جديد إدارة البعتاث اليوم؟

انشالله اول مانستلم رسالتى من الخزانة..حنمشى للوزارة..ونفهم منهم علاش مايبعتوش فى قوائم التفويضات اول بى اول...وياريت اى شخص يطلعه التفويض من الخزانه يمشى للوزارة..
لان لما تكثر عليهم الاستفسارات..حيعجلو بالقوائم..واى موفد ايسافر وهو مستريحه وعارف انه اسمه متحول الى cbie

الاستفسار في الدور الثاني في ادارة البعثات عند مشرف الساحه الكنديه وان شاء الله خير

حسب كلامهم ان الاسماء متاع التفويضات لازم يدخلوهم للمنظومة الخاصة بالمكتب الكندي وتعرف الليبين تقوللهم حاجة بالكمبيوتر  معاش يعرفوا كيف يخشوا فيها لذلك يحصل التاخير

اخي عبدو أنا اسمي في التفويض 15

ممكن يا شباب تصورولنا تفويض تذاكر 15 و 16 بارك الله فيكم

سألت الموظف الخاص بالمنظومة وأخبرني أن التفويض 15 و 16 سوف يتم ارسال القوائم الخاصة بهم خلال مدة شهر، أي مع بداية أكتوبر. يعني اللي بسافر ارتب اموره بيش مايتفاجئش ويرفع معه فلوس بزايد والله المستعان.

سلام عليكم
هل ضروري الحضور الشخصي لاستلام الابراق من الخزانه او بالامكان ارسال شخص لاستلمها واعطائها لادارة البعثات

وعليكم السلام 
عادى مفيش اى مشكلة اي حد يستلمه
بالتوفيق

شباب وينكم ,,, معاش في جديد مافيش حد مشي للبعتات؟؟؟
عندي استفسار لمن انسلمه ملف التفويض؟ وكيف نعرف رقم تفويضي؟؟

البعثات الاسبوع الماضى اغلب الاحوال الضى مقطوع 
وان شاء الله خير الاسبوع هضا
وبالنسبة للتفويض اتقدمه فى الادارة امتع البعثات فى مكتب التفويضات ولما تعطيه تسالهم انت باى تفويض رح اتكون

وادا كنت تتبع مندوب اتسلمه لمندوبك وبعد فترة راجع البعثات باش تعرف انت باى تفويض

راجية رحمة ربى كتب:

البعثات الاسبوع الماضى اغلب الاحوال الضى مقطوع 
وان شاء الله خير الاسبوع هضا
وبالنسبة للتفويض اتقدمه فى الادارة امتع البعثات فى مكتب التفويضات ولما تعطيه تسالهم انت باى تفويض رح اتكون

وادا كنت تتبع مندوب اتسلمه لمندوبك وبعد فترة راجع البعثات باش تعرف انت باى تفويض

اولا شكرا على الرد أأختى الفاضلة
يا ختى انى مش عارف وين مكتب التفويضات في اى شباك بالزبط؟؟؟

السلام عليكم
أنا من المنطقة الشرقية وقدمت ملفي إلي المندوب منذو 28-7-2013  وأريد الأستفسار عن التفويض المالي والمندوب هاتفه مغلق وسمعت عن صدورقرار تفويض مالي رقم 18و19 هل من أحد لدية قائمة لهذان القراران حتى نتمكن من معرفة أسماءنا هل هي مدرجة  أو لا

ياجماعة عندي صديق ليا يقرئ جنبي في كندا سمه ماوصلش بعتهلم اميل قالهم انا جيت ونبي نعرف شن الاجراءات قالوله اسمك ماوصلش لاكن ابعتل لنا صورة التاشيرة وختم الدخول وتصريح الدراسه وان شاء الله يكون ردهم خير

اليوم مشيت للبعثاث ولا جديد ..قرار تمديد الدرجة مازال ماتوقعش   كل يوم يتوقع قرار جديد الا القرار هذا مش محطوط فى جدول الاعمال بكل و الدراسة تبدا فى 16 سبتمبر مش عارفة الموضوع حيصير منه ولا لا .. حسبي الله ونعم الوكيل والحمد لله

ربي ييسر أختي الواتقــة

الواثقة بالله كتب:

اليوم مشيت للبعثاث ولا جديد ..قرار تمديد الدرجة مازال ماتوقعش   كل يوم يتوقع قرار جديد الا القرار هذا مش محطوط فى جدول الاعمال بكل و الدراسة تبدا فى 16 سبتمبر مش عارفة الموضوع حيصير منه ولا لا .. حسبي الله ونعم الوكيل والحمد لله

إن شـاء الله ربي يسخرلك

سالم سلامه كتب:

السلام عليكم
أنا من المنطقة الشرقية وقدمت ملفي إلي المندوب منذو 28-7-2013  وأريد الأستفسار عن التفويض المالي والمندوب هاتفه مغلق وسمعت عن صدورقرار تفويض مالي رقم 18و19 هل من أحد لدية قائمة لهذان القراران حتى نتمكن من معرفة أسماءنا هل هي مدرجة  أو لا

اختاه التفويضات وصلت لل17 لهذا اليوم و18 و19 مازالن

شباب هل من جديد يدكر في هده الفترة؟؟؟

هل من جديد على أخبار التداكر للتفويض 17

امس كنت في البعثات.. اخبارها كالاتي
المنظومه امتعهم كانت واقفه ليها اسبوع تقريبا يعني بعد ما انحلت مشكلة الضي وشروا ومولد وقفت المنظومه اسبوع... لكن امس ولت تخدم
يعني اللي عنده اجراء يقدر يمشي ويراجع توا
التفويضات ما سالتش عليهم لكن لو مشيت غدوه انشالله نستفسر واردلكم خبر
وربي يعاون الجميع

اسال الله التوفيق للجميع وان ييسر لكم اموركم إن شـاء الله

على الدين الديب كتب:

امس كنت في البعثات.. اخبارها كالاتي
المنظومه امتعهم كانت واقفه ليها اسبوع تقريبا يعني بعد ما انحلت مشكلة الضي وشروا ومولد وقفت المنظومه اسبوع... لكن امس ولت تخدم
يعني اللي عنده اجراء يقدر يمشي ويراجع توا
التفويضات ما سالتش عليهم لكن لو مشيت غدوه انشالله نستفسر واردلكم خبر
وربي يعاون الجميع

منظومة شن بالزبط

اني تفويض 20 وسافرت شكله بداية التنقيذ في شهر 9 الجاي يستر الله

المنظومه الخاصه بالمعلومات والسي في امتع الطلبه في كمبيوتراتهم يا نااجي.

شباب ما أخر جديد البعتاث لهدا الأسبوع لو في حد مشي يفيدنا