كل من سافر عبر الخطوط الالمانية لوفتهاتزا

السلام عليكم بالله عليكم اللي سافر عبر الخطوط الالمانية يحكيلنا تجربته وشن ينصح اللي بسافرو عبر هده الخطوط نصائح مهمة لان بادن الله حنسافر عليها يوم 10-9 ارجو الرد

نفس الخط يا زطريني بالتوفيق

اخي الكريم انا سبق وان سافرت عبرها الى نيويورك خطوط ممتازة ومريحة تقدم اسرة خاصة بالاطفال الرضع اللي مايقعمزوش علي مقاعد الطيارة العاب للاطفال رمزية واكل خاص للاطفال الصغار وبالتاكيد الطائرة مريحة لانها ايرباص ناهيك عن العصائروالمشروبات في كل وقت
المهم في الموضوع انك تحاول ماقعدش في المطار ترانزيت اوفرنايت لان ساعتها بتبات ع الكراسي الا اذا حجزت مسبقا غرفة في فندق المطار مع العلم بل سنتين كان مقفل الان الله اعلم خش علي موقع المطر وتاكد

Adel2013 كتب:

اخي الكريم انا سبق وان سافرت عبرها الى نيويورك خطوط ممتازة ومريحة تقدم اسرة خاصة بالاطفال الرضع اللي مايقعمزوش علي مقاعد الطيارة العاب للاطفال رمزية واكل خاص للاطفال الصغار وبالتاكيد الطائرة مريحة لانها ايرباص ناهيك عن العصائروالمشروبات في كل وقت
المهم في الموضوع انك تحاول ماقعدش في المطار ترانزيت اوفرنايت لان ساعتها بتبات ع الكراسي الا اذا حجزت مسبقا غرفة في فندق المطار مع العلم بل سنتين كان مقفل الان الله اعلم خش علي موقع المطر وتاكد

بارك الله فيك خوي عادل
بالنسبة للرحلة متي ان شاء الله يوم 10-9 حتكون من طرابلس -فرانكفورت-لندن-هاليفكس
الحق انا خايف من الترانزيت في فرانكفورت الفرق ساعة ونص بس يعني لما نوصل لمطار فرانكفورت لازم نكمل الاجراءات في ساعة ونصف بس خايف لا قدر الله تتاخر الطائرة في الافلاع من طرابلس ويفوتني موعد الرحلة للندن كان هدا بنقعد ليلة في المطار
فهل في العادة خطوط اللوفتهانزا تتاخر ام لا ؟

بالله شنو الاشياء الممنوعة اللي الواحد ما يقدرش يرفعها معاه لكندا

أنا عندي تجربة سيئة مع اللفتهانزا ، عند تعليق رحلاتها لليبيا قبل شهور وزعوني عندما اردت العودة ولما درت ضجة غيرولي على النمساوية وبالامانة كانت الرحلة مريحة . الخدمات جيدة . بالتوفيق

السلام عليكم

نصيحة لليبيين السفر علي الخطوط التركية لاسباب عدة اولا الاكل اسلامي و هذا يكفي ثانيا رحلات يوميا من والي امريكا و ليبيا ثالثا لا تحتاج الي تاشيره للدخول الى تركيا... الله يوفق الجميع

المهندس 2010 كتب:

أني سافرت على الخطوط الألمانية وكانت رائعة بكل معني الكلمة ..
العيب الوحيد في الترانزيت كان طويل تقريبا 19 ساعة وما كانش فيه فندق في المطار ..

بالنسبة ليك خوي ساعة ونص ترانزيت تعتبر إلي حد ما شوي لأن المطار كبير وح تاحذ وقت باش تلقى البوابة متاعك .. لكن نصيحتي ليك أنك أول ما تنزل للمطار أسأل وما تتأخرش ..
بالتوفيق

الله يرحم والديك خوي المهندس على نصيحتك وربي يوفقك ان شاء الله والله حتى انا خايف منها الناحية هده خصوصا لو الطائرة تاخرت في الطلوع من ليبيا يعني حيفوت عليا الترنزيت وبنقعد ليلة في المطار من غير فندق

خطوط رائعة سافرت على متنها للصين مرتين في سنة 1997 أكيد توا أفضل بهلبة ، والأخ المسئول عن المحطة في طرابلس شخص رائع جدا كان زميلي في الدراسة الأخ أسامة بركات له تحياتي بالمناسبة ؟