إستفسار من أصحاب العائلات بكندا

شنوا تبوا منا لاحقينا احنا الشارفين
1 شهادة ميلاد مترجمة ومعتمدة
2 بطاقة تطعيم امشى الى مكتب التطعيمات الدولية وارفعى بطاقة التطعيم
 3 الصحائف مترجمة ومعتمدة بدون كعك ارجوك
تعريف  طالب وبدون لاحس ولاسيرة وامشى ارفعى ايديك الى السماء ادعيلى انفيق من الوهم والهم والغم نبصر عليكم جوى مليح وقلبى كبير يحب ليبيا يحب الكل  خيركم تفنصوا بطلوا

  

مدارس كندا وما ادراك كندا زى مدارس ليبيا لا عصا لاضرب لا تكشيخ عالم متخلف  الاهم بناء الشخصية الاهم كيف تتصرف المدارس ممتازة والروضة جو مليح فاتتنا الله غالب لاتوجد مدارس ليبية القبول فى فانكوفر ماشى الحال بدون قبول اكاديمى اماخارج مدينة فانكوفر الامر صعب والله الحق معك خائفة مستقبل صغارك تحية اجلال واكبار لكل ام بما فية مشرفة ومدير ادارة كندا تحية حب فى الله لكل ام تناضل تتعب تشقى الى امى العظيمة المرحومة الله يرحمك يا ماما ويحسن اليك احبك كم افتقدك ماما الله الله الفاتحة على روحك ارجوكم الدعاء والفاتحة امى الحنون سامحينى  دموع انهار وغربة مر وقلب عليل وجو شحيب بعدك يا ماما يا امى

أخي السائل ، تقدر تسجل أطفالك في المدرسة أول ما توصل ، ما فيش مشكلة أبدا -في اي وقت من السنة- 
و مش انت اللي تختار المدرسة ، هم يوجهوك لأقرب مدرسة من سكنك . يعني لما تأجر سجل الاطفال وتاني يوم يمشوا للمدرسة . 
بس خلي بالك من حاجة نحن كنا نعاني منها ، لما بتأجر منزل شوف هل فيه مدرسة قريبة منه بحيث يمشوا الاطفال ابروحهم أو بعيد بحيث يأخذهم الباص . لأن لو السكن لا بعيد ولا قريب مش حيأخذوه في الباص و المسافة حتكون صعب يمشوها الاطفال و خصوصا في الشتاء . 
طبعا تقدر تعرف هل يأخذهم باص أو لا من خلال موقع التعليم في منطقتك قبل ما تتم عقد الايجار . الموضوع مش ساهل لو ماعندكش سيارة ...لأي استفسار آخر تفضل

salem1965 كتب:

مدارس كندا وما ادراك كندا زى مدارس ليبيا لا عصا لاضرب لا تكشيخ عالم متخلف  الاهم بناء الشخصية الاهم كيف تتصرف المدارس ممتازة والروضة جو مليح فاتتنا الله غالب لاتوجد مدارس ليبية القبول فى فانكوفر ماشى الحال بدون قبول اكاديمى اماخارج مدينة فانكوفر الامر صعب والله الحق معك خائفة مستقبل صغارك تحية اجلال واكبار لكل ام بما فية مشرفة ومدير ادارة كندا تحية حب فى الله لكل ام تناضل تتعب تشقى الى امى العظيمة المرحومة الله يرحمك يا ماما ويحسن اليك احبك كم افتقدك ماما الله الله الفاتحة على روحك ارجوكم الدعاء والفاتحة امى الحنون سامحينى  دموع انهار وغربة مر وقلب عليل وجو شحيب بعدك يا ماما يا امى

الله يبارك فيك كلام رائع و يرحم الوالدة و بعفو عنها و يجمعك بيها في الفردوس الأعلى

اللهم اغفر  لها وارحمها

السلام عليكم 
هل الاطفال يدرسون فى مدارس الكندية ومناهج الكندية باللغة الانجليزية ؟ وهل رسوم دراسة الاطفال فى مدارس ابتدائية واعدادية وثانوى مجانا ام على حساب المكتب الكندى ؟
وهل توجد مدارس الليبية يدرس فيها مناهج الليبية باللغة العربية 
وشكرا لكم

على شخصي درست اطفالي في المدارس الكندية وباللغة الانجليزية بطبيعة الحال... وطبعا بالنسبة ليك في الحالتين مجانا اذا الرسوم دفعها المكتب الكندي او مافيش رسوم اصلا بس الحقيقة فيه رسوم ضخمة تدفع فيها الدولة الليبية لو الاطفال درسو في اونتاريو او البيرتا في حالة قبول اللغة بس لو اكاديمي مافيش رسوم ....