السؤال عن فنادق جيده أو معقوله لكن رخصيه في نفس الوقت

اختي الفاضلة هناك انوع الفنادق طبعا عادة الليبي يسعى الافضل والارخص وهدا شيء صعب يفتيلك فيه حد لان كل واحد ودوقه اسم الفندق اللي دائما ننزل فيه 
( ايليت برستيج ) منطقة تقسيم قرب شارع الاستقلال اللي هوا شارع التجارة السعر ماتعطيهمش اكتر من ٨٥ يورو لليوم الواحد 
في نفس الشارع في مليون فندق ردي بالك تتسرعي وديما حاولي تنقصي السعر بمقدار النص باش هما ينقصوا الربع 
عموما في اسعار توصل حتى للي ١٠٠ ليرة يعني ٥٥ دولار لليوم الواحد ماتتسرعيش شوفوا كل الفنادق قبل ما تدفعوا اي قرش 
التاكسي من المطار اطلبوا القطار وانزلوا في التقسيم يكلفكم ٦ دولار فقط للشخصين اافضل من انكم تدفعوا ٨٠ دولار او ليرة 
اني مقيم في قبرص التركية 
بالنسبة للتاشيرة ياختي رح تاخد اكتر من اسبوعين على حسب خبرتي 
لو ماشية دراسة لامريكا تاكدي من القبول الاكديمي مايضحكوش عليك بقبول لغة وبعتالي تحصلي ويصيرلك زي هلبا طلبا 
عموما اي خدمة في جامعات تركيا وقبرص التركيا اني حاضر 
بالتوفيق

بجد بارك الله فيك خوي زاهد الدنيا ،،شكرا ألف شكر
وجعلها الله في ميزان حسناتك يارب
أكيد حناخذ بنصيحتك
وياريت ياريت اللي عنده أي معلومه ثانيه حول الموضوع اللي نزلت استفسار عليه ما يبخلش عليا بيها
ومشكورين مقدماً

بارك الله فيك

illusion كتب:

بجد بارك الله فيك خوي زاهد الدنيا ،،شكرا ألف شكر
وجعلها الله في ميزان حسناتك يارب
أكيد حناخذ بنصيحتك
وياريت ياريت اللي عنده أي معلومه ثانيه حول الموضوع اللي نزلت استفسار عليه ما يبخلش عليا بيها
ومشكورين مقدماً

 فيك بارك الله وبالتوفيق ان شاء الله

حبيت اعرف بس عن وضع التاشيرة الامريكية من تركيا  هل سهلة ولا صعبة   وكم تاخد من الوقت بالضبط؟
والاوراق المطلوبة

مصعب كتب:

حبيت اعرف بس عن وضع التاشيرة الامريكية من تركيا  هل سهلة ولا صعبة   وكم تاخد من الوقت بالضبط؟
والاوراق المطلوبة

 والله الحقيقة ماعنديش خلفية بس نقدر نفيدك بحاجة وحدة شوف مكتب التعاون الامريكي الليبي في طرابلس وعندهم موقع وصفحة على الفيس بوك تلقى فيهم المستندات اما بالنسبة للمدة لا اتوقع انها تكون قليلة متلا اسبوع لان تركيا فيها 70 مليون مواطن يعني السفارة بتكون مزدحمة 
نسال الله ان يوفقك ونحصلها في اقرب وقت

السلام عليكم بالنسبة للحجز ممكن تجرب موقع booking .com بصراحة جربته في زيارة الى المغرب وتونس فورلي جهد و فلوس هلبه و تصل الى النص .