استفسار للطلبة الليبين في كندا

السلام عليكم ورحمة الله ،،

انا اسمي نزل في قرار ايفاد ولله الحمد والمنـه ،، ورغبتي في الدراسة في كندا ولكن هناك من شككني في مدة الدراسة 

انها ماتكفيش بسبب ان الجامعات الكندية تضيف في سمسترات معادله قبل البدء في الماستر ،، وهذا خلاني متردد حقيقتا لان المده محدودة

وخايف ننفلق بالليبي ،، للعلم تخصصي محاسبه ومتحصل ع بكالوريس ،، ارجو الايفاده من ذوي الخبرة ولكم جزيل الشكر مقدما

معقولة مافيش أي مساعدة يا شباب ؟؟

لم اسمع بسمستر للمعادلة من قبل. قد يُطلب منك كورسات زيادة اذا كان تقديرك فى البكالورس اقل من المطلوب منهم او يرى القسم انك لازم تأخد كورسات معينة قد تحتاجها او تُعينك لإنجاز الماستر. وفى العادة المواد لا تزيد عن ثلاثة.. وبصفة عامة المدة كافية لأن الكثير من الطلبة الليبيين من عمل الماستر فى كندا و انا واحداً منهم..

بارك الله فيك يا خويا صالح وجعلها الله في ميزان حسناتك ،، ومعلش بحكم خلفيتك كم تستغرق مدة الكورسات هذي ، للعلم انا تخصصي محاسبة 

ومعدلي 64% ،، وشن تنصحني بصفه عامه بالخصوص ،،

ننصحك ادير امتحان GRE واتجيب فيه درجة كويسة لتدعمك للقبول لانه معظم الجامعات مايقبلوش ل تحت 70

تقربيا 70 % علي الاقل في اخر سنتين في الدراسه وليس في المجموع الكلي علي حد علمي  هذا والله اعلم

مشكور يا ناجي وبارك الله فيك ، بس يا ريت تفهمني شن برنامجه الامتحان هذا ؟؟ ،، ووين مكانه ؟

مشكورة جدا اختي لينا ع المعلومه ويا ريت يطلع كلامك صح لانه معدلي ف السمسترات الاخيره كويس ،،