كم المبلغ ؟؟؟؟؟؟؟؟؟؟؟

السلام عليكم 
كم قيمة المبلغ الذي يفترض ان ياخذة معاه اي حد رايح لكندا يعني اقل شي
وما الرقم الذي يفترض ان يكتب في الابليكيشن للقيمة التي ستاخذها معاك سواء للموفد او للمرافقين معاك

لو متزوج تاخد اقل شي 7000$ لو عازب 5000$ حتي تكون علي علم قرض متع المنحه ما عاد يعطو فيه يعني توصل يعطوك المنحه الشهريه فقط مش معروف امته بتنزل في حسابك لو بتأجر ياخدو ثلاثة شهور مقدم للعازب اقل شي 2000$ لان الشقه صغيره هلبا وللمتزوج اقل شي حجره صاله تبي 3000$ هذا بس ايجار من غير اثاث ومصاريف ثانيه للذلك لو عندك كيف خود 10000$ حتي ما تنخنقش ونصيحتي زيد فكر في جيتك لي كندا لان الوضع متغير الفتره هذي سببها الوزارة الخربانه

السلام عليكم ,, نسأل الله لك التوفيق ,, طبعا زى ما قالك اخى يوسف تقريبا مبلغ 10 الاف معقول نوعا ما للمتزوج لان البلاد غالية ,, والايجار غالى . لهذا قد ما تقدر تجيب فلوس جيب لان مش راح تحس بأنك موفد ووراك بلاد راح تحس انك بروحك هنا ومافى حد مسئول عليك . انا ما نحبش نحيط حد ولكن هذا الواقع والحقيقة . ويا ريت تتأكدو من أسمكم وان بينزلوكم فلوس وين توصلو. لان مرات اسمك واصل والامور كلها تمام ,, ولكن هنا يقولك المكتب ما عندناش سيولة تخايلو . حسبنا الله نعم الوكيل .

للاسف كلام اخوتي ما يرضي حد ولكن للاسف ان هذا هو الواقع وخودو كل كلمة كتبت من الاخوين يوسف واسامة بعين الاعتبار 1000 دولار اهني تمشي زاي شربة المية

السلام عليكم 
كلام الاخوه اللي سبقوني لا غبار عليه ، ولكن للعلم افتح حساب في بنك الامان في ليبيا ويفضل يكون مشترك بينك وبين حد ثتق به وتودع فيه المبلغ اللي تبيه وتقدر تسحب بالفيزه متع مصرف الامان من كندا او اي دوله اخرى مش ضروري مصرف الامان لكن انا اتحدث عن تجربتي تقريبا حتى التجاره والتنميه عندهم نفس المعامله ، ويمكن ان يقوم اي حد بايدع فلوس في حسابك فليبيا وتسحبهم في كندا 
العمليه هذه ساهله واضمن ومن ناحيه اخرى اكثر امان من انك ترفع مبلغ كبير هي بطاقه والسلام ، لكن بها عيب انها قد تكون مكلف اكثر من انك ترفع كاش فرق العمله والايداع والسحب مع اختلاف العملات قد يكون اكثر تكلفه انت زيد اسال في المصرف ممكن ما يكونش الفرق كبير او انه لا يكون هناك فرق وان شاء الله يوصلك طيب وموفق ان شاء الله ايامتك خير من ايامنا

موفقين جميعا 
المال لى نرفع معى على شكل عملة الورقية الدرولار كندى ام الامريكى ؟ وين نصرف الدولار فى ليبيا ؟
ومشكلة بطافة لو نفتح رقم حساب فى مصرف امان او التجارة لان اغلب بطاقات لائتمان الليبية لا تشتغلن فى كندا وهذى مشكلة الاخرى 
وشكرا لكم

اكيد الدولار الامريكي

بالنسبه ليا ارفعت امريكي وصرفت في كندا رد بالك لم تصرف في كندا حاول قدر المستطاع ما تصرفش مبلغ كبير في المطار مئه او مئتين دولار لانهم في العادة بيستغلوك ورح يكون سعر صرف الدولار الامريكي اقل من الكندي فيه مكاتب تصريف عمله برا احسن من اللي في المطار اسأل اي حد موجود في المدينه اللي ماشي لها عن اماكنهم (تأكد من سعر الصرف في الانترنت ) تقدر تصرف من ليبيا من المصرف لو عندك واسطه او من السوق السوده سوق الظهره او سوق الذهب لو كنت في طرابلس ، اما بالنسبه لبطاقة الائتنمان لمصرف الامان تشتغل في كندا اكيد وزيد اتاكد من ذلك في مصرف الامان

السلام عليكم :

عندي استفسار بالنسبة لناس اللي مشيت حاليا لكندا و لم يتم صرف المنحة الشهرية لهم 

هل لم تتاكدوا بان اسماءكم في كشوفات الورارة او راجعتم المكتب الكندي؟

السلام عليكم 
عندى استفسار 
هل منحة الاستقرار مازلت مقفلة للطلبة الجدد ؟