تجميد قرار الايفاد

السلام عليكم ورحمه الله و بركاته
لو سمحتوا نبي نطلب منكم المشورة
أنا طالبة دراسات داخل ليبيا ومازال تقريبا فصلين دراسيين علشان انكمل أن شاءالله،
والآن جاني ايفاد للماجستير .
وأنا ارغب أن اكمل الماجستير فى ليبيا و ثم استفيد من الايفاد فى تحضير الدكتوراة،
فماذا افعل هل ابدء فى الاجراءات حتى اتحصل على تفويض المالي أم اقدم طلب تجميد القرار من البداية؟
أو اذا وجد إجراء افضل اقوم بيه

افيدوني وفقكم الله


ســـــــامحوني على الاطالة

elrayhana كتب:

السلام عليكم ورحمه الله و بركاته
لو سمحتوا نبي نطلب منكم المشورة
أنا طالبة دراسات داخل ليبيا ومازال تقريبا فصلين دراسيين علشان انكمل أن شاءالله،
والآن جاني ايفاد للماجستير .
وأنا ارغب أن اكمل الماجستير فى ليبيا و ثم استفيد من الايفاد فى تحضير الدكتوراة،
فماذا افعل هل ابدء فى الاجراءات حتى اتحصل على تفويض المالي أم اقدم طلب تجميد القرار من البداية؟
أو اذا وجد إجراء افضل اقوم بيه

افيدوني وفقكم الله


ســـــــامحوني على الاطالة

السلام عليكم اختي وبالتوفيق بالنسبة للموضوعك تقدري تراجعي عليه البعثات والمعلومة اللي عندي تقدري تجمدي قرارك للاستفادة منه فيما بعد المهم ان لا يكون ضد لائحة البعثات من ناحية العمر وانصحك ان تقري لائحة البعثات حتى تعرفي شني لك وشن عليك
وان شاء الله ربي يوفقك في الدكتورة

وعليكم السلام
شكرا” وبارك الله فيك أخى mmss
معلش وين موجودة اللائحة لو سمحتو

لائحة الايفاد هنا 

                       http://www.licu.org.au/pdf/2005.pdf

السلام عليكم

لو مثلا جيتي في النهاية وقررتي تطلعي تقري ماجستير فنقترح عليك توقفي قيدك في الماجستير اللي تقري فيه توة ، والماجستير اللي طالعتيله تاخديه في تخصص تاني غير اللي قريتيه

لنفرض مثلا انتي حاليا تقري في ماجستير كمبيوتر تخصص كدا

لما تطلعي برة أقري ماجستير في تخصص ثاني ، مثلا في الاتصالات او شبكات أو حتي ادارة هندسية

ولما تروحي ان شاء الله كملي الماجستير اللي بديتي فيه

وبالتالي يبدو عندك زوز شهادات

ماجستير في الكمبيوتر

وماجستير في الادارة الهندسية مثلا

وبالتالي حتنفتحلك أفاق جديدة والسي في متاعك يبدأ مليح

يعني في النهاية مش حيضيع شيء ان شاء الله

وموفقة