اخلاء الطرف من العمل

السلام عليكم  صديقتى جاتها التاشيرة بس هى من الاوائل وتعمل فى عمل خاص  ولما دارت ملف التفويض طلبوا منها اخلاء طرف من العمل لما قالتلهم ان عملها خاص ما تخدم فى الدولة قالولها ايسببلها عرقلة فى ملف التفويض يلى عنده اين مساعدة او راى ما يبخل علينا

السلام عليكم
اعتقد انه تجيب رسالة من القوي العاملة انها لا تعمل ( بمعني بطاقة البحث عن عمل )
او تنسق مع جهة عملها الخاصة يمنحوها رسالة اخلاء طرف (  المهم الفكرة هههه)

شكرا على الرد

نعم الحلول نفس اللي طرحها اخي السابق ......... القوى العاملة هي الحل رسالة منهم تفيد بانك ماتعمليش
بالتوفيق

في حل اخر ممكن تقدم استقالتها من العمل لانهم في العالم اللي سابقنا في الدنيا ما عندهمش فرق في الاجراءت الاداريه والقانون الاداري بين القطاع العام والخاص واقتصادهم بل اقتصاد العالم اساسا يقوم علي شركاتهم الخاصه بمعني لو تقدري اديري استقاله مثلا بتاريخ جديد من عملك الخاص واترجميها وتعطيهالهم علي اساس ان انت تبي تتفرغي للدراسه ونا يقدروش يردوها عليك مادام صادره من شركه والا علي راي بو شفشوفه (تشاركيه) .
وربي يسهلك امرك

انا نفس القصة بالزبط...
مندوب الجامعه طلب ورقة من القوى العاملة تفيد باني لا اعمل في الدولة...والمفروض انها تحل محل ورقة اخلاء الطرف.....وان شاء الله ربي يستر

السلام عليكم
بالله ممكن احد من الاخوه يفيدنا بصيغه التعهد من العمل وكيفبه صياغه هده الرساله ولكم جزيل الشكر