التأمين الصحي للموفد!!

يغطي كل شى العلاج  و الصيدلية الادوية الي بي الرشتة بالوصف الطبية و يوجد تأمين على الاسنان ايضا يعنى كل شئ حسب علمى بس توجد مشكلة يعنى انت اتخلص من جيبك و ترسل فاوتير الى شركة التأمين الصحى اسمها المانوليف وهم يردون الاموال الى صرفتها  وحد يقولي علاش تدفع انت بعدين يردو ماهو هنا فى الى ما يبيش يقعد يجري فى جرت الفلوس و فى جرة الشركة التأمين بس فى حالات والولادة وعيرهاالمستشفى  ياخد فى التأمين عادى وفى دكاترة يتعاملو مع الشاركة المانوليف التأمين الصحى  المهم ما تخافش عادي انا لما جيت هنا صار فيا هلبة كنت ما نعرف شئ بس ربك يسهل و الحمد لله

السلام عليكم  سمعت ان هناك تامين الولاية التي تعيش فيه وتامين الشركة المسئولة علي الطلبة اليبيين
نامل توضيح الفرق من حيث ما الذي يغطيه كل تامين

السلام عليكم ,, حسب تجربتى الشخصية ما يغطى شى ,, ليا شهرين مقدم على البطاقات  ما استلمت شى ,, ارسلت فواتير ليهم شهر ونص ما ردو شى ,,!! 
طبعا ما لقيتش ولا عيادة تتعامل  مع هالشركة 10 عيادات رفضو التعامل  والمستشفى ما باش يشوف حتى الاوراق . 
صديق ليه 3 شهوروشوية  كيف وصوله البطاقات .
مع احترامى لتجارب البعض ممكن فيه اللى يغطوله الله اعلم ,, بس اللى جربته تمشى متلا تعاين وتدفع فلوس الله اعلم كم ,, وبعدين على اساس يردولك ,, ومش معروف امتى ؟
ما فهمتش تأمين شنى اللى مدايرونهولنا . 
بكل امانة وصدق
والله على ما اقول شهيد

[rtl]السلام عليكم جميعا..[/rtl]
[rtl]بخصوص شركة التأمين ( مانولايف) تعاملي معاهم كان جيد لحد الآن يعني البطاقات وصلوني بعد وصلنا لكندا بشهر تقريبا و المستشفى في مدينتي يقبلو في البطاقة و الحمد لله و بعض الدكاترة بس نسبة كبيرة ما تقبلش يخلوك تدفع قبل و بعدين الشركة تردلك اللي دفعت .. طبعا الشركة ملزمة تردلك كل اللي دفعته الا اذا كان شيء تجميلي مثلا او دواء بدون وصفة طبية و الباقي يرجعوا فيه كله... التأمين يغطي كل شيء زي التحاليل و العلاج  وصور الاشعة و تكاليف المستشفى لحد مليون دولار للشخص في كل سنة و الاسنان لحد 2500 دولار في السنة و النظارات الطبية بقيمة 250 دولار في السنة و الكلام هذا تلقوه موجود في كتاب شركة التأمين اللي يرسله المكتب للطلبة الجدد في كندا...[/rtl]
[rtl]اذا شخص تجاوز هالارقام المحددة لكل سنة يدفع من جيبه و الشركة ما تعوضاش بس لما تبدأ سنة جديدة كل شيء يبدأ من الصفر..[/rtl]
[rtl]المهم في مقاطعات تعطي في الطلبة بطاقات تأمين زي مقاطعة البيرتا و بريتش كولومبيا و تقريبا الحاجات اللي تغطيها نفسها الفرق الوحيد أن بطاقة المقاطعة مقبولة في كل مكان مش زي بطاقة المانولايف و ايضا في مقاطعات ما تعطيش الطلبة في بطاقات تأمين زي اونتاريو اللي فيها معظم الطلبة الليبيين..[/rtl]
[rtl]خوي اسامة ممكن انت ملفك مش مفعل هذا علاش التأمين عندك فيه مشاكل و بخصوص فواتيرك من حقك يعوضوك و تقدر تتصل بالشركة او ترسلهم رسالة بأنهم ما عوضوك في فواتيرك و راح يتجاوبو طول ان شاء الله و ربي يسخرلك ..[/rtl]

وعليكم السلام يا باش مهندسة ,, ما فهمتش علاش غير انا متلا مدايرنى فى راسهم والا كيف ,, يعنى منين وصلت لكندا من 3 شهور تقريبا لتوا ما استفدتش شى من التأمين ,, بجديات بديت نحس يا اما انا منحوس او فى حد موصى عليا ههههه . 
والله عينى جاها جليجلو بنعاين ما حصلت من يعترف بالاوراق اللى عطوهملى لين عاينت على حسابى وشريت الدواء . وتوا بنبعت الفواتير رغم انى متأكد انهم مش راح يردو شى زى المرة اللى فاتت غير اهو مصاريف بريد وخلاص . اقوى لقطة وين تتصل بيهم يدو معاك ساعة وبعدين يقولولك ما وصلنا شى عاود ارسلهم مرة تانية .  حسبى الله نعم الوكيل , وان شاء الله ديما مفتوحة قدامكم .

باهي اللي حالته تستدعي عملية او علاج غالي كيف يدير

تجربى بخصوص التامين الصحى فى مدينة فانكوفر سنة 2010
انى عندى تامين Bupa
فى كندا طبعا مايعترفوش به بكل...لكن الشركة ممتاز ...يعنى لما تعالج..تبعت الفواتير على ايميل الشركة وهما يبعتولى شيك على البريد..نستلمه ونحطه فى حسابى...وتمشى الامور 
على فكرة..القبول الاكاديمى متعى.. من ضمن الرسوم الدراسة 635 دولار كندى ودلك  للحصول على التامين الصحى uhip الكندى
فانحول انكلم cbie يدفعو الرسوم لان تامين الكندى ماشى حاله فى جميع المستشفيات احسن من تامين الشركات الاخرى