للاسف السفارة الكندية ومكتب التاشيرات اغلق اليو

الله غالب
اليوم مشيت عندي موعد في مكتب التاشيرات لقيته مسكر وحاطين ورفة لايوجد عمل اليوم ولقيت ليبي يخدم غادي لكن قال من الجهة الثانية مافهمتش وينامهم قالي كل الكنديين جاهم تحذير بعد خطف زيدان وامر بمغادرة البلاد وغادروا الساعة 6 الصبح

يعوض الله خير

انشااااء الله خير وخلاص

لا حول ولا قوّة إلاّ بالله ...

شن بنتوقعو بلادنا ولت تفجير وخطف مافيش لاحكومة لادولة ,, كلها تسرق وكلها تفسد ,, لاحول ولاقوة الا بالله . والله حنا الليبين الاغلبية مع احترامى للقراء  ما يحبو بلادهم ويبولها الخير احقاد وكره وبس . لو كنا نحبو بلادنا راهو توا عندنا رئيس وحكومة قوية وشعب يبنى 24 ساعة ,, تلاتة سنوات مشاريع وتنمية مش قبلية واشتباكات 24 ساعة . اللهم استودعك أهلى وبلدى يا الله .

بالعكس ، السفارة مفتوجه ... انا شخصيا كنت في السفارة اليوم الاحد صباحا بتاريخ  13-10-2013

الحمد لله

اصلا منزلين إعلان مصكرين يوم الخميس 10 أكتوبر بس

السلام عليكم ... كل عام وانتم بخير ... الفارة مفتوحة والا مسكرة ؟؟؟

alhusain كتب:

السلام عليكم ... كل عام وانتم بخير ... الفارة مفتوحة والا مسكرة ؟؟؟

مفتوحة

السفارة فتحت الاحد والمكتب مفتوح لكن اللي موعده الخميس زيي انا تكنصلوا وقالونا خوذوا موعد تاني للاسف الوقع ماباش يفتح ماعرفتش علاش ا

nano2800 كتب:

السفارة فتحت الاحد والمكتب مفتوح لكن اللي موعده الخميس زيي انا تكنصلوا وقالونا خوذوا موعد تاني للاسف الوقع ماباش يفتح ماعرفتش علاش ا

ماعليك الا تحديد موعد جديد شوفى موعد قريب بعد العيد

شكرا خوي ناجي لاهتمامك الموقع ماباش ينفتح اتصلت بقريبتي في فرنسا انفتحلها وحجزتلي اقرب موعد يوم12نوفمبر الله غالب