sande كتب: النحو الليبي كبير فمثلا
السين و " سوف " من علامات الاستقبال ، تدخل على فعل المضارع فقط و تدل على حدوث الفعل في المستقبل
عندنا في الشرق اضفنا علامة اخره من علامات الاستقبال وهي
سع
فمثلا بدل ما تقول سوف اقرا ها
سع نقراها
سع ناخذه
والكثير الكثير من علوم النحو تأتي من ليبيا
سع قريتها وقلت خن نعلق
اكيد اخت ساندى الانتاج الليبي للحروف والكلمات مع المركبات الجديدة لها شئ مميز عن غيره من الاقطار.
lobna basher كتب: هههههههههههه صار يلي ماجاش ليبي فاته الجو ...
اكيد اخت لبنى وخن انزيدك حتى الجو كان ماجاش لليبيا راهو فاته الجو.*_^
boheda88 كتب: بارك الله فيك على الطرفة اخي الكريم
وفيكم بارك الله.
بسمة امل كتب: زعمك من هو سيبويه النحو الليبي !!!!؟؟؟؟ هههههه
مبدعين الليبين
كيف معقولة يا اخت بسمة ما تعرفيه من هو لتو؟
زعميتنى نعرفه انى! خن اندير روحى نعرفه وخلاص!
حلا مقتدي كتب: شكرا خوي انت لفت نظرنا لحرف جر فعلا لما يسمعوه العرب الاخرين يستغربوا
والاخت بسمة كملت بكلمة مليحة بكل............... بكل بكل وهي( زعمك ) شن معناها؟؟؟؟؟؟؟؟؟؟؟؟؟؟؟؟؟؟؟؟؟
حتى انت اخت حلا يقربلك خونا سيباويه والحرف الجديد متع "بكل بكل" مش عادى بكل بكل.
الوحيشي كتب: كنت أظن ،، وأستعملهـــا هكذا خل خلي نقرا ،،، ولم أعرف أنهـــا بالنون ،،
ما أجهلني بلغة قومي
نعم اخى الوحيشى هى تستعمل خلى فى غالب مناطق ليبيا على ما اظن ولكن هناك مناطق تستعمل "خن" ولهذا ما فيش حل خن نسايروهم .
بسمة امل كتب: هههههه اختي حلا
بالنسبه لزعمك معناها التساؤل ياتري
وممكن تجي زعميتك يعني يتظاهر
خوي الوحيشي انا عن نفسي نفسك بالضبط خل وخلي مش خن مش عارفه بلكي عندنا في الشرق تنطق هكي
ما شاء الله اختى بسمة مع كل مشاركة حرف جديد *-^ الباين انك من اقارب سيباويه من الدرجة الاولى.
"هكى" زعما نقلتيها والا هكى جت بروحها؟
*_^!
_______________________________اللهم اشغل قلوبنا بحبك ، وألسنتنا بذكرك ، وأبداننا بطاعتك ، وعقولنا بالتفكر في خلقك والتفقه في دينك.
علِم وَلدكَ القُرآنْ ، وَالقُرآنْ سَيعلِّمهُ كُل شَيء
قالوا: مسكين من لا يعرف الانجليزية.. قد يواجه صعوبة في فهم كلام الناس
فرد قائلا: مسكين من لا يعرف العربية.. قد يواجه صعوبة في فهم كلام رب الناس
