افيدوني جزاكم الله خير :)

السلام عليكم كيف حالكم خوتي انش الله بخير . بالله لو سمحتوا نبيكم اتفيدوني بكليات هندسة الطيارن في كندا ماهي افضل اكادميه او اللي يعرف لينك يدلني  ياريت اتساعدوني انا مش عارفه كيف نبدا السيرش امتاعي . وبحكم معيشتكم غادي شنو احسن مدينه للمعيشه في كندا من ناحية السكن الاسعار جزاكم الله خيلر وشكرا مقدما

السلام عليكم اختي
الحقيقة ما عنديش فكرة واضحة عن الجامعات اللي فيها تخصصك بس تقدري تبدي البحث من موقع الجامعات الكندية و الرابط تحت ان شاء الله يفيدك كنقطة بداية على الأقل..اغلب مدن كندا حلوة وفيها مسلمين و عرب و ليبيين ومعظمها امنة و ربي يدومها نعمة و يرزق ليبيا الأمان .يعني مافيش مدينة تقدري تقولي الأحسن الشيء الوحيد اللي يهمك هو القبول الأكاديمي وين ماحصلتيه بتكون المدينة اللي فيها جامعتك احسن مدينة ليك ..بالتوفيق
http://www.aucc.ca/canadian-universities/study-programs/

شكرا واجد واجد علي اهتمامك وجزاك الله خير ربي ايوفقنا اجمعين