[rtl]السلام عليكم جميعا[/rtl]
[rtl]الله يبارك فيك يا اختي و في كل الأعضاء الحق الكل متعاون[/rtl]
[rtl]بخصوص الدفع للتأشيرة الكندية لازم بطاقة فيزا او ماستر كارد او حتى بطاقة حساب كندي داخل كندا يعني لو تعرفي حد في كندا خليه يدفع عنك و ابعتيله الفلوس ..[/rtl]
[rtl]عموما موظفي موقع الهجرة و الجوازات الكندية عندهم اضراب مأثر علينا هلبه يعني اني مقدمة على تجديد لتصريح الدراسة قريب ليه ثلاثة شهور و مازال قالولي بتراجي يعني انتي قبل ما تقدمي اونلاين شوفي الطلبة اللي قدموا من ليبيا شن صار فيهم و ربي يسخرلك..[/rtl]
[rtl]سؤالك عن المدن الكندية صعب شوية بس نحب نطمنك ان صح كندا صقع و ثلج بس بمجرد ما تشري جاكيت الثلج خلاص الوضع يكون عادي جدا و المباني كلها تدفئة مركزية يعني نلبسو في ملابس الصيف ما تفكريش في الصقع بكل بس عموما وسط اونتاريو دافئ زي تورنتو و هاملتون و اكثر مدينة دافية حسب ما نسمع ڤانكوڤر في برتش كولومبيا بس نسمع انها غالية [/rtl]
[rtl]كندا عموما غالية بس تبي حد ذكي يعرف امتى يشري لأنهم ايديرو في تخفيضات الحق و لازم تستغليهم باش توفري بس عموما المدن الكبيرة زي تورنتو و مونتريال و فانكوفر اغلى من غيرها [/rtl]
[rtl]بخصوص القبول تحصلي ان شاء الله بس أهم شيء تحصلي مشرف قبل و لو حصلتيه القبول ساهل بعدين بعون الله [/rtl]
[rtl]بالتوفيق [/rtl]
