عدم الرد علي الايميل من السفارة الكندية في ليبيا وتونس

السلام عليكم
انا ارسلت للسفارة الكندية في تونس وليبيا ايميل منذ اسبوع بخصوص استفسار عن سبب تاخر اصدار تاشيرتي ولكنهم لم يردو علي وقمت باعدة الارسال يوم الاربعاء ولكن لا يوجد رد
علما بان الايميل يحتوي علي معلومات كاملة من رقم الملف و جواز السفر وكل المعلومات التي يتطلبها الاستفسار وباللغة الانجليزية

هذا ايميل تونس : tunis.immigration@international.gc.ca
وهذا ايميل ليبيا : trpli.immigration@international.gc.ca

هل في حد عندا تفسير لذلك او انا في من ردت علي السفارة هذه الايام بشأن الاستفسار عن تاخر التاشيرة ؟؟؟؟
علما باني تقدمت يوم 29-4-2013 واسلمت نماذج الكشف يوم 14-6-2013 و وصلت النماذج الي فرنسا يوم 20-6-2013
وفي يلي مقدم معي في هذه الموعد وتحصل علي التاشيرة من اسبوع

ولكم جزيل الشكر

وعليكم السلام
وصلوا النماذج في 20-6 يعني ليك 6 اسابيع بالضبط ، ممكن مزال طلبك لم يكتمل ، وخمسة اسابيع الحد الادنى يعني ممكن تاخذ اكثر.
لما تبعث ايميل قبل الوقت وطلبك مزال تحت الاجراء ما يردوش عليك ، هاذي تجربتي معاهم.

والله اعلم

السلام عليكم شكرا اخي علي الرد
لكن هما ابلغوني ان لو بعد خمس اسابيع من وصول الكشف الطبي ما وصلتلك التاشيرة راسلنا و طبعا من 20-6 قريب توة هلبت حتي 6 اسابيع  مش عارف ؟؟؟؟؟؟؟؟؟ ممكن

تختلف الحالات فيه الاعزب والمتزوج وعنده صغار الامور هاذي فيها شوية تعقيد ، لكن انت مازلت ما تعتبرش في المرحلة الخطرة زيدهم اسبوع ثاني
لكن ان شاء الله باذن الله ما تعطلش ، اللهم امين

السلام عليك أخي الكريم
 والله انا مثلك في الانتظارانا تقدمت يوم 2/6/2013 واستلمت نماذج الكشف يوم 2/7/2013 و وصلت النماذج الي فرنسا يوم  11/7/2013 ...أسأل الله العظيم رب العرش العظيم وفي هذه الايام المباركة وقدوم ليلة القدر أن يعجل لي  ولك وكل من تقدم على التأشيرة وينتظرها  للحصول عليها في هذه الايام امين ...والله بدأ الرس ينوجع من طول الانتظار....
دعائكم

هل في من استلم تاشيرته هذه الايام لان في
 اعتصام في عدد من السفارات الكندية ومكاتب الهجرة حول العالم ممكن يكون الشئ هذا معطل اصدار التاشيرات ؟؟؟؟؟؟؟؟؟
لو في من بعثت له السفارة هذه الايام بخصوص الحضور واستلام التاشيرة ياريت يخبرنا

السلام عليكم 
اتمنى ان تتحصل عليها في اقرب وقت انا مقدم يوم 8 شهر 4 والى يومنا هدا لم اتحصل على رد مسبق بالكشف الطبي او لا ... وعلى حسابي الشخصي ! نشاء الله خير

kombs كتب:

السلام عليكم 
اتمنى ان تتحصل عليها في اقرب وقت انا مقدم يوم 8 شهر 4 والى يومنا هدا لم اتحصل على رد مسبق بالكشف الطبي او لا ... وعلى حسابي الشخصي ! نشاء الله خير

 ربي يفرج  عليك وعلينا ان شاء الله

moh_te كتب:

هل في من استلم تاشيرته هذه الايام لان في
 اعتصام في عدد من السفارات الكندية ومكاتب الهجرة حول العالم ممكن يكون الشئ هذا معطل اصدار التاشيرات ؟؟؟؟؟؟؟؟؟
لو في من بعثت له السفارة هذه الايام بخصوص الحضور واستلام التاشيرة ياريت يخبرنا

 أنا استلمتها يوم الأحد الفائت بتاريخ 28/7 من السفارة اللي في ليبيا .. ومقدم ملفي بتاريخ 19/3 .. وقمت بمراسلة السفارة اللي في تونس وطلبو مني نجديد القبول الدراسي لإستكمال الملف .. وكملت الإجراءات وبلغوني بإيميل لإستلام التأشيرة .. مع العلم إني أعزب .. و زميلي متزوج تقدم للتأشيرة قبلي بأسبوعين ومازال لم يستلم رد مثلك .. وإن شاء الله ربي يوفقك وتكمل إجراءاتك على خير

والله ارعبتوني!! معقولة التأشيرة تاخذ 5 شهور؟؟ ربك يستر إن شاء الله.