التفويض رقم 17 لسنة 2013.

السلام عليكم،،
 الاخوة الطلبة الموفدين الكرام والمعنيين بتفويض رقم 17 ياريت لو حد عنده معلومة عن التفويض ينزلها لتعم الفائدة وللتسهيل على الطلبة الحصول على المعلومة خصوصا طلبة الجامعات البعيدة من طرابلس ، جامعة بنغازي ، وسبها ، وعمر المختار .....الخ. 
وشكـــــــــرا

طبعا المعلومة اللي عندي انه صدر من مدة تقريبا قبل العيد ، وحاليا في التعليم العالي ، ممكن يوصل الخزانة مع نهاية الاسبوع او الاسبوع القادم ان شاء الله ... مصدر المعلومة موظف الخزانة العامة اليوم.

اليوم اكد لي موظف في ادارة البعتات تحويل التفويض الى الوزارة لكن موظفو الوزارة ( طنشو وقالوا ماجانا شي ) ولما عدت الى البعتات حلف لي نفس الموظف انه في بريدهم .
  الاخوة والاخوات ممن فوضوا لماليزيا كيف داروا في المدة الممنوحة من السفارة ( شهرين ) هل تكفي لاتمام الاجراءات ربي يستر

السلام عليكم...
اناايضا في نفس التفويض وقال مندوب جامعه سبها انه تحول من الوزاره وممكن حاليا في الخزانه او قريب يتحول وياريت لو في جديد تبلغونا

انا اليوم مشيت للخزانة قالوا مزال ماوصلش تفويض17 فيه تفويض 16 بس

شباب نبى اتساعدونى نبى الدعم المالى لغرض القبول للكليات التقنيه

اليوم مشينا للخزانة لم يصل التفويض 17 بعد

السؤال هل توقع في الوزارة ؟

أنا كنت في التعليم العالي قالوا كيف واصل امس تقريبا ، يبي عشرة ايام ويتحول للخزانة ان شاء الله

أنا سمعت ومن مندوب الجامعة الذي تاكد من بعض الاسماء لنا انه تم من البعثات والان اما فى الخزانه او فى طريفه ليها ... ارجو تتبع الاخبار وماهي الخطوات وماذ نفعل فى هذه المراحلة .. ارجوء من الجيمع تتبع الاخبار حتي نتبدلها ..

أخي أحمد بارك الله فيك،،
اليوم لما مشيت للتعليم العالي المسؤول قاللي انه كيف وصل امس "الاثنين" يبي عشرة ايام ويتحول للخزانة واظهرلي نسخة منه وكانت اصلية ، يعني تقريبا هذا الكلام الرسمي والله واعلم ، والباقي مجرد توقعات لان حتى انا قاللي المندوب انه تقريبا في الخزانة!!!
وان شاء الله يتحول للحزانة في اقرب وقت ،،، ادعوا ربي يسهل.

هل توجد اخبار عن التفويض 17 ؟

ان شاء الله ربي يسهللكم اموركم كلها

يعني المفروض التفويض واصل للخزانه أنا امس كنت فيها 25\8\2013وقالي ماوصلناش معقوله ياخد أكتر من 10 أيام

اطول تفويض في التاريخ أنا قدمت ملفي من قبل العيد ولتوا ما استلمت شي
ان شاء الله مابعد الصبر الا الفرج......

Mera AsAs كتب:

اطول تفويض في التاريخ أنا قدمت ملفي من قبل العيد ولتوا ما استلمت شي
ان شاء الله مابعد الصبر الا الفرج......

انا قدمت ملفي يوم 5-7 للمندوب وخديت الورقة من الخزانة يوم 14-8 والحمد لله حتى التداكر طلعولي انت مادام قدمتي قبل العيد وسعي بالك شوي ان شاء الله خير العرقلة في الوزارة مجرد ما يوصل للخزانة تالت يوم تاهدي برقية وترفعيها للبعتات
موفقين ان شاء الله

اليوم كنت في التعليم العالي وقالوا تحول للخزانة امس والله اعلم

بارك الله فيك اخي احمد

نازلات قوائم التفويض

السلام عليكم
الحمد لله الذي بنعمته تتم الصالحات ،،
رسائل الخزانة جاهزات وعلى الطلبة المعنيين التوجه للخزانة العامة لاستلام رسائلهم ، انا اليوم استلمت رسالتي
بالتوفيق للجميع،،،

Ahmed Salama كتب:

السلام عليكم
الحمد لله الذي بنعمته تتم الصالحات ،،
رسائل الخزانة جاهزات وعلى الطلبة المعنيين التوجه للخزانة العامة لاستلام رسائلهم ، انا اليوم استلمت رسالتي
بالتوفيق للجميع،،،

ألف ألف مبروك خوي أحمد

السلام عليكم...بعد ما ناخذ ورقة الخزانة لمن نمشي في البعثات...وكيف صار في التذاكر مع ت17 ...بارك الله فيكم

تمشي طــــــــــــــــــــــــــول تلقى مكتب على ايدك اليمين فيه شباك هذاك هو المكان
التذاكر في خبر من احد الاصدقاء قال معلقات والله اعلم!!

بالله لو حد مشى للبعثات يسال على التذاكر