hanan_201377 كتب: السلام عليكم
انا ان شاء الله راح اسافر الى كندا يوم 28/10/2013 عبر الخطوط الالمانية فياريت الا سافر عبر هذه الخطوط مايبخل عنا بتجربتك بالتفصيل لكي ناخد منكم العظة والعبرة وكذلك ياريت نعرف كم الوزن حقائب لكل شخص بالله عليكم لاتبحلوا عنا بهذه المعلومات
كل عام وانت بخير اخت حنان
انا سافرت عليها من طرابلس فرانكفورت لندن هاليفكس ( كندا ) رح نحكيلك تجربتي وانت قرري انا اخ طبعا اخديت التدكرة من الباروني درجة اقتصادية بس عيرتها للبزنس دفعت 290 زيادة وكان الوزن المسمح حقيبتين كل حقيبة 32 كيلو بالاضافة للهاند باك تقريبا 8 كيلو ولو الاقتصادية رح يكون الوزن 23 كيلو اتنين حقائب المهم من طرابلس لفرانكفورت تقريبا 3 ساعات وشوية قعدت ترزانزيت ساعة ونصف فقط وبعدها وصلت للندن لتو الامور تمام بس المشكلة كانت في لندن لما غيرت الدرجة في مكتب وكالة اللوفتهانزا في البرج قالولي عندك مبيت ليلة في فندق في لندن قلت تمام لكن لما وصلت لندن تفاجئت ان ما عنديش حجز فندق مشيت للوكالة متعهم في المطار باش نتاكد قتلي ما عندكش فندق وهنا كانت الكارتة قرابة 12 ساعة بتقعد في المطار مصيبة كبيرة خصوصا لو كانت معاك عائلة وبعدها سافرت تاني يوم لكندا بالخطوط الكندية
نصيحة مني لو كنتي ماشية لكندا ضروري تاكدي على حجز فندق وقوليلهم يعطوك اسم الفندق وعنوانة واتصلي بيهم انت شخصيا وتاكدي من الحجز قبل ما تسافري والله تعب رهو لو تسافري من غير حجز فندق
ولو كنتي مسفرة بلاد قريبة توكلي على الله
وان شاء الله ربي يوصلك بالسلامة اي استفسار اختى تفظلي
سفر عبر الخطوط الالمانية