السلام عليكم ,, والله يا اختى معهد الجلوبال فيلج مش مليح راك تسجلى فيه حسب تجربتى الشخصية ,, الايلاك يشكرو فيه الجماعة ,, جامعة تورنتو من الاخير قاعات واسعة وامكانيات .
بالنسبة للأيجار غالى فى الداون تاون ,, حاولى تشوفى ايجار بعيد شوية على مركز المدينة متلا : مين ستريت او فكتوريا بارك ( على الخط الاخضر فى القطار ) عشرة دقائق وتوصلى لوجهتك . والايجار تحصلى 1100 متلا او 1000 فى هذا الرينج .
شوفى موقع كاجيجى كويس
http://toronto.kijiji.ca/
او فى الاسواق متل الفود باسيك تلقى مجلات فرى على الايجار او ما تخشى للسوق تلقيهم على اليمين فى صناديق Rent ,, فى المحطات ايضا تلقى مجلات محطوطات فى صناديق مكتوب عليهم ( تيك ون فرى ) بحدى دكاكين اللى يبيعو فى اليناصيب اول ما تركبى من الصابوى لمحطة الباصات ,, يعنى خودى وحدة ببلاش فيهم شقق وايجارات والاماكان .
وربى يوفقك ان شاء الله .
