة هادم رح تكون قبرص جنة الله على الارض وهدا اني نفسي لا يرضيني لان قبرص كما سبق وقلتلك دولة عادية جدا
وعن نفسي ننظر للامور من ناحية لا ينظر ليها الزائر او الطالب لاني نعلم حقائق الامور واكتر من الحقائق...!

فلو تتبادل الحوار مع اصحاب وجهات النظر لن تصل الى نقطة مقنعة نهائيا حتى لو استمر الحوار لسنوات في بعض الاحيان من قبل ما تبدى الحوار لانك ستجد التناقض في الكلام
تلقى من ينهى الناس عن الدراسة فيها وفي نفس الوقت يبحث عن شقة للشراء او قطعة ارض ...!
تلقى من ينهي الناس عنها وهوا يتمنى ان يحصل قبول فيها ويسترجى الوكلاء بان يتحصلوله عن قبول في تخصصه...!

عموما والله اني رح نسرد حقيقة الاسعار للطالب وللمقيمين في قبرص الحق في تاكيد كلامي او تفنيده الشهادة لله
المنحة للمتزوج مع طفل 2700 يورو اي ما يعادل 8000 ليرة تقريبا.

الايجار يبدا من 8000 ليرة في السنة اي ما يعادل 670 ليرة في الشهر اي ما يعادل 250 او اقل يورو من اصل 2700 يورو شهريا
الكهرباء مع الماء 200 ليرة اي ما يعادل 75 يورو تقريبا لو ضفناهم الى الايجار 325 يورو او اقل هدا لاور السكن
المواصلات مجانية مقدمة من الجامعة بشرط ان الطالب ينتظر الباص في محطة المعينة لها وكل 500 متر محطة على كامل المدينة وكل ساعة تطلع الباص في الصباح ويتغير اموعد كل ساعتين بعد الظهر
الاتصالات 20 ليرة اي ما يعادل 13 دينار ليبي  يمنحوك اتصالات دولية لمدة 50 دقيقة + 10 الاف رسالة دولية + 250 ميجا بايت للانترنت
12 ليرة تقريا تمنحك الاتصال لا محدود لمدة شهر مكالات داخلية مع 10 الاف رسالة منهم 500 دوليات  + 250 ميجا بايت انترنت
الانترنت المنزلي بما يعادل 600 ليرة لمدة 15 شهر اي ما يعادل 280 دولار اي ما يعادل 300 دينار التحميل مفتوح وغير محدود طول المدة السرعة 2 ميجا بايت ولو تبي 3 ميقا بايت فقط تزيد 75 ليرة اي يصبح السعر كامل بالدينار الليبي 345 دينار ليبي لمدة 15 شهر اي ما يعادل سنة و3 شهور
التاكسي الخاص بي 8 ليرة اي ما يعادل 5 دينار ليبي بين اي نقطتين داخل المدينة
الموز بما يعادل 2.5 دينار ليبي ويوصل الى دينار ليبي اي ما يعادل 4 ليرة اي ما يعادل 1.8 دولار اي ما يعادل 2.5 دينار ليبي ويصل الى 2 ليرة اي ما يعادل دبنار وربع ليبي
التفاح نفس السعر
المكرونة 1.25 اي ما يعادل 75 قرش ليبي
الكسكسي 2.5 ليرة اي ما يعادل 1.60 دينار ليبي
اللحم يبدا من 21 ليرة اي ما يعادل 13 دينار ليبي لانه بالدولار 10 دولار
السمك متل الدندشي والوراتة 18 ليرة اي ما يعادل 11 دينار ليبي
البطاطا 1.25 ليرة اي ما يعادل 0.60 قرش ليبي
البتنجال يرتفع ويرخص على حسب الموسم بس المدة هادي بي 3 ليرة اي ما يعادل 2 دينار ليبي للكيلو
المعدنوس والاعشاب 1 ليرة اي ما يعادل 0.6 دينار تقريبا ليبي
بالنسبة للوصول الى قبرص من طرابلس او بنغازي او مطار مصراته فقط عليك تمر بنطار واحد وليس كما اشيع وهوا مطار اسطنبول او انقرا من تم الى قبرص
سعر التدكرة من قبرص الى اسطنبول والعكس يبدا من 140 ليرة الى 300 ليرة اي ما يعادل 67 دولار لو حجزتها مبكرا ولو متاخر توصل الى 150 دولار
لارسال الملفات الى السفارة الليبية في انقرا السفارة تقبل عبر الايميل ولو احتاج الامر تقدر ترسل ملفاتك عن طريق الكارجو اي ما يعادل 30 ليرة اي ما يعادل 20 دينار ليبي
وتقدر ترسل عن طريق الاكس برس بي 4 ليرة او عن طريق البريد العادي بي 2 ليرة وللعلم الكارجو خلال 24 ساعة التوصيل والاكس برس 3 ايام  والعادي اسبوع وللطالب حرية الاختيار
اما موضوع قبرص مافيهاش قنصلية مادا عن ازمير وعن انطالية ومادا عن والولايات الامريكية اللي ماتتوفرش فيهم قنصليات

وبالنسبة لمشكلة التعامل مع الوكلاء .... للطالب الحرية في ان يقدم بروحه او عن طريق وكيل او ممتل للجامعة او عن طريق موظف فيها
وفي النهاية الرزق على الله الحمد لله اللي لم يترك ارزاقنا مرتبطة برضاء الناس عنا ...!
للاسف بعض الطلبة يبوا يستعبدوا الوكيل رغم انهم لم يدفعوا اي درهم ولم يطلب منهم اي جزاء او شكر
في طلبة يبوا الوكيل يوفرلهم سيارة مراسم تستقبلهم في المطار وماتعجبهمش انهم يتم استقبالهم بسيارة باص بالرغم انها مجانية وبدون اي درهم واحد ...!
وفي طلبة يبوا الوكيل يوفرلهم سكن مجاني الى غاية ما يتحصلوا على سكن رغم انهم تحصلوا على ليلة مجانية بدون اي دفع درهم واحد ويتقاضوا 2700 يورو شهريا...!
طلبة اكاديميين يسافر بدون ما يجيب مستنداته معاه ويعزي السبب للوكيل لان الوكيل لم ينبهه ...!
طالب اكاديمي يتقاضى 2700 يورو شهريا اللهم لا حسد يطلب من طالب على حسابه او وكيل يقتات من عمله علشان يوفر رسوم دراسته دفع مصاريف التنقل...!

امام الله لم اترك طالب محدوف في المطار بدون استقباله حتى الساعة 3 في الليل
ولم نترك اي طالب بدون استكمال اجراءات التسجيل وما فيش طالب ماوفرتلاش سكن مجاني حتى ليلة وحدة وهدا حسب الاستطاعة ومدى توفر السكن المجاني وبفضل الله فتحنالهم حسابات في البنك


اللي نبي ناكده للطلبة معدل الصرف للحياة ممتازة في قبرص هوا 1000 يوروا شهريا شامل كل نواحي الحياة للمتزوج
وللاعزب 600 دولار شامل كل شيء هدا من اصل 2700 او من اصل 2000 يورو للاعزب.

نشهد الله على كل ما ذكرت وكل ما كتبت ...!

ونعتدر من القراء لان جزء كلامي قد يفهم غلط  . ولكن وجب عليا التوضيح لان كتر الصمت قد يخرجني عن المصداقية لدى البعض

وبالتوفيق للجميع...
وعموما انا نجهز لموضوع فيه كل الاسعار مدعم بالصور من الاسواق وشركات الحجز على شان ينهي اللغط والقيل والقال بالنسبة لمشكلة الاسعار
وما توفيقنا الا من عند الله عليه توكلت وهو رب العرش العظيم

محب الله كتب:

السلام عليكم اريد ان اسال ع قبرص تركيا كم قيمة المنحه للمتزوجين بدون اطفال وكيف يتم تسيير باقى الاجراءات كبطاقة المنحه فى قبرص تركيا لان سمعت ان مافى سفاره وكيف تتم باقى الاجراءات لما تتحصل على القبول من وصول الى اسطنبول او انقره هلى فى اجراءات هناك او اتكمل الى قبرص عادى بعدها ياريت اجابه واضحه ومؤكده لو سمحتو وكم اسعار الشقق فى العاصمه واى معلومه تهمنا ياريت التوضيح مع العلم نبى ندرس ماجستير ادارة اعمال وشكرا وبارك الله فيكم

amt_7_3 كتب:

الاخ /  زاهد بارك الله فيك على مجهوداتك
يا ريت نتواصل معاك بالفايبر

مينه كتب:

توفير فبولات دراسية في القبرص التركيه  مع الخدمات الادارية من استقبال في المطار و اكمال اجراءات التسجيل  و المساعد على الحصول على سكن  مناسب
ارجو التواصل ع الخاص
 اي استفسار ارجوا التواصل على الخاص
شكرا

hamza25512 كتب:

السلام عليكم ورحمة الله وبركاته
المعلومة الغير واضحة لكثير من الطلبة ان القبول في قبرص التركية سهل جدا ممكن تتحصل عليه في اقل من اسبوع  ... فاغلب الناس تفرح وتعتقد انها حصلت حاجة كبيرة ويقولك عندي قبول اكاديمي .. القبول الاكاديمي في قبرص ليس كغيرة من الساحات تاخدة بعد اجتياز متطلبات معينة علمية ولغوية .. هنا في قبرص تستطيع التحصل على قبول مادمت تمتلك شهادة مهما كان تقديرك .. وبالنسبة للغة يمتحنوك في الجامعة ليس هناك حاجة لا الى ايلتس ولا الى توفل ... والرسوم فعلا رخيصة بالنسبة للذي يرغب بالدراسة على حسابة ...
ولكن عندما تاتي الى قبرص ( وتحصل هذيكا الحصلة ) تقول بين وبين نفسك ماذا افعل هنا ؟؟؟

_______________________________
اذا كنت تخطط لعام واحد فازرع الارز

واذا كنت تخطط لعشرين عاما فازرع شجر

واذا كنت تخطط لمائة عام فعلم الناس ...