قرض الاستقرار متوقف لماذا

السلام عليكم 
اتصلت ب cbie لاسألهم عن قرض الاستقرار الذي يعطى للطالب اول وصله لبلد الدراسه ليساعده على الاستقرار والمعيشه في البدايه فقامو بالرد عليا بان الميزانيه لا تسمح بمنح هذا القرض ، شهر بعد شهر تسحب منا الصلاحيات في البدايه نتحمل رسوم الفيزا وبالامس ايقاف دراسة المرافق واليوم قرض الاستقرار ما هو القادم ، لا اعلم ان كانت الاشياء التي سحبت منا من حقنا كطلاب موفدين ام انها منة يمنونا علينا بها اخبرو المسؤول هل يستطيع ان يستقر في بلد لا يعرف فيه احد بمنحة شهر ويدفع بها الايجار ويأكل منها ويشتري الاساسيات من اثاث المنزل ،لقد اسمعت لو ناديت حيا ولكن لا حياة لمن تنادي ، ارسلونا لندرس ام انهم ارسلونا لنتعذب !!!!، ما عساي ان اقول الا حسبي الله وهو نعم الوكيل

السلام عليكم ,, وكل عام وانتم بخير ,, طبعا متوقفة منحة الاستقرار . علاش كبف  ,, مافيش جواب . المرافق ما يدرسش حتى هوا ومسكتين لا حلول ولا موعد محدد لبداية دراسة المرافق ,, اصلا توا بدينا معاش ندورو فى المرافق توا بدينا غير اعطونا باش نخلصو الايجار وخلصو المعاهد والجامعات . والمشكلة مافيش ما أدير الا اهو تعبر هنا وقعدنا غير نكتبو فى قصصنا وحقوقنا المسلوبة وخلاص . حسبنا الله نعم الوكيل .

لا حول و لا قوة الا بالله .. 
وزارة فاشلة ماشفنا خير من يوم ما حطوا هالوزير الله لا تسامحه .

خليتونا نفكرو في تغيير الساحة الدارسية بالرسمي ههههههه ... إن شـاء الله ربي يقدر اللي فيه الخير

الوزير الجديد ألي جابه علي زيدان كارثة حقيقية. هي الوزارة كلها فاسدة من زمان وزاد عليها توا وزير أفسد منها. أيام الغرياني كانت أمور الطلبة عال العال من حيث المنح والمزايا المالية، فجانا الوزير الجديد ولخط كل شيء. زيدان ليس رجل دولة ولا يعرف اختيار الكفاءات القادرة على بنائها.

والله اتخوفوا فينا بكلامكم الكلام هدا فكندا وأمريكا بس وإلا لكل الساحات

تي شن السلاطه هذي انا ان شاء الله الاسبوع هذا بنمشي للبعثات وبنقابل المدير تبعها وبنشرحله الظروف اللي فيها الطلبه تي معقوله منحة اسقرار ماهناش واككككك ياليبيا

الخير مازال القدام وعن نصيحتي اي حد قاعد في ليبيا اغير الساحه احسله لان اني تو عندي سنه شفنا انجوم الليل في انهار من الحكومة الخربانه

السلام عليكم 
في البدايه شكرا لكم على ردودكم على موضوعي والحقيقه انا لم اذكر الموضوع من باب ترهيب وتخويف الطلاب الجدد ولكن ليعلمو بالوضع اللي قدامهم يعني ما تفكرش ان فيه شي اسمه قرض الاستقرار بالرغم من انه موجود في موقع المكتب الكندي على الانترنت  تحت اسم 
((SETTLING-IN ALLOWANCE (SIA) او تسوية بدل البقاء في ما يعرفونه بسياسات المنحة الدراسية في ملخص لاهم السياسات والإجراءات (Scholarship Policies) ثم (Summary of Policies and Procedures) وعندهم نموذج مخصص للموضوع يعني ما جبنا شي من عندا يعني لم يتصل بيك المكتب الكندي ويقولك لمعرفة السياسات والاستحقاقات ويعطيك الرايط متعهم على الانترنت المفروض خلاص كل شي يطبق مش الميزانيه لا تكفي 
يارئيس الوزراء يا وزير التعليم العالي يا مدير ادارة البعثات ياكل من هو مسؤل عن التعامل مع المكتب الكندي المفروض انه وحتى لو كان المكتب الكندي مفروض عليكم فرض لانه فيه عقد مبرم من قبل وفيه فلوس واستحقاقات يفترض انه فيه في هالعقد اللي موجود من قبل بنود وحقوق للطلبه مش كل مره تنقص حاجه من حقوقنا والا الخلل من ............. 
لا لا اكيد الخلل من المكتب الكندي معقوله  الخلل من ........ من يقدر يصدق

الصبر وخلاص

لعند امتي هالمعاناه مش عارف

الله المستعان  حسبنا الله و نعم الوكيل