استفسارات بخصوص جواز السفر

بالله عندي صديقتي سوق تتقدم علي التأشيره البريطانية لدراسة الدكتوراة ..... وكما تعرفون أن فيزة دراسة الدكتوراء حوالي ثلاثة سنوات ..... بس المشكلة أن جواز سفرها صلاحيته لغاية 2014 بس .... وقبولها لغاية تقريبا 2016..... وكما تعلمون أنه لايوجد تجديد للجوزات الا بعد 2014 حيث سيتم تغيير الجلده بالكامل لكل الليبيين.... فهل من الممكن أنها تحصل علي الفيزا في هذه الحالة مع أن صلاحية جوازها أقل من مدة قبولها؟؟؟؟؟؟؟ بالله أفيدوها في هالموضوع للأخوان الي عندهم خبره.

ِAbu Mohamed كتب:

أنا في 2010 كان جوازي مازال عليه 3 شهور ويطيح وجددت بيه تأشيرتي وحطولي فيه التأشيرة من غير مشاكل وبعد ماغيرت الجواز بعد 3 شهور دبسوه مع الجواز القديم اللي فيه التأشيرة

مافيش مشكلة أختي يعطوها التاشيرة وبعد ماتجدد جوازها في 2014 إن شاء الله يلصقوا الجواز الجديد مع القديم.

شكرا أخي ِAbu Mohame ..... الله يفتحها أعليك دنيا وأخرة

يعني نفهم من كلامك أن السفارة البريطانية في ليبيا فاهمين هذا الموضوع ومش حيعرقلوها بأذن الله.

السلام عليكم ورحمة الله

نقطة مهمهة احببت ان انبه الجميع قبل الحضور الى بريطانيا وهي البصمة الشخصية والتوقيع الشخصي في جواز السسفر والتي عادة مايتم اجاؤها عند استلام جواز السفر من الجوازات

حاليا في بريطانيا تم ايقاف حساب مصرفي لاكثر من طالب بسبب عدم وجود البصمة والتوقيع وتقريبا في الصفحة الثانية من الجواز

المصرف ابلغ الطلاب بضرورة الاتصال بالسفارة وحل هذه الاشكاليه المهمة وللعلم الطلبة منعو حتى من السحب

نصيحه لكل من لايوجد بجواز سفره بصمة اوتوقيع ان يبصم بالابهام ويوقع بنفسه ودون الذهاب للجوازات

اللهم اني بلغت اللهم ما فاشهد

نعم في الصفحة المكتبوبة بالعربي قبل الصوره

مشكلة البصمة والتوقيع ظهرت في البنك

لم يسال عنها الطلاب في المطار او المعهد اوقسم الشرطة باسثتناء البنك

بــــــــــارك الله فيك خوي..

بعد ما قريت مشاركتك دغري فحصت الجواز و اكتشفت أني باصم فقط لكن مانيش اموقع بس لو وقعت بروحي وخصوصا أني قدمت على التأشيرة ما توقعش أنه مرات تسببلي مشكلة لما ندخل للبريطانيا؟؟



____________________________

..رَبَّنَا آَتِنَا فِي الدُّنْيَا حَسَنَةً وَفِي الآَخِرَةِ حَسَنَةً وَقِنَا عَذَابَ النَّارِ..

البصمة تكفي يا اخي

____________________________

..رَبَّنَا آَتِنَا فِي الدُّنْيَا حَسَنَةً وَفِي الآَخِرَةِ حَسَنَةً وَقِنَا عَذَابَ النَّارِ..

... شكرا على المعلومة

قصدك بعد الصفحة التي بعد الصفحة التي فيها الصورة ؟

والله زايده معاك اخي اليكس الله يرحم والديك ويبارك فيك و يوفقك ... وشن جو الصق في نيوكاسل؟؟؟

اني موقع و باصم في الجواز ....لكن مشكلتي ان التوقيعة الحالية في كل المستندات مش زي التوقيعة في الجواز ....يا شينك مشكلة و خلاص

على كل حال بارك الله فيك يا اخي

ALEX 1

و

melgheriani كتب:

اني موقع و باصم في الجواز ....لكن مشكلتي ان التوقيعة الحالية في كل المستندات مش زي التوقيعة في الجواز ....يا شينك مشكلة و خلاص

على كل حال بارك الله فيك يا اخي

مش مشكلة بكل اخي ممكن لما تفتح حساب في المصرف تستعمل توقيعتك اللي في الجواز بس والتوقيع الثاني تستعمله في الأمور الثانية وبعدين حتى أفضل يكون توقيع المصرف غير توقيعك في الأشياء الأخرى عشان ماحد يسرقه بس لازم لما يعطوك بطاقة ائتمان (فيزا كارد) توقعه من الخلف بنفس توقيعة المصرف وفي حالة شريت بيه حاجة من محل وتبي تردها لما يطلبوا منك توقع على الاسترداد لازم تكون نفس التوقيعة اللي في ظهر البطاقة.

السلام عليكم ورحمة الله

ارجو افادتى بخصوص استشاؤة مهمة وعاجلة جدا لو سمحتم

انا احمل جواز سفر امريكي وليبي

ارغب فى السفر الى بريطانيا ولا احتاج طبعا لتأشيرة حسب استشارتى لمكتب التأشيرات البريطانية


الخروح من مطار طرابلس سيكون بالجواز الليبي لانى عند العودة سأدخل لنفس المطار بالجواز الليبي الذى خرجت به

وعند الدخول لبريطانيا طبعا سأدخل بالجواز الامريكى لانى لم اقدم على التأشيرة في الجواز الليبي

السؤال هو

هل سأتعرض للمسالة فى مطار لندن عن ختم الخروج من مطار طرابلس خصوصا انى لم اختم الخروح على الجواز

الامريكي واني استعملت الجواز الليبي عند المغادرة ؟

وان حدث وسئلت عن الختم هل من المسموح ان اظهر ختم الخروج وذلك باظهار الجواز الليبي ؟

وسؤال اخير لو سمحتم

عند مائ بيانات التذكرة لغرض الحجز فى الرحلة هل اكتب بيانات الجواز الليبي او الامريكى

ارجو الرد في اسرع وقت لانى بصراحة مستعجل وحاير وماعرفتش كيف نتصرف

كل الشكر والتتقدير والاحترام


عدل سابقا من قبل ِAbu Mohamed في الأحد 02 ديسمبر 2012, 9:19 pm عدل 1 مرات (السبب : العنوان غير واضح)

اللي أنا متأكد منه انك لازم تظهر جوازك الأمريكي في مطار طرابلس في check in عند موظف شركة الخطوط اللي انت مسافر عليها لانه المسؤول على التأكد من تأشيرة المسافرين وفي حالتك جوازك الليبي ما فيشي تأشيرة فلازم يشوف الجواز الأمريكي لكن بالداخل عند ختم الخروج ممكن توري الجواز الليبي بس مع أن توا الحمد لله معادش في مشاكل للناس اللي عندهم جنسيات أخري
في بريطانيا اعتقد أن أمورك حتكون تمام أن شاء الله بجوازك الأمريكي وفي أسوأ الأحوال تقولهم أن عندك جوازين ومااعتقدش ليهم علاقة

طبعا تقدر تسال في السفارة الأمريكية اعتقد الإجابة الشافية عندهم وموقف أن شاء الله

اخي الطيب ALBLEAZI

شكرا لردودك وتعاونك بس يا ريت توضيح بسيط من حضرتك

ختم الخروج من ليبيا هل سيكون على الجواز الليبي لانى عند العودة حندخل بالليبي طبعا

لكن اللى نقصده هو عند دخولى لبريطانيا

هل حيعرقلونى لان الجواز الامريكى اللى بنخش بيه غادي مافيشي ختم خروج من ليبيا ؟

ولو عرقلونى هل نوريهم الجواز الليبي على اساس مختوم فيه ختم الخروج من ليبيا

شكرا لسعة صدركم وبارك الله فيك اخى الكريم

والله اللي نعرفه ان الامريكان عندهم وضع خاص في بريطانيا باذن الله ما يصير معاك الا الخير لكن يا خوي انت من حقك تمشي للسفارة الامريكية وتستفسر منهم للتاكيد طبعا هذا لو كنت قريب منها

االف شكر ليك اخي الطيب وجزاك الله كل خير
بصراحة صعب شوى نوصل للسفارة الامريكية توة بس ان شاء الله حنسافر ويصير كل الخير باذن الله

شكرا ليك مرة اخري وجزاك الله كل الخير