استفسارات بخصوص جواز السفر

السلام عليكم. هل تجديد الجواز الاخضر مقبول عند الانجليز لاني سمعت انه غير معتد به عندهم بعد شهر 7؟

ALMOFADGB كتب:

السلام عليكم. هل تجديد الجواز الاخضر مقبول عند الانجليز لاني سمعت انه غير معتد به عندهم بعد شهر 7؟

وعليكم السلام

إذا كان تاريخ التجديد قبل 1-1-2014 مقبول وإذا بعدها احتمال كبير يرفض

استفسار بخصوص جواز السفر رسالة الدعم المالي لغرض التاشيرا اللي عندي 11 شهر وجوازي مزال فيه 7 شهور وتنتهي الصلاحية هل هدا يسبب مشكلة ولا عادي او نقدم علي جواز جديد احسن ورسالة جديدة

هل استخدام جواز السفر الجديد ( لليبيين ) شرط للتأشيرة البريطاانية ام يمكن تقديم الجواز القديم ( الاخضر ) ما دام ساري الصلاحية ؟

Abu Mohamed
بارك الله فيك اخي ابو محمد وجزاك الله خيرا

السلام عليكم:
انا قدمت علي التاشيرة البريطانية لكن جوازي الاخضر مجدد يوم 17-1-2014 هل هدا يعني ان احتمال الرفض كبير؟
مع العلم اني حاولت نقدم علي جواز الكتروني لكن رفضو بحجة انه مازال يمكن تجديد الجواز الاخضر لمدة 4 سنين قادمات و لا يحق لي جواز سفر جديد
ارجو الافادة

raouf taher كتب:

استفسار بخصوص جواز السفر رسالة الدعم المالي لغرض التاشيرا اللي عندي 11 شهر وجوازي مزال فيه 7 شهور وتنتهي الصلاحية هل هدا يسبب مشكلة ولا عادي او نقدم علي جواز جديد احسن ورسالة جديدة

مافيش مشكلة تقدر تقدم عادي على التاشيرة ولكن لو فيه إمكانية تحصل جواز جديد بسرعة يكون أفضل لأن من بريطانيا مايجددولك إلا لسنة بشرط يكون تاريخ الإصدار من 2007 أو بعدها وبالنسبة لرسالة الدعم مش ضروري تقدم وحدة جديدة وتقدر تقدم الجواز القديم مع الجديد عشان تبين أن رقم الجواز اللي في رسالة الدعم هو لجوازك لو حصلت واحد جديد.

mair.msh كتب:

السلام عليكم:
انا قدمت علي التاشيرة البريطانية لكن جوازي الاخضر مجدد يوم 17-1-2014 هل هدا يعني ان احتمال الرفض كبير؟
مع العلم اني حاولت نقدم علي جواز الكتروني لكن رفضو بحجة انه مازال يمكن تجديد الجواز الاخضر لمدة 4 سنين قادمات و لا يحق لي جواز سفر جديد
ارجو الافادة

وعليكم السلام

الله أعلم توة ماعليك إلا الدعاء وإن شاء الله خير خاصة أنه جوازك جديد.

Ahmed Saleh كتب:

هل استخدام جواز السفر الجديد ( لليبيين ) شرط للتأشيرة البريطاانية ام يمكن تقديم الجواز القديم ( الاخضر ) ما دام ساري الصلاحية ؟

لا مش شرط إلا لو صلاحيته مجددة يوم 1-1-2014 أو بعدها 


استفسارات بخصوص جواز السفر

السلام عليكم ... وأعتذر عن كثرةالاستفسارات ...
فهمت مما قرأت وسمعت أن الجوا الذي تم تجديده في 2014 قد يعرض صاحبه للرفض... هل هذا ينطبق ايضا على اضافة الاطفال للجواز ؟
جوازي صادر في 2013 وصالح حتى 2017 ولكنني قمت باضافة طفل فيه في 2014 فهل هذا الاجراء ايضا يعرضه للرفض ؟؟؟

السلام عليكم ورحمه الله
سؤالي بخصوص جواز السفر الجديد الكتروني:
صار واجد ان قسم الجوازت في بنغازي احياناً تخط في جوازات السفر الالكترونيه بخط اليد ويقولوا للمواطن عادي "الكتروني ومخطوط خط" وبصراحه انا واسرتي الصغيره دارولنا جوازات الكترونيه مخطوطه باليد، اني عارفه ان الفكره مش منطقيه بس احيانا الظروف تحكم بالاضافه ان هم في جوازات طمنونا وعارفينا موفدين لدول اوربيه...بس توه سمعت من مصدرين ان جوازت السفر الكترونيه المخطوطه باليد مش حيتم قبولها في الدول الاوربيه ومش حيعطوا عليهن فيزا فهل هذا الكلام مؤكد؟؟ مع العلم اني نفس الدول اللي نبي نقدملها سبق ودخلتلها بالخضر وعندي منهم فيزا من قبل يعني لما نقدم الجديد اللي هو الكتروني ومخطوط باليد حنقدم معاه الخضر القديم وفيزت دخوله القديمه. شكرا

الجهمي كتب:

السلام عليكم ورحمه الله
سؤالي بخصوص جواز السفر الجديد الكتروني:
صار واجد ان قسم الجوازت في بنغازي احياناً تخط في جوازات السفر الالكترونيه بخط اليد ويقولوا للمواطن عادي "الكتروني ومخطوط خط" وبصراحه انا واسرتي الصغيره دارولنا جوازات الكترونيه مخطوطه باليد، اني عارفه ان الفكره مش منطقيه بس احيانا الظروف تحكم بالاضافه ان هم في جوازات طمنونا وعارفينا موفدين لدول اوربيه...بس توه سمعت من مصدرين ان جوازت السفر الكترونيه المخطوطه باليد مش حيتم قبولها في الدول الاوربيه ومش حيعطوا عليهن فيزا فهل هذا الكلام مؤكد؟؟ مع العلم اني نفس الدول اللي نبي نقدملها سبق ودخلتلها بالخضر وعندي منهم فيزا من قبل يعني لما نقدم الجديد اللي هو الكتروني ومخطوط باليد حنقدم معاه الخضر القديم وفيزت دخوله القديمه. شكرا

وعليكم السلام ورحمة الله

لم نسمع بهذا وشنو اللي خلاهم يقولوا أنها مش حتقبل هل هم يشتغلوا معاهم؟
أعتقد طالما الموضوع مازال جديد متاع الخط باليد فصعب تحصلي إجابة هنا من حد مجرب وأقترح تكتبي موضوعك في منتدى إجراءات الإيفاد وفي صفحات الفيس بوك اللي فيها الكثير من الليبيين مثل عين الجالية والصفحة الأكاديمية وتشوفي مرات حد مر بهذه التجربة يجاوبك

بارك الله فيك اخي ابو محمد

السلام عليكم
اني اوراقي كاملات للتقديم علي التأشيرة ولاكن لقيت جوازي فيه اقل من 6 شهور صلاحيته ينتهي بتاريخ 3/2015 واني عندي حد يقدر يمدده ل شهر 12/2015 وبتاريخ قديم لاكن جوازي ممدد من قبل وقالولي ممكن ميقبلوش التمديد التاني السفارة البريطانية حت لو بتاريخ قديم ...
وبالنسبة للجوازات الجديدة قالولي مفتوحة للحجاج فقط او للي عنده تقرير طبي وزحمة
واني بداية دراستي شهر 1 ف هل هناك من ينصحني او يعطيني حل نكون ممتنة له،،،
وبارك الله فيكم مقدما

الوردة البيضاء كتب:

السلام عليكم
اني اوراقي كاملات للتقديم علي التأشيرة ولاكن لقيت جوازي فيه اقل من 6 شهور صلاحيته ينتهي بتاريخ 3/2015 واني عندي حد يقدر يمدده ل شهر 12/2015 وبتاريخ قديم لاكن جوازي ممدد من قبل وقالولي ممكن ميقبلوش التمديد التاني السفارة البريطانية حت لو بتاريخ قديم ...
وبالنسبة للجوازات الجديدة قالولي مفتوحة للحجاج فقط او للي عنده تقرير طبي وزحمة
واني بداية دراستي شهر 1 ف هل هناك من ينصحني او يعطيني حل نكون ممتنة له،،،
وبارك الله فيكم مقدما

وعليكم السلام
لا السفارة البريطانية مالها علاقة بعدد مرات التمديد ولكن مايفبلوا جوازت ممدة بتاريخ بعد 31-12-2013 ولو حتى جبتي تاريخ قديم مثلا 31-12- 2013 ممكن يثير الشك لأنه تم التجديد قبل انتهاء الصلاحية بـأكثر من 6 شهور علاوة على أنه ممكن يدخل في بند التزوير
الحججاج توة خلاص كلهم قدموا وممكن حتى مشوا أغلبهم فممكن تخف الزحمة شوية.

حاولي المرة الجاية تخلي المواضيع المتعلقة بالتأشيرة في ثسم التأشيرة

السلام عليكم ... هل رفض الفيزا بناء على تجديد الجواز بعد شهر 1 /2014 ينطبق أيضا التقديم علي تير 4 من داخل بريطانيا ، علما أن التجديد كان من القنصلية الليبية بريطانيا ؟ وهل هناك حالات تم رفضها من داخل بريطانيا لهذا السبب؟ بارك الله فيكم

البركة كتب:

السلام عليكم ... هل رفض الفيزا بناء على تجديد الجواز بعد شهر 1 /2014 ينطبق أيضا التقديم علي تير 4 من داخل بريطانيا ، علما أن التجديد كان من القنصلية الليبية بريطانيا ؟ وهل هناك حالات تم رفضها من داخل بريطانيا لهذا السبب؟ بارك الله فيكم

لا أعتقد باعتبار أن الجواز السفر الجديد لايمكن التقديم عليه من خارج ليبيا ولا أعرف أحد قدم بتجديد بعد 1-1 ولكن أعتقد يوجد الكثيرين ولم أسمع بأحد تم رفضه هنا لهذا السبب.

عدل سابقا من قبل Abu Mohamed في الخميس 09 أكتوبر 2014, 10:45 pm عدل 1 مرات

السلام عليم
عندى الجواز متاعى الاخضر يسقط فى شهر 1 2015 ونبى انقدم على تاير فور علما بان صفحة التجديد متاع 4 سنوات مزالت فاضية ها لو جددت هذى الصفحة تمشى لحكاية او لا , وشكرا .

قمت بتجديد الجواز بتاريخ 6-1-2014 الى 6-1-2016 فهل يمكن التقديم على التاير فور بهدا الجواز و شكرا علما بان هده المرة هى الرابع للتجديد

salem1981 كتب:

السلام عليم
عندى الجواز متاعى الاخضر يسقط فى شهر 1 2015 ونبى انقدم على تاير فور  علما بان صفحة التجديد متاع 4 سنوات مزالت فاضية  ها لو جددت هذى الصفحة تمشى لحكاية  او لا , وشكرا .

وعليكم السلام

هل تبي تجدد من ليبيا وتقدم من تونس؟ أو من بريطانيا؟
في الحالة الأولى لابد من استخراج جواز جديد

في الحالة الثانية يمشي الحال لو جوازك صادر في 2007 أو بعدها

mousa999 كتب:

قمت بتجديد الجواز بتاريخ 6-1-2014 الى 6-1-2016 فهل يمكن التقديم على التاير فور بهدا الجواز و شكرا علما بان هده المرة هى الرابع للتجديد

نفس الإجابة فوق

ابو محمد، ارجو منك التوضيح: هل فيه حالات يكون فيها الجواز الاخضر مشكلة حتى لو كانت الصلاحية مازال فيها اكثر من 6 شهور. انوي التقدم لتير 4 من خارج بريطانيا بجواز اخضر صالح لغاية نهاية 2015، وهو جواز قديم من 2004 و مع ذلك جددته الجوازات خلال الاحداث الاخيرة (شهر 8 اللى فات) بتاريخ رجعي من 2013 فهل هذا فيه اي اشكال عند التقديم من تونس او غيرها لتير 4 جديدة لدخول بريطانيا لاول مرة؟

خوي انا بعتت وراقي مناخد تأشيرة ل مصر وجوازي مزال فيه حوالي 5 شهور وايطيح التجديد توا كان قبلوني انقولك

السلام عليكم

على حسب علمى ان لو جوازك امجدده فى سنة 2014 السفارات مش حتقبله لانى مار على خبر من قبل ان ادارة الجوازات الليبية راسلت السفارات وطلبت منه انهم ماعادش يتعاملو مع الجوازت الخضر اللى تجديدها فى 2014 والله اعلم اتمنى انه مايكونش خبر صحيح !!!!!!,,,,, ,,,اما الجوازات الخضر اللى تجديدها قبل 2014 يعنى فى سنة 2013 او قبل اعتقد امورهم ماشية مقبولة والله اعلم .

زيد اسال اخى الجوازات الرئيسية فى طرابلس او راسل السفارة او حط سؤالك فى صفحة الموفد فى الفيس باذن الله تلقى اجابات .