استفسار عن كل مايلزم تجهيزه قبيل السفر

albelo73 كتب:

السلام عليكم
عندك حاجتين مهمات لما تسافر برة اول شي الطنجرة و الكسكاس و الحاجة الثانية هي كانك تشرب في الشاهي و تعرف الشاهي كيلو شاهي زهرة و الباقي كلة موجود
و بالتوفيق للجميع

alous2030 كتب:

من معلوماتي الي خديتها من الناس الي مشو قبلي ان:
تغير درجة الرحله يكلف قريب ضعف تمن الرحله و ع العموم السياحيه مش بطاله .
يفضل اخد 5000 دولار لان احيانا تعطل بش تلقا حوش وتستقر و احيانا الحوش نفسه يبي شوية حاجات.
وعلي قولتك الواحد يرفع معاه باش يبدا لين يعرف منين يشري.
يقولو الملابس رخيصه فمتكترش ارفع بس الضروري و الحوايج العربيه.

و لو في حاجه تانيه قولولنا................

امة الله كتب:

السلام عليكم

وعليكم السلام ورحمة الله وبركاته

اولا ان شاء الله اخوتي تصلون بالسلامة

الله يسلمك

ثانيا: احيانا الدرجة الاقتصادية تكون اكثر من جيدة وذلك حسب الخطوط
ثالثا: انصح باخذ مصحف الكتروني وشاحن كهربائي للبطاريات AA+ فالمصاحف نادرة وغالية جدا كما ان المصحف الكتروني يكون لك خير رفيق في كل مكان سهل الحمل ومتعدد المزايا فتجدون فيه تفسير الجلالين والاذكار والاحاديث....اما الكهرباء غالية في الدول الاوربية والبطاريات كذلك في ليبيافقط بعشرة دينار تجيب اثنين rechargeable

الحق مصحف الكتروني ماخطرش عليا لانه عندي القرآن ع الموبايل مكتوب ومسموع بصوت الشيخ الدوكالي والشيخ ياسر الدوسري

لو تعرفي ماكن نلقي فيه شاحن نوعية كويسة ؟



=الملابس العربية للرجال ولمن عنده اطفال وملابس النساء الحجاب ومستلزماته
= حذاء رياضي ماركة ممتازة (مريح -ويعيش_ ومهما كان هنا غالي فبرة اغلى)
= الملابس الخفيفة القطنية 100% الماركة كذلك

خذيت أحذية وشوية ملابس من بابل بتاع CAT ومازالي شوية ملابس خفيفة

رابعا: عليكم واوصي نفسي معكم بتقوى الله فهي خير زاد

اللهم ارزقنا تقواك في السر والعلن ,,,, " وَمَنْ يَتَّقِ اللَّهَ يَجْعَلْ لَهُ مَخْرَجًا* وَيَرْزُقْهُ مِنْ حَيْثُ لا يَحْتَسِبُ "

بالتوفيق للجميع

alous2030 كتب:

ايه هو نفس الفندق الليله علي حسب امتى تحجز لكن مابين 90 و 150 يورو وطبعا علي حسابك . الطياره توصل غادي مغرب و تطلع الساعه 10 تاني يوم ..... الترانزيت طويل شويه اكتر من 12 ساعه ... العيله الي مشو قالولي الرحله مريحه و الفندق مريح تتعشا علي مهللك و تفطر علي مهلك و تكمل رحلتك و انت مستريح... حاجه واحده قالولي اعبى بماكلة الصغار لان اكل الطياره مش اوي... حنرفح بشكتي و زبادي و بريوش اهو اي حاجه نواشف نسكتهم بيها لان الصغار لا متع قهوه لا شاهي..... و كل كرسي فيه تلفزيون فتقدر تتفرج و ممكن تحط قران ع ال ام بي تري و تسمعه ...الرحله من 8 الي 9 ساعات في الجو علي حسب وين ماشي... على حد علمي نيويورك غاليه كيف بدير مع المنحه و لا انت عزابي ؟ كان هدا معندك علاش تخمم تمشي الامور باذن الله ..اني الي شاغلني الصغار و وتبهديلهم في الرحله........................ والله ولي التوفيق

alous2030 كتب:

بالله قولي شن صار في الدعم المالي متع التأشيره ... ال اي 20 بيبعتهولي الجامعه في اقرب وقت مشيت ل دي اتش ال اليوم و درت طلب بش يبعتوه مازال مردوش......لكن الدعم المالي طلع قصتع قصه اليوم اني في البعتات من الساعه 11 ل 2 بلا فايده , لا في من تسأل و لا تلقا من يرد عليك المكاتب شبه مسكره و الموظفين مهناش و الي نمشي نحكيلة قصتي يقولي راجي البريد...حتي البنيه الي تطبع مهناش بس نسألها ادا طبعتها و لا لأ....و قالولي اصبر للاحد غدوه عمل داخلي اهو ليهل بالزبط 15 اليوم.......بصراحه اليوم قريب اجلته الافاد كله قلت نصبر بالك نحصل اكاديمي لكن تدكرت ان موعد امتحان جي ار اي فتني و سكزو التسجل...و اني مادا بيا نبعت ملفاتي قبل شهر 12 لا توا باعت ملف و احد بس....